Невеста загина веднаш по венчавката, младоженецот се разбуди од кома (ВИДЕО) - Канал 5

Живот

Невеста загина веднаш по венчавката, младоженецот се разбуди од кома (ВИДЕО)

Арик Хачинсон од Јужна Каролина, чија сопруга почина само неколку часа по венчавката, проговори за прв пат по трагедијата.

Невеста загина веднаш по венчавката, младоженецот се разбуди од кома (ВИДЕО)

Младиот човек со солзи на лицето, прво го опишал моментот кога се разбудил од кома во која бил со денови по сообраќајната несреќа што се случила на 28 април.

- Се сеќавам дека се разбудив. Некако магливо. Можев да го видам лицето на мајка ми и забележав дека нешто не е во ред. Ја прашав: "Каде е Сем? Каде е Сем?" А потоа ми кажа дека дошло до несреќа – со скршен глас зборува Хачинсон.

Арик (36) и Саманта (34), да потсетиме, се возеле со голф-количка по свадбена прослава на плажата Фоли, кога во нив удрила „тојота“ која наводно се движела речиси 60 километри побрзо од дозволената брзина. Автомобилот со огромна брзина удрил во количкатакоја што летнала 50 метри и попатно неколку пати се превртела.

Невестата, која се уште била во венчаницата, починала на местото на несреќата. Младоженецот бил хоспитализиран со повреда на мозокот и повеќекратни фрактури на коските на лицето и телото. Уште една жртва, братучедот на младоженецот Бен Гарет, исто така е тешко повреден.

Хачинсон рече дека не се сеќава на моментот на ударот.

- Последно што се сеќавам е дека (Саманта) рече дека сака ноќта никогаш да не заврши - рече тој низ липање.

25-годишната Џејми Комороски, која возела под дејство на алкохол, доби кривична пријава за три кривични дела со последица смрт или повреда и едно ненамерно убиство.

Хачинсон, кој моментално се опоравува дома, емотивно проговори за неговите среќни спомени од брачната ноќ. Тој се присети на чувството дека е опкружен со семејството и пријателите кои патувале од целата земја за да ја прослават свадбата.

- Беше толку среќна - рекол за својата покојна невеста.

Кога го прашале дали има порака за возачот, Хачинсон немал дилеми.

- Украде нешто! Таа украла неверојатно човечко суштество - рекол младиот човек.

YouTube video

Хачинсон поднесе кривична пријава против Комороски и неколку барови за кои тврди дека ѝ продавале алкохол ноќта на несреќата, иако таа веќе била видно алкохолизирана.

Комороски рече дека пиела пиво и текила пред да седне зад воланот, но токсиколошкиот извештај покажал дека нивото на алкохол во крвта ѝ е три пати повеќе од дозволеното ограничување за возење. За време на нејзиното апсење, таа била едвај подвижна и агресивна и на полицијата ѝ рекла дека не направила ништо лошо.

Хачинсон моментално го планира погребот на својата сопруга. Тој се опоравува во нивниот стан.

- Сем остави трага во секој дел од куќата. Убаво е да се биде овде и да имам убави спомени - рекол младиот човек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поднесено обвинение против Артан Груби

Основното јавно обвинителство Скопје поднесе обвинение против Артан Груби и седум други лица како соизвршители во кривично дело – злоупотреба на службената положба и овластување.

Поднесено обвинение против Артан Груби

Обвинетите во текот на 2023 и 2024 заеднички презеле дејствија со кои ги пречекориле границите на своите посебни овластувања и должности, со намера да му нанесат штета на оштетеното правно лице акционерско друштво за приредување игри на среќа државна лотарија на македонија во значителна вредност од над 8,2 милиони евра.

Според обивнителството, тие биле свесни дека акционерското друштво за приредување игри на среќа државна лотарија на Македонија немало право да приредува електронски игри на среќа на видеолотариски терминали на територијата на државава, бидејќи во 2013 година го вложило тоа право како непаричен влог со вредност од 6.244.898 евра при основањето на друштво за приредување игри на среќа државна видеолотарија на Република Македонија-Касинос Аустриа ДОО Скопје, за што се стекнало со удел во висина од 51% од основната главнина на друштвото.

Надлежниот јавен обвинител предложи и за останатите обвинети да бидат определени мерки на претпазливост – обврска да се јавуваат повремено во судот, привремено одземање на патна или друга исправа за преминување на државната граница, како и забрана за приближување или воспоставување, односно одржување контакти или врски со определени лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Со гаранција од 500 илјади евра екс претседателот на ФФМ Илчо Ѓорѓиоски пуштен во домашен притвор

Поранешниот претседател на Фудбалската федерација на Македонија  Илчо Ѓорѓиоски, е пуштен од домашен притвор, со гаранција од 500 илјади евра и мерки на претпазливост како што потврдуваат од скопскиот Кривичен суд Ѓорѓиоски депонирал банкарска

Со гаранција од 500 илјади евра екс претседателот на ФФМ Илчо Ѓорѓиоски пуштен во домашен притвор

Дополнително и Обвинителството дало позитивно мислење за прифаќање на гаранцијата и укинување на притворот.

По ова Ѓорѓиоски ќе го очекува продолжувањето на судската постапка со определените мерки на претпазливост. Притворот е укинат и за уште две лица – Томислав Младеновски и Ѓоко Чубриновски. И кај нив притворот е заменет со гаранција и мерки на претпазливост.

Во истиот предмет е опфатен и поранешниот претседател на ФФМ, Муамед Сејдини, кој претходно обезбеди гаранција во висина од 1.000.000 евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Шумски пожари беснеат во Албанија

Албанското министерство за одбрана синоќа соопшти дека во земјата и натаму се активни девет жаришта на шумски пожари, при што пожари се регистрирани во регионите Дебар, Тирана, Драч, Корча и во Ѓирокастро.

Шумски пожари беснеат во Албанија

Според министерството, околу 450 припадници на службите моментално се на терен и учествуваат во гаснењето на пожарите и во справувањето со активните жаришта.

Најголем број сили се распоредени во областа лура во регионот Дебар, каде што се ангажирани околу 200 луѓе, додека властите продолжуваат со напорите да го стават пожарот под контрола.

Најновите информации од министерството доаѓаат во момент кога противпожарните екипи и натаму се ангажирани на повеќе места низ земјата. Властите ја следат состојбата и ги координираат активностите во погодените подрачја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер