Научниците од Институтот Каролинска во Шведска тестирале 200 лица за антитела и Т-клетки.
Откриено е дека, на секое лице позитивно за антитела, имало двајца кај кои биле пронајдени специјални Т-клетки кои ги уништуваат оние заразени со коронавирусот. Таквата шема е најдена и кај лица кои имале многу благи или непостоечки симптоми.
Ова би значело дека поголема група луѓе имаат одредено ниво на имунитет на коронавирус отколку што покажуваат тестовите за антитела, како што се оние објавени од Националниот центар за зарази во Велика Британија.
Сепак, Маркус Бугерт, научникот што работел на студијата, рече дека овој факт не не води во насока на имунитет на стадо.
Потребна е поголема анализа за да се разбере дали Т-клетките обезбедуваат т.н. „стерилизиран имунитет“ (заштита на индивидуата, но поединецот сè уште може да биде носител на вирусот).
Ако антителата не успеат да го неутрализираат вирусот, тој може да влезе во нашите клетки и да ги претвори во фабрики за нови вируси.
Од друга страна, Т-клетките ги напаѓаат оние клетки кои се веќе заразени и целосно ги уништуваат, спречувајќи вирусот да се шири во други, здрави клетки.
Исто како антитела, Т-клетките се дел од имунолошкиот систем кој има меморија. Откако ќе препознае одреден вирус, може брзо да ги таргетира заразените клетки и да ги убие.
Лекот за производство на Т-клетки интерлеукин 7 сега е во фаза на тестирање во Велика Британија за да се открие дали може да им помогне на пациентите да се опорават.
Иако ова е најголема студија за Т-клетки до денес, вклучила само мала група на пациенти.
Т-клетките се многу сложени и потешко се идентификуваат од антителата, за што се потребни посебни лаборатории и мали примероци што се тестираат во текот на неколку дена.Ова значи дека масовното тестирање за Т-клетките нема да започне толку наскоро.