Свет

Несреќа во забавен парк: Се откачи кабина, 13 се повредени- загина полицаец кој сакал да им помогне (ВИДЕО)

Грозоморен инцидент се случил во градот Фаридабад, во индиската држава Харајана.

Адреналинското возење наречено „Цунами“ заврши со трагедија, а сѐ е снимено на камера.

Објавеното видео го покажува моментот кога целата кабина се олабавила на сред возење, предизвикувајќи паника меѓу луѓето.

Сакаше да помогне, а потоа почина

Врисоците од возбуда набрзо се претворија во крици на ужас кога кабината удри во земјата, при што 13 лица беа повредени, пренесува Daily Mail.

Полицискиот инспектор Јагдиш Прасад, кој притрча да помогне, е тешко повреден бидејќи се отпушти и втората кабина. Тој бил пренесен во болница со повреди на главата, но подоцна починал. Полицаецот требало да се пензионира во март по 36 години стаж.

Повредените посетители се пренесени во две болници. Недолго потоа, локалните медиуми објавија дека претходно истиот ден едно дете завршило во болница откако силните ветрови предизвикале уривање на влезот во забавниот парк.

Помош за повредените лица

„Инцидентите се истражуваат и ќе преземеме мерки против одговорните“, соопшти полицијата.

Според првичните информации, трагедијата ја предизвикал механички проблем, а не временските услови.

„Длабоко сум шокиран од несреќата што се случи во Фаридабад. Изразувам сочувство до семејството на жртвата. Дадени се потребните инструкции до надлежните органи за да се обезбеди соодветна и итна медицинска помош на повредените“, изјави главниот министер на Харајана, Наџаб Саини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.