Нереална сцена во НБА: Славен судија сака да го тепа тренерот на Минесота (ВИДЕО) - Канал 5

НБА

Нереална сцена во НБА: Славен судија сака да го тепа тренерот на Минесота (ВИДЕО)

Третиот натпревар од полуфиналето на Западната конференција помеѓу Минесота Тимбервулвс и Сан Антонио Спарс донесе невидена драма, но не само поради она што се случи на теренот.

Нереална сцена во НБА: Славен судија сака да го тепа тренерот на Минесота (ВИДЕО)

Иако Спарс славеа со резултат од 115:108, главна тема на светските медиуми е жестокиот конфликт помеѓу главниот судија Тони Брадерс и тренерот на Минесота, Крис Финч.

Сцена што ретко се гледа во најсилната лига во светот се случи во четвртата четвртина, кога искусниот судија Брадерс влезе во директна конфронтација со Финч. Ситуацијата беше толку напната што другите судии и членовите на тренерскиот штаб мораа да ги совладаат Брадерс за да спречат физички контакт.

По натпреварот, видливо огорчениот Крис Финч ја објасни својата страна од приказната, обвинувајќи еден од најпознатите НБА судии за целосен недостаток на професионализам.

- Побарав тајм-аут и реков дека сакам да ги вратам моите три секунди. Ме слушна јасно. Погледна во мој правец и ме игнорираше, продолжи да игра и тоа речиси нè чинеше пресврт. Потоа „пукна“. Подоцна, кога го прашав од каде доаѓа топката, почна да ми вика. Тоа е сосема непрофесионално однесување - рече Финч.

Од друга страна, првата ѕвезда на Тимбервулвс, Ентони Едвардс, се обиде да ги смири страстите во својот препознатлив стил, не сакајќи да го обвини судијата за поразот.

- Ова е натпреварување на највисоко ниво. Сакаме да победиме, Финч сака да победи. Тони Брадерс е Тони Брадерс. Сите го сакаме, па затоа сè е во ред тука - рече популарниот „Ant-Man“.

Тони Брадерс е еден од судиите со најдолг стаж во НБА, каде што дели правда од сезоната 1994/95. Во својата богата кариера, тој судел дури 19 натпревари од финалето на НБА. Интересно е што ова беше неговиот прв натпревар во оваа серија, а само втор пат судеше против Минесота во овогодинешниот плејоф.

Тагови: Минесота НБА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани. 

Фото: Кралицата на провокациите повторно во секси бикини

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Електричните возила се по популарни

Според експертите од автомобилската индустријата, електричните возила добиваат на популарност кај потрошувачите поради подобрената инфраструктура за полнење и појавата на попристапни модели, вклучително и од кинески производители. 

Електричните возила се по популарни

Побарувачката за електрични возила низ цела Европа е зголемена и поради зголемувањето на цените на горивата поради војната на Блискиот Исток, според податоците од истражувачката група New Automotive и здружението за индустријата за електрични возила E-mobility.

Сепак, некои раководители предупредуваат дека интересот може да се намали кога цените на бензинот повторно ќе паднат.

Извршниот директор на Ford Europe, Џим Бомбик, рече дека војната го зголемила интересот на клиентите за електрични возила, но предупреди дека ова не треба да се гледа како трајна промена во трендот.

„Нарачките за електрични возила на Renault се зголемија за 50 проценти во некои земји од почетокот на војната со Иран кон крајот на февруари, но очекуваме растот да забави ако цените на горивата паднат“, изјави минатата недела извршниот директор на компанијата, Франсоа Провост.

Тагови: електричен автомобил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и Русија повторно разменија тела на загинати

Москва и Киев разменија тела на загинатите во повеќе од четиригодишната војна, соопштија украинските власти. 

Украина и Русија повторно разменија тела на загинати

Украина прими 522 тела, додека Русија прими 33, според државните новински агенции.

Русија ги врати останките на повеќе од 20.000 Украинци од почетокот на 2025 година, додека прими повеќе од 600 останки на свои граѓани.

Поради бавното, но стабилно напредување на руските сили, украинската војска не можеше да ги врати телата на своите паднати војници. Двете страни ги чуваа своите загуби во тајност.

Украинските загуби се проценуваат на околу 190.000 загинати и исчезнати, додека руските загуби се проценуваат на повеќе од 350.000, според ДПА.

Обединетите нации проценуваат дека нешто повеќе од 16.100 цивили се убиени од мај оваа година. Украина се спротивставува на целосна руска инвазија од февруари 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер