Поразот на Ефес од Црвена Ѕвезда во Белград во рамките на Евролигата падна во втор план за Анадолу Ефес во моментот кога Мајк Џејмс, на носилки, го напушти теренот во „Белградска арена“.

Американскиот бек ја повреди Ахиловата тетива за време на дуелот со Црвена ѕвезда, а првичниот впечаток дека станува збор за сериозен проблем набрзо беше потврден и од самиот клуб.

По натпреварот, Ефес соопшти дека Џејмс ќе мора да направи дополнителни прегледи за да се утврди сериозноста на повредата и да се одредат понатамошните чекори.

„Следат детални прегледи за Мајк Џејмс поради повреда на Ахиловата тетива, по што ќе се утврди прецизен план за лекување и закрепнување“, се наведува во соопштението на турскиот клуб.

Ефес беше поразен од Црвена ѕвезда во „Белградска арена“ со резултат 77:72 во натпреварот од 3. коло на Евролигата, но исходот на мечот беше засетен од загрижувачка сцена. За тимот од Истанбул е особено важно што се повреди играчот кој е најдобар стрелец во историјата на Евролигата.

Засега нема официјални информации за сериозноста на повредата, ниту за тоа колку долго Џејмс би можел да отсуствува. Повеќе детали се очекуваат по дополнителните медицински прегледи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во Општина Могила се реализираат низа проекти во инфраструктурата, образованието, спортот, социјалната заштита и поддршката на семејствата.

По три децении од формирањето на Општина Могила, во завршна фаза е изградбата на првата детска градинка со капацитет за 40 деца и дополнително, аплицирано е за адаптација на просториите во мултифункционалните објекти во Добрушево и Ивањевци за потребите на детските градинки.

Во патната инфраструктура се реализирани повеќе проекти низ населените места. Асфалтирани се улиците „АСНОМ“ и „Гоце Делчев“, со реконструиран коловоз, атмосферска канализација и тротоари, завршено е асфалтирањето на последниот дел од патниот правец Долно Српци – Беранци, во тек е реконструкцијата на улицата „Пелагонија“, а предвидено е асфалтирање и на дополнителни улици.

Значајни средства се вложуваат и во решавање на проблемите со канализацијата и водоснабдувањето, за што потпишан е договор за доизградба на канализационата мрежа во Добрушево, додека за комплетирање на канализационата мрежа во Ивањевци се обезбедија околу 30 милиони денари, а во тек е изградба на нов водоводен систем, со кој ќе бидат опфатени речиси половина од населените места во општината.

Особено значајна е инвестицијата од 25 милиони денари во енергетска ефикасност на јавните објекти, при што опфатени се спортската сала „Иљо Лопатички“ во Могила и основните училишта „Браќа Миладиновци“ во Добрушево и „Кочо Рацин“ во Ивањевци. Проектот предвидува енергетски ефикасни фасади, топлинска изолација, нова ПВЦ столарија, подобрување на системите за греење, модернизација на осветлувањето и поставување фотонапонски панели.

Поддршката за семејствата е проширена со повеќе мерки, така што финансиската поддршка за првачињата е зголемена на 9.000 денари, а секое прваче добива и ранец со училиштен прибор, за новороденчињата се обезбедуваат 10.000 денари за прво, 15.000 денари за второ и 30.000 денари за трето дете, додека нова мерка е поддршката од 20.000 денари за новосклучени бракови.

Во социјалната сфера, 20 обучени и лиценцирани негуватели обезбедуваат помош и нега за стари и изнемоштени лица во нивните домови, а обезбедена и опремена е просторија за пензионерите во мултифункционалниот објект во Добрушево.

Инвестиции има и во спортот и младите, каде што изграден е нов фудбалски терен со вештачка трева во рамките на проектот „FIFA Arena“, во соработка со Фудбалската федерација на Македонија, обезбедена е поддршка за спортските клубови, како и средства за доопремување на спортскиот комплекс „Димче Могилчето“.

Во 12 населени места се реализираат реконструкција и изградба на детски катчиња, а преку Младинскиот центар се организираат активности и настани за младите, а паралелно се работи и на локалниот економски развој, така што во зоната Петилеп започнаа првите инвестиции, а реализирани се и обуки за ИТ вештини и претприемништво за рурални жени.

За подобрување на комуналните услуги, во соработка со Владата се обезбедени три нови камиони, од кои два веќе се пристигнати, како и нови канти и контејнери, додека во делот на заштитата на животната средина реализирани се повеќе еколошки акции и засадени се над 200 нови садници.

Реализацијата на проектите со цел подобрување на условите за животот на граѓаните продолжува и во следниот период, со фокус на инфраструктурата, образованието, семејствата, младите и спортот во сите населени места.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонскиот јазик и идентитет не се под закана од Европската Унија, тоа е само изговор на Мицкоски и бандата, порача претседателот на СДСМ, д-р Венко Филипче, во гостување на телевизија Сител. Филипче посочи дека политиката на Мицкоски за барање дополнителни гаранции е само изговор, заради тоа што не сакаат европски систем и судство.

„Тоа е изговор на Христијан Мицкоски и на неговата банда. Затоа што не сакаат во Европа, затоа што не сакаат систем, затоа што не сакаат европско правосудство, затоа што не сакаат контрола на парите. Каква гаранција се бара во процес во кој ниедна земја немала гаранција? Европа и патот кон Европа не е загрозување на националните интереси“ рече Филипче.

Притоа, Филипче нагласи дека Мицкоски преку страв и манипулација со националните чувства, се обидува да создаде впечаток дека европската интеграција може да го загрози македонскиот идентитет.

„Го разбирам, моментот на манипулација и играње на емоцијата на луѓето, кога ви вели: „А, ние сакаме да ги заштитиме нашите национални интереси.“ И со тоа ги плашат луѓето - „утре Бугарија може да ни го загрози јазикот, културата и така натаму“. Поднесовме предлог-резолуција со црвени линии во Собранието. Не одговорија, јасно е. Кој е тој, кој што има различни црвени линии во нашата земја. Ние, никој, ниту една политичка партија, СДСМ, ВМРО, сите други, имаат еднакви црвени линии. Тоа е идентитетот, кој е потврден со Преспанскиот договор, според претседателката Сиљановска Давкова. Јазикот, кој е потврден со договорот Фронтекс, потпишан на чист македонски јазик, културата,“ рече Филипче.

Тој додаде дека одговрност на власта е да го продолжи процесот и да не ја користи европската интеграција како изговор за блокада.

„Зарем не е тоа одговорност на власта? Зарем тие не ветија подобра преговарачка позиција? Што ние повеќе да направиме од оваа наша борба силна против криминалната власт, во која што ги разобличуваме сите политики“ рече Филипче.

Филипче посочи дека две години СДСМ предупредува оти Владата води политики спротивни на интересите на државата и на европскиот пат.

„Две години наназад укажуваме дека оваа Влада е антиевропска. Дека работи спротивно, не само на нашите интереси, туку и на интересите на Европската Унија, затоа што проширувањето е еден од од приоритетите. Колку време ние треба да чекаме, треба да се затвори вратата за проширување?. Сега, после толку години, повеќе од децении, има бран на проширување. Треба да го испуштиме? При тоа Антонио Кошта, минатата година, кога дојде, што кажа - имаме само план А“, рече Филипче.

Линк до видео: https://www.youtube.com/watch?v=wLZDCuQESTw

Скопје, 02.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.