Притоа, останатите финансиски институции учествуваат со 21,7 отсто во средствата на финансиските институции. Во рамки на структурата на ОФИ, најголемо учество имаат пензиските фондови од 64,4 проценти во вкупните средства на ОФИ, по што следуваат осигурителните друштва со учество од 15,1 процент, информираат од Народната банка (НБ).

Најзначајни инструменти на страната на средствата на ОФИ се вложувањата во должнички и сопственички хартии од вредност (учество од 51,9% и 26,1%), а на страната на обврските главно се обврски врз основа на технички резерви на осигурувањето и капиталните сметки (учество од 53,0% и 36,9%).

− Во вториот квартал од годината, вкупните средства на останатите финансиски институции (ОФИ) забележаа квартално зголемување од 3,5%, пред сè поради растот на средствата на пензиските фондови, при помал позитивен придонес и на останатите сектори, освен друштвата за управување со пензиски и инвестициски фондови, кои бележат пад. Годишниот раст изнесува 17,0% и во поголем дел се должи на зголемените средства на пензиските фондови, при помал

раст и на останатите потсектори, којшто е поизразен кај инвестициските фондови и осигурителните друштва, посочуваат од НБ.

Нагласуваат дека најзначајни инструменти на страната на средствата на ОФИ се вложувањата во должнички и сопственички хартии од вредност (учество од 51,9% и 26,1%), а на страната на обврските главно се обврски врз основа

на технички резерви на осигурувањето и капиталните сметки (учество од 53,0% и 36,9%).

− На страната на средствата, анализирано по инструменти, кварталниот раст во најголем дел се должи на зголемените вложувања во должнички и сопственички хартии од вредност, при позитивен придонес и на побарувањата врз основа на

кредити, а во услови на забележан пад на валутите и депозитите. Годишниот раст главно е резултат на повисоките вложувања во должнички и сопственички хартии од вредност, а во помал дел и на кредитите. На страната на обврските,

кварталното и годишното зголемување произлегува од повисоките обврски врз основа на технички резерви на осигурувањето и капиталните сметки, при помал позитивен придонес и на кредитите и останатите обврски, истакнуваат од НБ.

Во вториот квартал на 2025 година, додаваат, вкупните средства на пензиските фондови (задолжителни и доброволни) бележат месечен и годишен раст од 4,2% и 15,4%. Анализирајќи според инструментите, нагорната промена кај двете основи во најголем дел се должи на повисоките вложувања во должнички и сопственички хартии од вредност, при мал раст и на останатите побарувања, а во услови на намалување на валутите и депозитите. На страната на обврските,

кварталниот и годишниот раст произлегува од зголемените технички резерви на осигурувањето и капиталните сметки.

− Овој квартал, вкупните средства на осигурителните друштва се зголемија за 2,1% на квартална основа, во поголем дел поради растот на должничките хартии од вредност, при помал раст и на останатите побарувања, валутите и депозитите и

нефинансиските средства, во услови на пад на останатите компоненти. На годишна основа, растот изнесува 12,3% и главно произлегува од повисоките вложувања во должнички хартии од вредност, како и зголемени технички резерви на

осигурувањето и сопственички хартии од вредност, а помало позитивно влијание имаат и останатите инструменти. На страната на обврските, кварталниот и годишниот раст главно е одраз на повисоките технички резерви на осигурувањето,

со дополнителен придонес кон растот и на останатите обврски и капиталните сметки, прецизираат од НБ.

Како што посочуваат, во вториот квартал на 2025 година, вкупните средства на инвестициските фондови остварија квартален раст од 1,0%, пред сè поради зголемените сопственички и должнички хартии од вредност, во услови на пад на валутите и депозитите. Годишниот раст изнесува 37,5% и во поголем дел се должи на вложувањата во сопственички хартии од вредност, при дополнителен придонес и на валутите и депозитите и вложувањата во должнички хартии од вредност. На страната на обврските, растот на квартално и на годишно ниво е одраз на зголемените капитални сметки.

− Вкупните средства на финансиските друштва во вториот квартал на 2025 година, забележаа квартално и годишно зголемување од 3,0% и 19,2%. Најголемиот дел од средствата на овој потсектор се однесуваат на побарувањата

врз основа на кредити, коишто на крајот на јуни изнесуваат 12.153 милиони денари, кои се повисоки за 4,1% на квартално ниво и 20% на годишно ниво. На страната на обврските, кварталниот раст пред сè произлегува од зголемените обврски врз основа на кредити, при раст и останатите обврски и капиталните сметки. Годишната промена во поголем дел е резултат на повисоките капитални сметки и обврските врз основа на кредити, при помал придонес и на останатите обврски, велат од НБ.

Овој квартал, посочуваат, вкупните средства на друштвата даватели на финансиски лизинг се зголемија за 6,6% на квартално ниво и 20,5% на годишно ниво. Најголем дел од средствата на овој потсектор се побарувањата врз основа на

кредити, коишто достигнаа 11.276 милиони денари и се повисоки за 7,3% на квартално ниво, при годишен раст од 21,5%. На страната на обврските, растот кај двете основи во најголем дел произлегува од зголемените обврски врз основа на

кредити, при позитивно влијание и на останатите обврски и капиталните сметки.

− Вкупните средства на друштвата за управување со пензиските и инвестициските фондови, на крајот на јуни 2025 година, се намалени за 6,2% на квартална основа. Притоа, падот пред сè се должи на намалените валути и депозити, при помал пад и на сопственичките хартии од вредност и нефинансиските средства, во услови на раст на должничките хартии од вредност. На годишна основа, растот изнесува 11,8%, во најголем дел како резултат на растот на должничките хартии од вредност, нефинансиските средства, сопственичките хартии од вредност и валутите и депозитите. На страната на

обврските, кварталниот пад во најголем дел произлегува од намалените останати обврски, при раст на капиталните сметки, додека на годишна основа растот е резултат на зголемените капитални сметки и останатите обврски, се вели во соопштението од Народната банка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.