Навивачите шокирани од забраната за алкохол на стадионите во Катар: Ова е лудило - Канал 5

Фудбал

Навивачите шокирани од забраната за алкохол на стадионите во Катар: Ова е лудило

Организаторите на Светското првенство во Катар објавија дека нема да им се продава алкохол на навивачите во околината на стадионот.

Навивачите шокирани од забраната за алкохол на стадионите во Катар: Ова е лудило

Оваа најава доаѓа два дена пред почетокот на Светското првенство, прво што ќе се одржи во земја од Блискиот Исток. Пивото и другите алкохолни пијалоци ќе бидат достапни за купување во фан зоните, објави ФИФА. Безалкохолно пиво ќе може да се купи во и околу стадионите.

Алкохолот не е целосно забранет во Катар, но се служи во многу ограничени количини, на пример во барови или ресторани во некои хотели. Во продавница можат да го купат странците кои имаат дозвола за престој во Катар, но мора да бидат постари од 21 година и за тоа им треба посебна дозвола.

Новинарите на Дејли Мејл разговараа со англиските навивачи во Катар. Тие реагираат со гнев и разочарување. "Ова е лудило. Зошто се одржува Светското првенство кога ни е одземена една од нашите најголеми радости? Ова нема да заврши добро, барем што се однесува до англиските навивачи", изјави Алекс Тод, еден од навивачите на Англија во Катар.

„Уништен сум. Ова нема смисла. Што е лошо во тоа да имаш пиво на стадион или бар пред него? Милиони луѓе доаѓаат таму да уживаат во сонцето, да гледаат фудбал и да испијам неколку пива. Ќе пијам во хотел и во фан зоната тогаш.“, изјавил Брајан Дејвидсон.

"Фудбалот без пиво не е фудбал. Сум бил на толку многу натпревари во германската лига каде што можете да купите пиво. Кога вчера пристигнав во земјата, имав две шишиња виски во мојата торба и ми ги зедоа. Знаев дека ќе биде тешко да се пие таму, но ова е смешно“, изјавил Германецот Даниел Сцветска.

„Мора да пиете ладно пиво на оваа топлина. Барам само едно откако дојдов. Тешко се наоѓаат. Мислам дека сега нема смисла да одиме на натпреварите“, изјавил австралискиот навивач Сајмон Вајтинг. Но, не сите фанови се разочарани, Дејли Мејл нашол неколку кои тврдат дека ги почитуваат обичаите во Катар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Срдановиќ најавува продолжување на европската интеграција и подобрување на односите со соседите

Во меѓусебен демократски дијалог ќе одлучиме кој ќе влезе во владата и ќе продолжи да ја води земјата во најдобар интерес на нашите граѓани – вели во првото интервју по победата носителот на студентска листа Илија Срдановиќ, за хрватски Индекс.</

Срдановиќ најавува продолжување на европската интеграција и подобрување на односите со соседите

Сега имаме голем број мандати во собранието, а меѓу тие луѓе веќе има доволно кредибилни кандидати кои можат да бидат членови на владата или премиер – рече Срдановиќ.

Тој најавува подобрување на соработката и продолжување на европската интеграција на Србија, додавајќи дека првите чекори во полицијата, обвинителството и судството ќе бидат многу важни а како што нагласил за тоа ќе бидат потребни и слободни медиуми.

За хрватски Индекс Срдановиќ потврдил и дека разговарал со хрватскиот премиер Андреј Пленковиќ, кој му ја честитал победата со надеж за продолжување, која според Срдановиж ќе биде конкретизирана по изборот на новата влада. Челниците на ЕУ беа меѓупрвите кои ја честитаа изборната победа на студентска листа. Србија може да почне ново поглавјхе порача еврокомесарката Марта Кос.

Тагови: Срдановиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Крузер се судри со два товарни брода во северна Германија (ВИДЕО)

Синоќа, крузерот „Mein Schiff 3“, управуван од германската компанија „TUI Cruises“, се судри со два контејнерски брода при испловување од пристаништето Бремерхафен во северна Германија.

Крузер се судри со два товарни брода во северна Германија (ВИДЕО)

Според полицијата, крузерот удрил во два брода, иако од „TUI Cruises“ потврдија судир со само еден товарен брод, пренесува „Bild“.

Во судирот, еден од товарните бродови претрпе оштетувања на страничниот дел. Нема повредени, но патниците мораа да ја поминат ноќта на бродот, кој утрово сè уште се наоѓаше во Бремерхафен. Планираното 20-дневно крстарење до Канарските Острови е откажано, а на патниците им е препорачано да се вратат дома, објави утрово германскиот јавен сервис „NDR“.

Крузерот требаше вчера да исплови кон Канарските Острови. И покрај невремето, тој тргна од кејот „Колумбускаје“ околу 17:00 часот, со помош на влекачи. Сепак, набргу наиде на тешкотии во близина на контејнерскиот терминал. Според полицијата, силен налет на ветер околу 17:30 часот го турнал крузерот кон усидрените контејнерски бродови. И покрај помошта од влекачите, бродот не успеал да го задржи курсот.

Во тој момент, во пристаништето бил усидрен голем контејнерски брод, „MSC Victorine“; крузерот удрил токму во овој брод. На фотографиите се гледаат значителни оштетувања на неговиот страничен дел. Според полицијата, во инцидентот бил вклучен и втор контејнерски брод. Полицијата потврди дека и крузерот и големиот товарен брод претрпеле значителни оштетувања, иако точниот обем на штетата сè уште не е познат.

„Судир каков што никогаш претходно немале доживеано“

Кристијан Бреден, кој ги оставил своите родители – на возраст од 69 и 68 години – на крузерот, раскажа дека забележал проблеми уште при самото испловување. „Бродот стоеше во место неколку минути, на околу 30 метри од брегот. Не можеше да напредува против ветерот. Налетите беа навистина силни“, изјави Бреден.

Тој објасни дека пловилото потоа почнало бавно да се движи, а околу десет минути подоцна дошло до судир. Неговите родители биле во кабина на десната страна од крузерот – токму на онаа страна што удрила во товарните бродови. „Родителите ми рекоа дека ударот бил таков каков што никогаш претходно немале доживеано. Бродот се затресе и силно се заниша“, раскажа Бреден.

По судирот, крузерот се вратил на пристаништето, што го потврди и компанијата „TUI Cruises“. Патниците останале на бродот преку ноќ додека експертите ја проценувале штетата. Според моменталните информации, нема повредени меѓу патниците или членовите на екипажот. Полицијата во Бремен продолжува да ги истражува околностите под кои се случил судирот.

Извор: Индекс.хр

Тагови: Германија крузер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај утре во Скопје поради посета на делегација од Република Косово

На 27.10.2026 (вторник) во официјална посета нa Македонија ќе присуствува претседателката на Собранието на Република Косово, Н.Е. г-ѓа. Албулена Хаџиу.

Посебен режим на сообраќај утре во Скопје поради посета на делегација од Република Косово

Од тие причини Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на Град Скопје.

Апелираме до сите граѓани учесници во сообраќајот да се почитуваат наредбите кои ќе ги даваат полициските службеници.

Тагови: режим на сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер