Нема струја во поголемиот дел на Либан, не работат главните електрани - Канал 5

Свет

Нема струја во поголемиот дел на Либан, не работат главните електрани

Двете големи централи што обезбедуваат 40 проценти од електричната енергија во Либан се затворени, што предизвика пад на речиси целата мрежа на земјата, која е во тешка економска криза, пренесоа медиумите.

Нема струја во поголемиот дел на Либан, не работат главните електрани

Електричните централи Деир Амар и Захрани, кои заедно обезбедуваат околу 40 проценти од електричната енергија во Либан, останаа без гориво, пренесува Би-Би-Си.

Ова ја влошило кризата, поради што граѓаните имаат само два часа електрична енергија на ден.

Имено, недостатокот на девизи го отежнува плаќањето на странските добавувачи на енергија.

Во Либан, аптеките исто така штрајкуваат поради недостиг на лекови, исто така како резултат на неплаќање од странските увозници.

Бродовите исполнети со гориво одбиле да ги растоварат пред парите да бидат префрлени на сметките на нивните сопственици.

Новинарот на Би-Би-Си, Себастијан Ашер известува дека делови од земјата сега се соочуваат и со рационализација на водата. Пумпните станици се напојуваат со дизел и немаат залихи потребни за работа.

Либан претрпе сериозна економска криза во изминатите 18 месеци, а нејзината валута - либанската фунта - пропадна во инфлацијата.

Некои локални здравствени компании веќе останале без лекови потребни за лекување на рак и срцеви заболувања.

Прекините на електричната енергија во Либан се вообичаени со децении.

Енергијата на државата е рационализирана и луѓето ги пополнуваат празнините со поврзување со паралелен систем на приватни генератори.

За прв пат целата мрежа е исклучена, а приватните генератори станаа единствениот извор на енергија.

Но, и тие се под притисок затоа што работат на дизел, што не може да се набави, и немаат капацитет целосно да ја заменат државната електрична енергија.

Ова значи дека повеќето луѓе во Либан во моментов се соочуваат со долги часови на целосно затемнување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер