Научниците создале вештачка интелигенција која чита мисли: Сѐ што ќе замислите, се претвора во текст - Канал 5

Технологија

Научниците создале вештачка интелигенција која чита мисли: Сѐ што ќе замислите, се претвора во текст

Истражувачите развија вештачка интелигенција која може да ги чита мислите на луѓето и да го претвори она што лицето го гледа или замислува во читливи реченици. 

Научниците создале вештачка интелигенција која чита мисли: Сѐ што ќе замислите, се претвора во текст

Технологијата, наречена „попис на мисли“, е најнапредниот обид да се разбере како мозокот ја претвора мислата во јазик.

Како функционира читањето мисли со вештачка интелигенција

Системот ја анализира мозочната активност додека лицето гледа видеа или замислува одредени сцени. Користејќи напреден алгоритам, моделот на вештачка интелигенција ги препознава шемите на мозочните бранови и ги поврзува со значењето на речениците што ги опишуваат тие слики. Потоа генерира текст што најмногу одговара на она што лицето го гледа или мисли.

Овој метод не само што открива што гледаме, туку и начинот на кој нашите мозоци создаваат слики и зборови пред да ги изговориме. Научниците тврдат дека во иднина, таков систем би можел да им помогне на луѓето кои ја изгубиле способноста за говор, бидејќи би им овозможил да комуницираат со своите мисли.

Од научна фантастика до реалност

Засега, технологијата работи само во лабораториски услови и со скапи МРИ скенери, но точноста на декодирањето на мислите ги изненади дури и авторите на проектот. Вештачката интелигенција беше во можност да препознае детали за сцени, дејства и предмети што лицето ги набљудува, со извонредна точност. Иако проектот предизвика ентузијазам во научните кругови, експертите предупредуваат дека тој покренува и големи прашања за приватноста и етиката. Ако вештачката интелигенција може да навлезе во мислите, се поставува прашањето - до каде е границата помеѓу умот и машината?

Тагови: вештачка интелигенција научниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Дрон влегол во воздушниот простор на Бугарија и експлодирал близу границата со Романија

Беспилотно летало влегло во воздушниот простор на Бугарија, која е членка на НАТО и ЕУ и експлодирало во близина на границата со Романија, изјави премиерот Румен Радев.

Дрон влегол во воздушниот простор на Бугарија и експлодирал близу границата со Романија

Во инцидентот немало повредени, ниту материјална штета. Дронот експлодирал на бугарска територија, на околу 100 метри од романската граница, изјави Радев по состанокот на владиниот совет за безбедност во Софија и додаде дека тимови од бугарската гранична полиција и од министерството за одбрана работат на утврдување на потеклото на дронот.

Тагови: Бугарија дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шпанија воведе гранични контроли за патниците од Италија откако Мелони го отфрли ултиматумот на Мадрид

Шпанија воведе гранични контроли за сите воздушни и поморски патувања од Италија. 

Шпанија воведе гранични контроли за патниците од Италија откако Мелони го отфрли ултиматумот на Мадрид

Контрамерките, кои започнаа на полноќ и ќе траат еден месец, следуваат една недела откако италија воведе слични ограничувања по приливот на десетици илјади мигранти од мароко во шпанската енклава Сеута.

Шпанија вчера побара од Италија да ги повлече контролите до недела. Италијанската премиерка Џорџа Мелони го одби ултиматумот и кажа дека ќе останат најмалку до 15 август, кога, како што рече, Шпанија очекува нов бран мигранти да ја погоди Сеута.

Нејзината влада изјави дека одлуката за привремено суспендирање на шенгенскиот договор е за да се спречат мигрантите кои влегле во Сеута да патуваат кон италија. Мадрид го отфрли овој став, велејќи дека се заснова на лажни аргументи, бидејќи мигрантите кои дошле до Сеута немале начин да влезат во Шенген зоната.

Тагови: Италија Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Албин Курти е гаѓан со јајца во косовското собрание (ВИДЕО)

Претседателот на движењето Самоопределување и вршител на должноста премиер, Албин Курти, беше гаѓан со јајца за време на денешното продолжение на прекинатата конститутивна седница на собранието на Косово. 

Албин Курти е гаѓан со јајца во косовското собрание (ВИДЕО)

Кога Курти повторно побара дополнително време за консултации, пратеничката на Алијансата Тиме Кадријај го гаѓаше со јајца.

Ова доведе до прекин на седницата и влегување на телохранителите на Курти во салата.

Претседателот Авни Дехари најави дека пратениците ќе бидат информирани подоцна кога ќе продолжи седницата.

Тагови: Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер