Балкан

Неуспешен е и 51. обид за констутуирање на Собранието на Косово

Конститутивната седница на Собранието на Косово денеска беше прекината по 51-ви пат, откако претседателот Авни Дехари ја прекина, оценувајќи дека нема услови за нејзино продолжување.

Според косовските медиуми, Дехари одлучил да ја прекине седницата по вербален конфликт со пратеничката на Демократската партија на Косово, Ганимете Муслиу.

Следната седница е закажана за петок, 25 јули, во 11 часот.

На почетокот на седницата, Дехари ги повика партиите да предложат членови за комисијата за тајно гласање и ги предупреди пратениците дека дебата не е дозволена и дека тие имаат право само да предложат име.

Бидејќи пратеничката Муслиу почна да му се обраќа од говорницата, Дехари го исклучи микрофонот и таа му се приближи и започна дискусија, а по вербалниот конфликт, Дехари ја прекина седницата.

Конститутивната седница започна пред три месеци, на 15 април, и беше прекината прво затоа што мандатите на пратениците не беа потврдени, а потоа затоа што кандидатката на Ветевендосје за претседателка на Парламентот, Албуљен Хаџиу, не го доби потребниот број гласови.

Од почетокот на мај, седницата е прекината затоа што опозицијата не го прифаќа предлогот на Ветевендосје гласањето за избор на претседател на Собранието да биде тајно.

Ветевендосје инсистира гласањето да биде тајно и не се откажува од својата кандидатка Албуљен Хаџиу, иако во шест обиди за избор таа никогаш не добила повеќе од 57 гласа, додека за избор се потребни 61 глас.

На 26 јуни, Уставниот суд донесе одлука според која пратениците се должни да ја завршат конститутивната седница најдоцна во рок од 30 дена.

Претседателката на Косово, Вјоса Османи, вчера се обрати до Уставниот суд со барање за толкување на правните последици што можат да произлезат доколку новото Собрание не се конституира во предвидениот 30-дневен рок.

На изборите одржани на 9 февруари, Самоопределување освои 48 места, Демократската партија на Косово 24, Демократскиот сојуз на Косово 20, Алијансата за иднината на Косово и иницијативата Нисма осум, Српската листа девет, Партијата за слобода, правда и опстанок едно, а преостанатите 10 места им припаѓаат на претставници на други немнозински заедници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион Ф-16 се урна во поле во Турција

Турски борбен авион Ф-16 денес се урна за време на тренинг-лет во северозападната турска провинција Јалова поради технички дефект.

Видео снимки покажуваат експлозија и црн чад како се издигнуваат од полето каде што падна авионот. пилотот се катапултираше и ја преживеа несреќата“, соопшти турското министерство за одбрана.

Оттаму додаваат дека причината за несреќата ќе биде утврдена по детална истрага.

Според првичните информации, пилотот се спасил со катапултирање со падобран, по што на местото биле испратени медицински и противпожарни екипи.

Тагови: авион турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Милиони луѓе во Шпанија и Исланд ќе го гледаат првото целосно затемнување на сонцето во Европа од 1999 година

Милиони луѓе во Шпанија и Исланд ќе го гледаат првото целосно затемнување на сонцето во Европа од 1999.

Овој небесен спектакл ќе може да се набљудува од делови на Исланд, Шпанија и северна Русија, додека делумно затемнување ќе биде видливо во Канада, северниот дел на САД и во поголемиот дел од Европа и Западна Африка.

Се очекува целосното затемнување да трае до две минути и 13 секунди а ќе биде видливо од Рејкјавик, Валенсија, Сарагоса и Леон. Во Рејкјавик, затемнувањето ќе биде во 17:48 часот по локално време, а во Валенсија во 20:32 часот.

Властите во Шпанија очекуваат шест милиони посетители во претежно рурални области на патеката на затемнувањето низ северна Шпанија и Балеарските острови, а во главниот град на Исланд, очилата за затемнување се распродадени со денови, бидејќи земјата со околу 400.000 жители очекува да пречека до 80.000 посетители.

Првото целосно затемнување на сонцето во Европа од 1999 година, во Македонија ќе биде делумно во 19:26 часот

Фото: ВИ

Тагови: затемнување на Сонцето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Караванот „Силно светнал ден“ по повод 35 години од независноста вечерва во Велес

По Охрид и Битола, караванот со музичко-сценскиот спектакл „Силно светнал ден“, по повод 35 години независност на Македонија, денеска пристигнува во Велес.

Таму е Сања Трајковска Ставров.

Што се граѓаните ќе имаат можност да видат вечерва?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.