Македонија

Наум Стоилковски: Јавните здравствени институции се задолжуваат како никогаш до сега

Задолжувањата на државата станаа секојдневие, а тројката Заев, Филипче, Дончев се синоним за расипништвото и за криминалот во здравството.

Јавните здравствени институции деновиве се задолжуваат како никогаш до сега на примарно, на секундарно до терциерно ниво.

Сето ова го прават на крај на годината кога треба да се реализирани плановите за јавни набавки. Или можеби не успеале да испланираат добро?

Ова го прават и во период кога според политичкиот договор на 3 јануари Заев си оди од премиерската фотелја, започнува техничката влада, започнува период кога на 12 април треба да има избори.

Оттука министерот за здравство, Венко Филипче треба да даде одговор.

Дали е запознаен со овие јавни набавки?

Понатаму, зошто сега и што се се набавува, освен нели она што е неопходно за пациентите да добијат соодветна услуга?

Трето, дали ова е само план како парите да завршат во џебови на блиски на СДСМ?

Тенденцијата на задолжувања во јавните здравствени институции е факт. Но, факт е и дека тие не водат кон подобрување на услугите и на условите кои што треба да ги добијат граѓаните во јавниот здравствен сектор.

Во здравствените установи нема столчиња каде да седнат пациентите кои чекаат преглед, нема греење, пациентите носат од дома дури и пижами ако треба да лежат во болница, нема чаршафи на креветите. Со еден збор не добиваат никакви услови.

Очигледно се задолжуваат и парите ги користат за шминка и за глас плус во изборни цели.

Зоран Заев и Венко Филипче освен спорните набавки, почитувани, деновиве на големо се ангажирани и во незаконска трансформација на работниот однос на лица ангажирани во министерство за здравство. ВМРО-ДПМНЕ оттука ги предупредува сите раководители во здравството дека за сите незаконски дејствија кои што ќе се преземат и кои што ќе бидат направени во претстојниот предизборен период одговорност ќе има и одговорност ќе се сноси.

Сите постапки ќе бидат разгледани и ќе се преземат мерки против сите оние на кои партиските наредби од Заев и Венко Филипче им биле поважни од законите на Република Македонија.

Машинеријата на СДСМ се подготвува за избори и тоа со својата добро позната криминогена пракса. Граѓаните тоа го гледаат и тоа ќе им пресудат на 12 април 2020 година, на следните избори.

Наум Стоилковски, портпарол на ВМРО-ДПМНЕ

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА