Николас Кејџ глуми во хорор за детството на Исус, објавен е првиот тизер (ВИДЕО) - Канал 5

Шоу биз

Николас Кејџ глуми во хорор за детството на Исус, објавен е првиот тизер (ВИДЕО)

По успехот на минатогодишниот филм „Долгоглав“, Николас Кејџ повторно влегува во светот на хоророт, овој пат преку проект кој веќе предизвикува голем интерес и контроверзии.

Николас Кејџ глуми во хорор за детството на Исус, објавен е првиот тизер (ВИДЕО)

Имено, студиото „Магнолио пикчерс“ вчера го објави првиот тизер за филмот „Синот на дрводелецот“, библиски хорор инспириран од апокрифното Евангелие по Тома, кое го реинтерпретира детството на Исус Христос на морничав начин.

Библиски хорор во кој глуми Кејџ

Според CBR, филмот во режија на Лотфи Натан („Харка“, „Момчиња од 12 часот“) се одвива во Египет за време на римското владеење, пред приближно 2.000 години. Кејџ го портретира ликот на енигматичниот дрводелец - татковска фигура која се обидува да го заштити своето семејство, додека ФКА Твигс ја презема улогата на мајка, а Ноа Џупе го игра нивниот син, познат едноставно како Момчето.

Заплетот се развива кога Момчето почнува да се сомнева во своите родители и ги открива своите натприродни моќи. Неговиот бунт против дрводелците ја отвора вратата кон разни хорори - и природни и божествени.

Првиот тизер, долг само триесет секунди, не открива многу, но остава силен впечаток кај гледачот. Го гледаме Кејџ како го гледа изгрејсонцето и момчето од далечина, што веднаш го нагласува централниот конфликт на филмот - затегнатиот однос помеѓу татковска фигура и синот чии моќи се надвор од човечкото разбирање.

Контроверзност и глумечката екипа

Покрај главното трио, во филмот се појавуваат Сухејла Јакуб, Пенелопе Маркопулу, Каити Манолидаки и Ерато Цивелеки во споредна улога на дете, додека гласот на ангелот го дава Томер Лев Тов. Филмот ветува интимна, но во исто време и застрашувачка приказна за семејство чиј свет се распаѓа под тежината на тајните, моќта и судбината.

Поради реинтерпретацијата на детството на Исус, се очекува „Синот на дрводелецот“ да предизвика жестоки дебати, особено во религиозните кругови.

YouTube video

Инцидент со рој пчели

Продукцијата беше проследена со бизарна работа. Како што пишува MovieWeb, за време на снимањето во Грција, Кејџ бил нападнат од рој пчели во пештера, поради што снимањето морало да се премести на друга локација. Иронично, инцидентот многумина ги потсети на неговата озлогласена улога во римејкот на хорор филмот „The Wicker Man“ од 2006 година, познат по сцената со пчелите.

Иако точниот датум на објавување сè уште не е познат, најавено е дека „The Draver's Sin“ ќе пристигне во кината на есен 2025 година. Со оглед на впечатливиот тизер, единствената тема и мрачната атмосфера, јасно е дека нè очекува еден од најнеобичните хорор филмови на годината.

Тагови: Николас Кејџ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Чудо во Унгарија: Лубеница тешка 84 килограми

Била потребна мала градинарска количка за да се изнесе од стаклената градина.

Видео: Чудо во Унгарија: Лубеница тешка 84 килограми

Необична лубеница - вид што не се гледа секој ден - е одгледувана оваа година во унгарското село Медѓесбоџас,на фармата на Тамас Дарвас, една од лубениците достигна неверојатна тежина од 83,95 килограми.

Била потребна мала градинарска количка за да се изнесе од стаклената градина.

Дарваш одгледува лубеници повеќе од три децении, но неговиот пат кон производството на толку огромни плодови не бил случаен. Сè започнало во 1998 година, кога купил десет семиња во САД.

Оттогаш, од година во година, тој ги избирал семињата од најголемите лубеници за да ги користи во наредната сезона. На тој начин, земјоделецот со децении селектирал растенија што даваат сè поголеми плодови.

Дарваш претходно објасни дека станува збор за сорта првично развиена во американската сојузна држава Арканзас, специјално за натпревари во одгледување џиновски лубеници. Според неговите претходни изјави, под соодветни услови, поединечни лубеници можат да достигнат тежина и до 150 килограми.

Годинешниот резултат е особено значаен за него, бидејќи повеќекратно го надмина неговиот претходен забележителен успех.

Во 2023 година, Дарваш го привлече вниманието на јавноста со лубеница тешка 63,25 килограми. Сепак, сега таа граница е поместена за повеќе од 20 килограми.

Колку изнесува светскиот рекорд?

Иако 84 килограми би биле доволни сериозно да ја оптоварат обичната домашна вага, унгарската лубеница сè уште е далеку од светскиот рекорд. Најголемата официјално регистрирана лубеница во светот тежела дури 159 килограми.

Таа била одгледана од Американецот Кристофер Кент од Сејвил, Тенеси, а рекордот бил потврден на 4 октомври 2013 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден со нова мерка за поддршка на најмладите

Општина Илинден воведува субвенции за првачиња, мерка наменета за помош на семејствата во пресрет на почетокот на учебната година. 

Општина Илинден со нова мерка за поддршка на најмладите

За таа цел, објавен е Јавен повик за доделување еднократна финансиска помош за семејствата со деца кои во учебната 2026/2027 година ќе го започнат своето основно образование.

Со новововедената мерка, секое дете запишано во прво одделение ќе добие еднократна финансиска помош во износ од 3.000 денари. Родителите или старателите кои сакаат да го остварат ова право потребно е да поднесат барање со соодветната документација преку Архивата на Општина Илинден. Деталите за условите, потребните документи и постапката за аплицирање се објавени на официјалната веб-страница на Општината.

Новата мерка има за цел да им помогне на семејствата во подготовките за почетокот на учебната година и да обезбеди дополнителна поддршка за најмладите ученици при нивниот прв чекор во образовниот процес. Паралелно со финансиската помош, Општината ќе продолжи и со досегашната практика на обезбедување ранци со училишен прибор за првачињата.

Финансиската поддршка е дел од Програмата за финансиска поддршка на жителите на Општина Илинден за 2026 година, преку која се спроведуваат повеќе мерки и активности наменети за поддршка на различни категории граѓани.

Линк до повикот: https://ilinden.gov.mk/wp-content/uploads/2026/08/javen-povik-finansiska-pomosh-prvachinja.pdf

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција во потрага по пиромани: Уапсени 474 лица за предизвикување пожари

Во Франција, од почетокот на јули, 474 лица се уапсени под сомнение дека предизвикале пожари, соопшти денеска Министерството за внатрешни работи на таа земја.

Франција во потрага по пиромани: Уапсени 474 лица за предизвикување пожари

Меѓу уапсените има 183 малолетници, односно речиси 39 отсто од вкупниот број, објавија порталите BFM TV и „Фигаро“. На почетокот на август, француското Министерство за внатрешни работи соопшти дека две третини од апсењата биле поврзани со подметнување пожари.

Утрово избувна нов шумски пожар во департманот Ланд во југозападна Франција, каде што синоќа изгореа околу 600 хектари, а околу 500 луѓе беа евакуирани поради приближувањето на пожарот кон населени места.

Франција сè уште е зафатена од топлотен бран. За денес се прогнозираат температури од 35 до 38 Целзиусови степени, а на места и до 40, додека ноќите ќе останат многу топли во голем дел од земјата, со температури меѓу 20 и 26 степени.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер