Неонацист, кој го сменил полот, е повикан на издржување казна во женски затвор- осуден е на 18 месеци - Канал 5

Свет

Неонацист, кој го сменил полот, е повикан на издржување казна во женски затвор- осуден е на 18 месеци

Германскиот женски затвор во Кемниц објави дека неонацистката Марла-Свенја Либих (53), која до декември, пред да го промени полот, го користела името Свен, е повикана да започне со издржување на казната за поттикнување омраза.

Неонацист, кој го сменил полот, е повикан на издржување казна во женски затвор- осуден е на 18 месеци

„Шпигел“ наведува дека од причини за заштита на податоците, на списокот не се дадени дополнителни информации, во согласност со административните прописи што го регулираат затворскиот систем.

Во покраината Саксонија, видот на сместување во женски или машки затвор зависи исклучиво од соодветниот поправен дом, а родовиот идентитет на трансродовите лица евидентирани во регистарот не е единствениот критериум, објавува германскиот дневен весник.

„Нема автоматски процес“, соопшти саксонското Министерство за правда како одговор на барањето на „Шпигел“.

Единствениот приоритет е безбедноста и заштитата на засегнатото лице, како и на другите затвореници, а во случај на сомнеж, ќе се добијат психолошки и медицински извештаи, соопшти германското министерство. Во Кемниц моментално има околу 230 затворенички, претежно во самица.

Марла-Свенја Либих е осудена на 18 месеци затвор за поттикнување омраза, кривична навреда и нелегален влез, како и за, меѓу другото, обид за продажба на бејзбол палка преку интернет како „помош при депортација“.

Свен Либих беше лидер на источногерманската крајнодесничарска сцена од 1990-тите и го водеше регионалниот огранок на експлицитно нацистичката организација „Крв и чест“ во Саксонија-Анхалт, кој беше забранет во 2000 година.

Подоцна организираше бројни демонстрации во неговиот роден град Хале, каде што локалниот огранок на германската разузнавачка агенција ги опиша активностите на Либих на национално ниво како „без преседан“.

Во последниве години, Либих енергично водеше кампања во поддршка на режимот на рускиот претседател Владимир Путин и неговата војна против Украина, продавајќи го рускиот ултранационалистички симбол „Z“ преку своите различни канали на социјалните медиуми, објави германскиот весник.

Тој, исто така, организираше протести низ Источна Германија, вклучувајќи го и митингот одржан за време на посетата на тогашната канцеларка Ангела Меркел на Фестивалот на операта во Бајројт, каде што ја повика „Меркеловата младина“ да го поддржи, алузија на Хитлеровата младина.

Либих, бил и непомирлив противник на ЛГБТК движењето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се појавува нов план: Канада сака „влезница“ за ЕУ

Канадскиот премиер Марк Карни сака поблиски врски со Европската Унија и ја разгледува можноста неговата земја да стане „придружна членка“ на блокот, објави денес американскиот весник „Волстрит џурнал“.

Се појавува нов план: Канада сака „влезница“ за ЕУ

ЕУ, која во минатото не покажа флексибилност кога станува збор за правилата за членство, е отворена за идејата за доделување статус на придружна членка на Канада, кој сè уште не е дефиниран, објави весникот, повикувајќи се на неименувани претставници на ЕУ и Канада.

Канадската амбасада во Брисел и портпаролите на Европската комисија не одговорија на конкретните барања за коментар, објави „Ројтерс“.

Ескалацијата на трговската војна на Канада со САД го забрза стратешкиот пресврт на земјата кон други трговски партнери.

Односите меѓу Канада и Вашингтон нагло се влошија откако американскиот претседател Доналд Трамп се врати во Белата куќа на почетокот на 2025 година, поради несогласувања околу трговијата и други прашања, потсетува агенцијата.

Трговскиот спор доведе до воведување царини на десетици милијарди долари во прекугранична трговија.

Канада и ЕУ разгледуваат начини да овозможат слободно движење на канадски стоки, услуги и работници ангажирани во стратешки синџири на снабдување, како што се енергетиката, вештачката интелигенција, одбраната и критичните минерали, што, всушност, би ја поместило границата на ЕУ, објави „Волстрит џурнал“.

Весникот додаде дека двете страни разговараат и за поставување подводни кабли, заедничка изградба на центри за податоци, капацитет за складирање во облак, како и нови сателитски мрежи и инфраструктура за транспорт на канадски енергетски производи во ЕУ.

Карни постојано разговарал со неколку лидери на ЕУ, а особено со францускиот претседател Емануел Макрон, за можноста да им се дозволи на Канаѓаните да живеат и работат во ЕУ без визи, објави весникот, повикувајќи се на двајца неименувани функционери запознаени со ситуацијата. Двајцата лидери треба да се сретнат подоцна овој месец.

Извор: Б92

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер