На ждрепката фудбалерите на макеоднскиот шампион Вардар го добија евентуелниот противник во квалификациската рунда. Според ждрепката тоа ќе биде победникот од двомечот Сабах (Азербејџан) – ТНС (Велс).

Но, најпрво „вардарци“ ќе мора да го минат финскиот шампион Купс во 1. квалификациско коло. Првиот натпревар се игра во Скопје на 7/8 јули, а реваншот е во Финска на 14/15 јули.

Се разбира дека ако Вардар сака двомеч со еден од овие два тима, ќе мора претходно да го елиминира тимот од Финска на стартот од овие квалификации, мечевирте се играат на 7/8 и 14/15 јули.

Додека евентуалниот двомеч со Сабах или ТНС, Вардар ќе го игра на 21/22 и 28/29 јули.

Ако пак нашиот шампион Вардар не успеа да го мине 1 коло и двомечот со Купс, тогаш црвено-црните ќе играат во 2.квалификациско коло во Лигата на Конференции.

Секако дека македонската фудбалска јавност со нетрпение го очекува настапи на шампионот, посебно ако се знае дека лани Шкендија и тоа како ја подигна летвичката на една успешна сезона во фудбалска Европа.

Колку за потсетување, тетовци играа во 3.квалификациско коло во ЛШ, а потоа настапија во лигашката фаза во ЛК каде имаа и европска пролет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метеоролошките служби предупредија дека денеска, во времето на закажаниот почеток на мечот Португалија- Конго (19.00 часот по централноевропско време), областа на Тексас може да биде погодена од тропска бура што се формира по должината на брегот и се движи кон внатрешноста на земјата.

Овој временски систем е именуван „Артур“ и се очекува директно да влијае на областа на Хјустон.

Според прогнозите, бурата може да донесе обилни врнежи од дожд, силни ветрови и зголемен ризик од ненадејни поплави, што може да предизвика сериозни проблеми во градот и околината.

Националниот центар за урагани конкретно предупреди дека во овој случај ветерот не е главен ризик, туку количината на дожд што се очекува. „Најголемата опасност не е јачината на ветерот, туку огромните количини на дожд што би можеле да предизвикаат сериозни проблеми“, се вели во предупредувањето.

Во некои делови од Хјустон се очекуваат до 25 сантиметри дожд, а веќе се издадени предупредувања за можни поплави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски и ВМРО-ОКГ инсистираат на големи комерцијални дата центри во Македонија, и покрај сериозните ризици кои ги носат овие проекти и и покрај примерите од светот каде градовите и државите се откажуваат од нив.

Мицкоски повторно гледа за себеси во големите тендери - во градежништвото, инфраструктурата и „придружните“ услуги.

Јавните ресурси се пренасочуваат кон приватни џебови, а граѓаните остануваат да плаќаат повисоки сметки.

Иако дигиталната трансформација е важен приоритет, привлекувањето на хипер-скала дата центри претставува непропорционален стратешки ризик за нашата земја.

Овие објекти трошат екстремни количини електрична енергија и чиста вода, додека економскиот поврат (вработување и даночни приходи) е минимален.

Еден голем дата центар троши меѓу 1 и 3 милиони литри питка вода дневно, колку што троши град со 15.000 до 30.000 жители.

Во услови на климатски промени, суши и воден стрес, ова директно ќе доведе до рестрикции за домаќинствата и земјоделството.

Нашиот енергетски систем е веќе ранлив. ЕСМ работи со загуби и застарена технологија, МЕПСО има проблеми со балансирањето поради соларниот бум, а ЕВН се соочува со раст на пазарните цени.

Додавањето на масивни 24/7 потрошувачи ќе ја зголеми зависноста од увоз, ќе ги покачи сметките за струја за граѓаните и ќе ја загрози стабилноста на мрежата.

Вработувањето е исто така разочарувачко, само 25 до 50 директни работни места по објект, со поголемиот дел од управувањето на „remote“.

Ова не е развој, туку создавање на „изолирани острови“ кои црпат ресурси, а профитот го извезуваат надвор.

Светот веќе реагира:

• Во Холандија, Meta го откажа големиот проект во Zeewolde поради отпор од граѓани и фармери заради огромна потрошувачка на енергија и влијание врз земјоделството.

• Во Ирска, владата воведе мораториум на нови дата центри околу Даблин до 2028 година, бидејќи тие трошат над 20% од електричната енергија на земјата.

• Во САД (Аризона, Вирџинија, Мисури и др.), десетици проекти во вредност од десетици милијарди долари се блокирани или откажани поради недостиг на вода, раст на сметките за струја и уништување на локалната средина.

СДСМ бара:

• Мораториум на изградба на нови комерцијални дата центри кои користат системи со испарување на вода.

• Доколку се дозволат помали проекти за државни потреби, инвеститорите да бидат законски обврзани на исклучиво воздушно ладење без потрошувачка на вода и сопствено производство на енергија со соларни паркови и батерии, без повлекување од националната мрежа.

Јавно ги повикуваме Мицкоски и ВМРО-ОКГ да ја прекинат оваа неодговорна политика и да ги стават интересите на граѓаните и одржливиот развој на прво место, наместо своите тендерски и провизиски интереси.

Прес конференција на СДСМ, Кристијан Дојчиновски

СДСМ бара мораториум на изградба на нови странски комерцијални дата центри кои користат системо со вода и предупредува дека Владата на Христијан Мицкоски турка проекти кои носат сериозни ризици за водните и енергетските ресурси на државата.

На денешната прес-конференција, на СДСМ, Кристијан Дојчиновски рече дека „Мицкоски и ВМРО-ОКГ сакаат да ги продадат водата и струјата на граѓаните за интереси на странски дата центри и сопствени тендерски профити“.

„Мицкоски и ВМРО-ОКГ инсистираат на големи комерцијални дата центри во Македонија, и покрај сериозните ризици кои ги носат овие проекти и покрај примерите од светот каде градовите и државите се откажуваат од нив“, истакна Дојчиновски.

Тој посочи дека иако дигиталната трансформација е важен приоритет, привлекувањето на хипер-скала дата центри претставува непропорционален стратешки ризик за државата.

„Овие објекти трошат екстремни количини електрична енергија и чиста вода, додека економскиот поврат – вработување и даночни приходи – е минимален. Еден голем дата центар троши меѓу 1 и 3 милиони литри питка вода дневно, колку што троши град со 15.000 до 30.000 жители“, рече Дојчиновски.

Во услови на климатски промени, суши и воден стрес, ваквите проекти може директно да влијаат врз достапноста на ресурсите за граѓаните и земјоделството.

„Нашиот енергетски систем е веќе ранлив. ЕСМ работи со загуби и застарена технологија, МЕПСО има проблеми со балансирањето поради соларниот бум, а ЕВН се соочува со раст на пазарните цени. Додавањето на масивни 24/7 потрошувачи ќе ја зголеми зависноста од увоз, ќе ги покачи сметките за струја за граѓаните и ќе ја загрози стабилноста на мрежата“, нагласи Дојчиновски.

Тој додаде дека економските придобивки од ваквите инвестиции се ограничени.

„Вработувањето е исто така разочарувачко, само 25 до 50 директни работни места по објект, со поголемиот дел од управувањето на ‘remote’. Ова не е развој, туку создавање на ‘изолирани острови’ кои црпат ресурси, а профитот го извезуваат надвор“, рече Дојчиновски.

Посочувајќи на примери од повеќе земји, тој истакна дека во Холандија, Ирска и повеќе сојузни држави во САД веќе се ограничуваат или стопираат вакви проекти поради нивното влијание врз водните ресурси, електроенергетскиот систем и животната средина.

СДСМ бара мораториум на изградба на нови комерцијални дата центри а доколку се дозволат помали проекти за државни потреби, инвеститорите да бидат законски обврзани на исклучиво воздушно ладење без потрошувачка на вода и сопствено производство на енергија преку соларни паркови и батерии, без повлекување електрична енергија од националната мрежа.

„Јавно ги повикуваме Мицкоски и ВМРО-ОКГ да ја прекинат оваа неодговорна политика и да ги стават интересите на граѓаните и одржливиот развој на прво место, наместо своите тендерски и провизиски интереси“, порача Дојчиновски.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.