Хороскоп

Неделен хороскоп од 4 до 11.3.2019

Неделен хороскоп за периодот од 4 март до 11 март 2019 година.

Риби 20.2.- 20.3.

Љубов

Ќе наоѓате љубов на секој чекор и секој ден.нема да биде ништо потребно за да ја остварите.Вакви шанси ќе ве возбудат.Сепак, од другата страна ќе добивате критики.Занемарете ги.

Кариера

Можеби ќе ви се чини дека вашето знаење и стручност не се вреднувани како што треба.Сепак, во вториот дел од неделата ќе станувате многу потребни за оние за кои работите.Не размислувајте премногу , едноставно работете.

Здравје

Подобро е да верувате отколку да се сомневате.

Овен 21.3-20.4.

Љубов

Довербата и стабилноста на личните односи ќе станат важни во љубовниот живот.Енергијата ќе ја насочите во постигнување токму на таа стабилност.Партнерот ќе биде пријатно изненаден.Оние кои се сами ќе бараат сериозна врска и ќе веруват дека тоа е веднаш изводливо.

Кариера

Вашата голема желба за иницијатива ќе добие залет.Меѓутоа ќе треба на почеток да проверите многу детали.Тоа малку ќе ве забави и ќе ве замори.Потпрете се на своите сили и подобро организирајте ја работата.

Здравје

Вежбајте јога или медитирајте.

Бик 21.4- 20.5.

Љубов

Се поважно ќе ви биде заедништвото во личните односи , а токму тоа ќе ве донесе чекор понапред. Некои ќе размислуваат за почеток на заеднички живот како двојка. Ќе има и такви што ќе си ја освежат својата врска , и секако ќе престанат да приговараат.

Кариера

Ќе работите без притисок , но со голем придонес. Ќе бидете вредни и подготвени да се понудите за работа секаде каде има потреба.Некои колеги ќе бидат зачудени , зашто не се навикнати да ве гледат во такво издание. Само продолжете.

Здравје

Уживајте во спортот и во животот.

Близнаци 21.5.-21.6.

Љубов

Преокупираноста со домот и семејството ќе биде голема , а вие сте подготвени до крај да се изборите. Оние во стабилни врски ќе го обноват својот еротски живот на различни начини. Оние кои уште бараат сродна душа , ќе бидат упорни и ќе одат до крајност во додворувањата.

Кариера

Не само што надредените го зголемуваат притисокот врз вас, туку и ве провоцираат.Најдобро е да се повикате на правилата во работењето и стриктно да се придржувате кон нив. Ако тоа не оди , не се впуштајте во киавги , зашто во истиот момент ќе загубите.

Здравје

Неопходна ви е секојдневна релаксација.

Рак 22.6-22.7.

Љубов

Пред вас се искуства и искушенија , кои би можеле да ве збогатат како личност. Ќе има двоумења како да се поставите кон другата страна , но нека критериумот не ви биде само вашето лично задоволство. Бидете тоа што сте и планирајте на подолг период.

Кариера

Ќе се замислите во улога на иницијатор на работите. Многумина навистина ќе ги раздвижуваат или на свој грб ќе ги носат повеќето работи .Колегите со задоволство ќе се потпираат на вас. Пред вас е интересна недела во која ќе станете свесни за својата улога и сила.

Здравје

Комбинирајте го спортот со опуштање.

Лав 23.7-22.8.

Љубов

Знаете дека можете повеќе и подобро , но тоа не зависи само од вас. Никој не е совршен па ниту вашата најдрага личност. Прифатете ја таква каква што е и ќе се уверите дека без непотребни притисоци и барања , ќе бидете сосема среќни.

Кариера

Вработените во услужни дејности ќе имаат многу работа , додека другите ќе бидат отворени за помош на колегите.Некои ќе се покажат како добри советници , а своето знаење лесно ќе го применуваат во пракса. Ќе има и преодни недоразбирања во комуникациите.

Здравје

Повремени нервози и мали грижи.

Девица 23.8.-23.9.

Љубов

Ќе се чувствувате како да може да поместувате планини. Саканата личност ќе ви даде поддршка , а комуникацијата меѓу вас ќе се подобри. Многумина ќе бидат среќни. Оние кои уште се сами секако нека излегуваат . Ќе има убави дружби.

Кариера

Ќе ви недостига енергија за да завршите се што сте планирале, па затоа ќе сепојават замор и нервоза. Работата треба подобро да ја подготвите и да ја испланирате. Не комплицирајте , па ќе успеете се да завршите.

Здравје

Одете во природа или барем прошетајте се на воздух.

Вага 24.9.-23.10

Љубов

Љубовното секојдневие еден ден ќе ви изгледа како да е од бајка , а другиот ден ќе ви биде здодевно. Оние во врски ќе треба подобро да балансираат и да го негуваат своето паметење за да се сетат дека вчера им беше сосема добро.

Кариера

Пред вас се нови предизвици , кои бараат паметен и обмислен пристап.Ќе треба се повеќе да соработувате со колегите , а неретко ќе создавате или прифаќате компромиси. Не го земајте тоа за негативност , зашто повеќе глави подобро размислуваат.

Здравје

Најдете малку мир само за себе.

Шкорпија 24.10-22.11.

Љубов

Веројатно малку ќе се оддалечите од саканата личност .Ова заладување вие нема да го сфатите сериозно , туку ќе го надминете со хумор и позитивен став. Хуморот секако е добар , па сепак внимавајте да не претерате со шегите на туѓа сметка.

Кариера

Ќе можете без најмалку страв да се потпрете на вашите претходни резултати.Некои тоа ќе го искористат да одат чекор понатаму , а ќе има такви кои ќе живеат на стара слава додека е можно. Главно , немојте да заспиете, работата си оди напред , а со неа ќе треба да одите и вие.

Здравје

Обезбедете си повеќе време за добар сон.

Стрелец 23.11.-21.12.

Љубов

Вашиот љубовен живот ќе стане потивок , подискретен. Оние во врска ќе се наоѓаат на познати места каде што се движат , додека ќе ги занемарат можностите за зилегување на поатрактивни места и настани. Осамените ќе флертуваат со колеги од работа.

Кариера

Ќе ви се чини дека се можете сами да постигнете.Сепак поддршката од другите ќе ви биде добредојдена.Ќе ја имате , иако нема да сметате на неа. Затоа на време препознајте ја и искористете ја.Повеќе луѓе ќе постигнат подобри резултати.

Здравје

Верувајте во подобро утре.

Јарец 22.12.-20.1.

Љубов

Ќе се засили потребата за интимност.Затоа многумина кои се во стабилна врска ќе се повлекуваат во својот дом и ќе уживаат заедно.Нема многу да излегувате.За осамените тоа значи повеќе фантазирања , а помалку дружење и шанси за љубов.

Кариера

Ослободете се од големите дилеми со кои се оптеретувате кога работите не одат како што сте испланирале.Можеби се ќе излезе и подобро од вашата замисла. Поработете на својата флексибилност и отвореност. Резултатите пристигнуваат.

Здравје

Обезбедете си повеќе сон и повеќе време за размислување.

Водолија 21.1.-19.2.

Љубов

Ќе бидете сигурни во вашите чувства и без оглед на надворешните услови , нема да дозволите ништо да ви се испречи на љубовниот пат. Освојувачите ќе освојуваат со голема самоувереност , а оние во врска ќе ги поттикнуваат партнерите на позитивен став.

Кариера

Како што ќе минува неделата, се повеќе ќе увидите дека оние недопирливи или скриени теми добиваат на значење. Кон крајот на неделата тоа ќе стане толку важно , што ќе ја занемарите вистинската работа. Не заборавајте ги вистинските обврски.

Здравје

Не претерувајте со опуштањето.

Свет

Палестинските безбедносни сили убиле милитант на Западниот брег

Палестинските безбедносни сили денеска на Западниот Брег убиле припадник на локална вооружена група поврзана со милитантниот Исламски џихад, откако биле под нивен оган, јавуваат британските медиуми, додавајќи дека тоа е редок судир меѓу Палестинците.

Талак Двејкат, портпарол на безбедносните служби на палестинските власти, изјави дека органите на редот биле испратени во ноќна патрола во Тулкарм и биле под оган и возвратиле и го застрелале напаѓачот, кој починал од раните во болница.

Локалната вооружена група бригади Тулкарм и Нур-Шамс објави дека загинатиот човек Ахмед Абу ал Фул е нивни член. Групата ја потврди својата поврзаност со милитантите на Исламскиот џихад. Бригадите Тулкарм и Нур Шамс го опишаа нападот на палестинските безбедносни сили врз нивниот член како „атентат“ во израелски стил. Според вооружената група, Ал-Фул бил нападнат „без причина“.

Палестинската управа, предводена од претседателот Махмуд Абас, има ограничена самоуправа на Западниот Брег и понекогаш ја координира безбедноста со Израел. Хамас, сојузник на Исламскиот џихад, ги осуди „нападите на силите на палестинската управа против нашиот народ и борците на отпорот“. /МИА

Македонија

Митева: Битиќи ја злоупотребил својата позиција како вицепремиер

Бара од компаниите да гласаат за него наведувајќи го бројот на гласачкото ливче.

Почитувани,

Ова писмо е доказ за злоупотреба на позицијата вицепремиер и државните ресурси во политичка кампања од страна на СДС. Имено Фатмир Битиќи, коносител во ИЕ 2 на 29 април 2024 година испраќа писмо злоупотребувајќи ја својата позиција како вицепремиер, и неговата обврска да работи за компаниите и бизнис секторот.

Битиќи упатува апел и директно вели, цитирам: Го барам вашиот глас, а притоа потенцира дека го водел секторот, кој помогнал со финансиска поддршка од над 100 милиони евра.

Потенцира дека за да продолжат овие позитивни политики за поддршка на бизнисот и во иднина, цитира дел од партиската програма за изборите, во која ветува зголемување на на овие средства во износ од 180 милиони евра.

Битиќи директно во ова писмо бара лична поддршка гласајќи за СДС и за Коалицијата Европска иднина наведувајќи го и редниот број на гласачкото ливче.

Ова претставува злоупотреба на службената положба и овластување согласно член 353. Имено според овој член е наведено дека службено лице кое со искористување на својата службена положба или овластување, ќе прибави за себе или за друг некаква корист, во овој случај тоа е политичка корист преку директно барање на поддршка за број на гласачко ливче под кое се наоѓа коалицијата од која самиот Битиќи е дел.

Битиќи извршил злоупотреба на службената положба, затоа што како вицепремиер, кој одлучувал за доделување на помошта за компаниите им се обраќа истите да го дадат гласот за него, поради помошта која им е исплатена од негова страна, како вицепремиер на владата и дека истата ќе се зголеми доколку се добие поддршката.

Дали со ваквиот чин, Битиќи создава притисок на компаниите кои добиле државна помош, и заради истата тој бара тие да гласаат за него. Ова е преседан од невидени размери, за што очекуваме не само извинување од Битиќи и СДС, туку и ДКСК да покрене случај против ова.

Времето на злоупотребите на државните позиции и условувањето на компаниите и граѓаните завршува на 8 мај. Компаниите да не се плашат, и да не подлегнуваат на притисоците на СДС и ДУИ, по 8 мај сите кои вршеле притисоци ќе се соочат со одговорност. Ова време завршува!

Време е Македонија да ја вратиме на народот. Време е Македонија да биде повторно твоја.

Марија Митева, портпарол и кандидат за пратеник на ВМРО-ДПМНЕ

Македонија

Ковачевски: Поддршката за домашните компании продолжува

СДСМ нема да се откаже од подобра и европска иднина за државата

Претседателот на Социјалдемократскиот сојуз на Македонија, Димитар Ковачевски, денеска оствари средба со претседателот на Стопанската комора на Северозападна Македонија, Менди Ќура, и со членовите на комората, на која што се разговараше за ефектите од досегашните економски мерки, за идните мерки на СДСМ, како и за нивните предлози, за тоа што е потребно да се направи во следниот период за развој на приватниот сектор и економијата.

Ковачевски по средбата, во изјава за медиуми, речедека со сите стопански комори досега имало успешна соработка, потенцирајќи дека и во време на најтешки кризи се Владата предводена од СДСМ, носеше правилни мерки за заштита на економијата, ликвидноста на компаниите и стандардот на граѓаните.

„Во тоа време направивме девет пакети антикризни мерки, во кои што учествуваа секогаш и претставниците на Стопанските комори, вклучително и Стопанската комората на Северозападна Мкаедонија. На тој начин успеавме да спасиме 80.000 работни места во 20.000 компании. Подоцна продолживме со зголемување на минималната плата, за која што секогаш имаше поддршка од оваа комора меѓутоа и од другите, и до зголемување дојде и на просечната плата“, рече Ковачевски.

Во однос на поддршката за домашните компании, Ковачевски посочи дека тоа е еден од приоритети на СДСМ и дека преку Законот за финансиска поддршка на инвестиции, домашните компании за прв пат добија поддршка од држвата, која со новата четиригодишна програма на СДСМ и Коалицијата за европска иднина, ќе се зголеми.

„Во текот на изминатите години, како Влада имаме обезбедено 100 милиони евра финансиска поддршка за домашните компании. За наредниот четиригодишен мандат, планираме над 180 милиони евра, што ќе отвори нов циклус на инвестиции кај домашните компании“, рече Ковачевски.

На средбата, како што кажа Ковачевски, се разговарало и за клучните реформи во државата кои што се поврзани со евроатлантските интеграции на Северна Македонија, при што Ковачевски потенцираше дека СДСМ како партија не се откажува од интегрирањето на државата во ЕУ, согласно со преговарачката рамка која што е усвоена.

„Веќе оваа недела ќе биде усвоена реформската агенда која што е дел од Планот за раст на Западен Балкан, во кој што точно ќе бидат наведени реформите кои што ќе треба да се прават со цел да се повлекуваат траншите за Македонија. Тоа ќе бидат реформи во сите области од економијата, јавната администрација до правосудството и добрососедските односи“, истакна Ковачевски.

При тоа, Ковачевски потенцираше дека најголем дел од предлозите на Стопанската комора на Северо-западна Македонија, кои што беа дадени уште пред изборите, се веќе имплементирани во четиригодишната програма на СДСМ и Коалицијата за европска иднина.

„Значи тоа зголемување понатамошно на минималната плата, зголемување на просечната плата и секако поддршка нова на индустријата, особено на компании кои што се извозно ориентирани и определување на доволна сума на финансиски средства за капитални инвестиции во државата. Ние имаме предвидено 3,5 милијарди од кои што 2,7 милијарди се за инфраструктурни проекти во државата во наредниот четиригодишен период.Тука би го додал и земјоделството, предвидуваме поддршка во земјоделството во четиригодишниот период од 1,3 милијарди евра, што секако ќе значи зголемено производство на храна, зголемен извоз на храна и зголемен извоз на земјоделски производи“, исткана претседателот на СДСМ, Димитар Ковачевски.