Кремљ соопшти дека за време на вчерашната посета, Путин се сретнал со доброволни организации и ја посетил нуклеарната централа „Курск II“ која е во фаза на изградба.

Рускиот претседател не ја посетил граничната област со Украина од првата половина на март.

President Putin visits a nuclear power plant under construction in the Kursk region and holds a meeting with local leaders in Kurchatov pic.twitter.com/ZLULl71gFM

— RT (@RT_com) May 21, 2025

Државната телевизија покажа снимки на кои се гледа како Путин разговара со доброволци и локални службеници, вклучително и со вршителот на должноста гувернер на Курската област, Александар Хинштајн. Путин беше придружуван од Сергеј Кириенко, прв заменик-раководител на администрацијата на Кремљ.

Украинската армија навлезе во Курската област во август минатата година и зазеде територии. Русија кон крајот на април соопшти дека ги потиснала украинските војници од регионот, со што беше ставен крај на најголемата инвазија на украинските сили на руска територија по Втората светска војна.

Нешто повеќе од две години по руската инвазија во 2022 година, на 6 август Украина ја почна својата најсмела офанзива, пробивајќи ја руската граница во Курската област со помош на дронови и тешко западно оружје. Во екот на операцијата, украинските сили изјавија дека контролираат близу 1.400 квадратни километри во Курската област.

За време на својата посета на Курската област, Путин нареди зголемување на групите за деминирање во областа.

Како што соопшти МВР, при сообраќајна контрола е сопрено патничко возило „опел мерива“ со пробиштипски регистарски ознаки, кое го управувал и по преземени мерки е констатирано дека е под дејство на алкохол, односно измерени му се 1,55 промили алкохол во крвта.

Тој е исклучен од сообраќај и по целосно документирање на случајот против него ќе биде поднесена пријава по член 297-а од Кривичниот законик - „безобѕирно управување со моторно возило“.

Во чест на 21 Мај, денот кога се одбележува Светскиот ден за културна различност за дијалог и развој, кога ја одбележуваме убавината на различноста која нè обединува, нè инспирира и нè збогатува упатувам искрени честитки како потсетник за значењето на културната разновидност како суштинска вредност на секое општество. Токму таа разновидност нека биде мост кој гради разбирање, почит и заедништво помеѓу луѓето, зашто во свет исполнет со различни традиции, јазици и вредности, нашата сила лежи токму во прифаќањето и негувањето на разликите, порача потпретседателот на Владата на РСМ и министер за односи меѓу заедниците Иван Стоиљковиќ.

Затоа, додава Стоиљковиќ, овој ден нека биде можност да се афирмира важноста на меѓусебното почитување, разбирање и соработка како предуслов за одржлив развој, социјална кохезија и мир. Културната разновидност, вели, не претставува само богатство, туку и сила што ги поттикнува креативноста, толеранцијата и заемното почитување.

-Нека овој ден нѐ потсети дека со вреднување на различноста, придонесуваме кон изградба на праведно, инклузивно и демократско општество, а со почит кон секоја култура – чекориме заедно кон поинклузивно и хармонично општество. Нека културата биде наш заеднички јазик, вели вицепремиерот и министер за односи меѓу заедниците со честитка по повод 21 Мај – Светски ден за културна различност за дијалог и развој.