Конкурс за нови 355 вработувања распиша ЈП Македонски шуми. Според објавениот оглас дрвосечачи се бараат во повеќе општини а како главен критериум за вработување е посочува етничката припадност. Апсурдноста на огласот е во тоа што на пример во општина Берово се бараат 12 дрвосечачи и тоа албанци. Во оваа општина според последниот попис од 2021, живее само еден Албанец. Но за вработување Албанци се бараат и во други етнички македонски општини како Крива Паланка, Демир Капија и Кавадарци. И таму пописот покажа дека се општини во кои има по еден или пак воопшто нема албанци.
Национални шуми е дел од бројните државни претпријатија кои периодов пред формирањето на техничката влада масновно вработуваат. Пред неколку дена голем револт во јавноста предизвика и огласот за вработување на 6 специјалисти во Клиниката за гинекологија, со главен критериум исто така етничката припадност..
Токму ваквите огласи беа едно од прашањата на кои се осврна претседателката на Уставен суд Добрила Кацарска прашана околу тоа дали со нив се прекршува уставното право на еднаквост на граѓаните. Таа е децидна дека националноста не треба да биде главен приоритет при вработување.
„Не можете да објавите конкурс и да речете, пример три места за советник на судот и да ставите во заграда, двајца албанци и еден македонец или обратно, тројца македонци, не може да стои дека тројца македонци ќе примите, сите се еднакви, тој што покажал најдобри резултати, тој ќе биде вработен во Уставен суд, барем додека сум јас тука.“
Министерот за здравство Фатмир Меџити, по огласот за гинекологија изјави дека знаењето и искуството треба да бидат пред сè, но Законот за вработени во јавен сектор предвидувал да има правична застапеност на етничките заедници во сите институции. Премиерот Ковачевски кажа дека само на Западен Балкна етничката припадност е професија, но законот мора да се почитува додека не се промени..