Она што го правиме или не го правиме во првите 60 до 90 минути по будењето може да влијае на нашето расположение и когнитивни способности во часовите што следат.

Многу луѓе, честопати несвесно, го саботираат сопствениот мозок пред 9 часот наутро исе прашуваат зошто не можат да се концентрираат или се постојано под стрес, вели неврологот Патриша Шмит. Таа вели дека некогаш и самата ги практикувала следните пет навики, но ги прекинала кога сфатила како тие влијаат на мозокот.

1. Проверка на телефонот веднаш по будењето

Многумина посегнуваат по телефонот во првите неколку минути од будењето, но ова може да го наруши природниот утрински пораст на кортизолот во телото што го подготвува организмот за денот.

„Ако во тој чувствителен период веднаш се изложиме на пораки, вести и социјални медиуми, дополнително го вознемируваме и го нарушуваме природниот систем за будење на телото. Наместо тоа, се препорачува да почекате најмалку 45 минути пред да ги проверите телефоните за да може телото природно да се разбуди“, објаснува Шмит за YourTango.

2. Избегнување на утринската светлина

Природната светлина има моќно влијание врз нашиот внатрешен биолошки часовник. Кога утринската светлина ќе навлезе во нашите очи, таа активира низа процеси кои го поттикнуваат будењето, регулирањето на расположението и квалитетот на спиење следната ноќ.

Шмит истакнува: „Недостатокот на светлина наутро може да доведе до чувство на тромост во текот на денот и полош сон навечер. Се препорачува изложување на природна светлина што е можно поскоро по будењето, идеално во првите 30 минути, најмалку десет минути на ден.“

3. Веднаш почнувате со напорна работа

Некои луѓе веднаш се впуштаат во интензивна работа по будењето за да го искористат утринскиот мир, но во тој момент, мозокот сè уште поминува низ состојба на поспаност при што размислувањето и носењето одлуки се ослабени.

„Мозокот се буди постепено и му треба време да достигне целосен фокус. Подобро е прво да му дозволите на вашето тело и ум да се разбудат, со светлина, избегнувајќи екрани и правејќи лесно движења, пред да започнете со потешки задачи“, советува Шмит.

4. Јадење сладок појадок

Слатките појадоци, како што се леб со џем или засладени житарки, можат да предизвикаат ненадеен скок на шеќерот во крвта, проследен со пад неколку часа подоцна.

„Ваквите флуктуации влијаат и на мозокот, кој ја користи гликозата како извор на енергија, што може да доведе до пад на концентрацијата и енергијата. Наместо тоа, препорачувам појадок богат со протеини, кој одржува стабилна енергија, подобри когнитивни перформанси и подолго чувство на ситост“, вели неврологот.

5. Прескокнување течности

„По часови без течности, телото е благо дехидрирано наутро. Бидејќи и мозокот и телото се во голема мера составени од вода, дури и благата дехидрација може негативно да влијае на расположението и менталните перформанси. Затоа, веднаш по будењето, испијте чаша вода, приближно 250 до 350 милилитри, за да ги надополните изгубените течности“, забележува Шмит.

Овие пет навики може да изгледаат безначајни, но нивните ефекти се кумулативни. „Утринската рутина може да ја постави основата за успешен ден или, обратно, да го отежни. Она што го правиме во првиот час до час и половина по будењето влијае на нашата концентрација, енергија, расположение, па дури и на квалитетот на нашиот сон следната ноќ, поради што малите промени можат да имаат големо влијание“, заклучува неврологот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.