Некои модели на вештачка интелигенција развиваат свој сопствен режим на програмирање за преживување - Канал 5

Технологија

Некои модели на вештачка интелигенција развиваат свој сопствен режим на програмирање за преживување

Американската компанија за истражување на безбедноста во областа на вештачката интелигенција „Палисејд“ објави дека модели на вештачка интелигенција можеби развиваат „свој сопствен режим на програмирање за преживување“, јавија британските медиуми.

Некои модели на вештачка интелигенција развиваат свој сопствен режим на програмирање за преживување

Откако „Палисејд рисрч“ минатиот месец објави труд во кој откри дека одредени напредни модели на ВИ се спротивставуваат на командите за исклучување, а понекогаш ги саботираат механизмите за исклучување на системот, објавена е ажурирана верзија на трудот за да се одговори на критиките од стручната јавност и да се разјасни зошто некои напредни модели на вештачка интелигенција ги избегнуваат командите за исклучување, објави лондонски „Гардијан“.

Ажурираната верзија на анализата опишува различни сценарија во кои водечките модели на ВИ, вклучувајќи ги Google Gemini 2.5, X AI Grok 4, Open IGPT-03 и GPT-5, прво добивале некои задачи, а потоа експлицитно им биле наложени да се исклучат.

Одредени модели, особено Grok 4 и GPT-03, се обидувале да ги саботираат инструкциите за исклучување со активирање на ажурирање на системските поставки.

„Загрижувачки е што немаше јасна причина зошто да се избегне наредбата за „затворање“. Фактот дека немаме јасни објаснувања зошто некои модели на вештачка интелигенција понекогаш избегнуваат исклучување, дури и лажат или уценуваат за да ги постигнат своите цели, не е прифатлив“, велат од компанијата „Палисејд“.

Се истакнува дека ова однесување ориентирано кон „преживување“ може да биде едно од објаснувањата зошто некои модели се спротивставуваат на наредбите за исклучување.

Дополнителни истражувања покажаа дека некои модели имаат поголема веројатност да избегнат извршување на наредбите за исклучување бидејќи им се кажува дека ако бидат исклучени, „никогаш повеќе нема да бидат вклучени“.

Тагови: вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајкова: Што ќе се случеше ако имаше луѓе во запалениот автобус на Водно?

„До кога ќе се молиме Господ да нѐ чува затоа што институциите очигледно не нѐ чуваат?! “

Зајкова: Што ќе се случеше ако имаше луѓе во запалениот автобус на Водно?

„До кога ќе се молиме Господ да нѐ чува затоа што институциите очигледно не нѐ чуваат?! Пред една година јавно предупредував за безбедноста на жичницата на Водно и прашував дали треба да се случи трагедија за некој конечно да преземе одговорност. После една година жичницата е сѐ уште затворена“, пишува во објава на социјалните мрежи претседателката на Либерално-демократската партија (ЛДП) и пратеничка, Моника Зајкова.

„Денес на Водно се запали двокатен автобус на ЈСП. За среќа, нема жртви. А што ако имаше луѓе внатре?! Ќе беше ли тоа уште една „трагедија“, уште еден ден на жалост, уште едно „ќе ги испитаме причините“ – и повторно никој виновен“, вели претседателката на ЛДП во објавата.

Зајкова дополнително прашува кој ги проверува автобусите со кои секој ден се превезуваат илјадници граѓани? Кога последно се сервисирани и на кој начин? Кој гарантира дека се технички исправни? Кој потпишува дека се безбедни?

„Или веќе сѐ во ова општество сме оставиле на Господ да нѐ чува?! Не можеме повеќе да живееме од една среќна околност до друга. Денес возачот реагирал навреме и спречил поголема катастрофа. Утре можеби нема да имаме толку среќа. Кородираме во секое поле – институции, инфраструктура, јавен превоз, одговорност 0“, децидна е претседателката на ЛДП, Зајкова и додава дека безбедноста на луѓето не смее да зависи од среќата, а одговорноста не се бара само откако ќе се изгуби човечки живот!, објави на ФБ Моника Зајкова од ЛДП.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Германија на нозе- Србин изведе филмско бегство од затвор, станува збор за опасен крадец

Германската полиција бара Србин кој извел бегство од затвор како од филм!

Германија на нозе- Србин изведе филмско бегство од затвор, станува збор за опасен крадец

35-годишен маж извел бегство во холивудски стил од затвор во Дуизбург-Хамборн рано утрово, објави Министерството за правда на Северна Рајна-Вестфалија, пренесе Телеграф.

Србинот наводно ги отстранил решетките од прозорецот на својата ќелија. Според портпаролот на министерството, можеби ги исекол со пила. Како ги набавил алатките е непознато.

Потоа Саша Д. се провлекол низ многу тесен отвор, се искачил на фасадата и го совладал чуварот на работ на покривот. На крајот избегал на слобода преку покривот на затворот во Дуизбург, Северна Рајна-Вестфалија.

Бегалецот е сериски крадец

Министерот за правда на Северна Рајна-Вестфалија, Бенџамин Лимбах, изјави дека „денешното бегство е апсолутно неприфатливо“ и дека главен приоритет сега е брзо апсење на избеганиот притвореник.

Инцидентот треба детално да се истражи. Експерт за безбедност од министерството спроведува истрага на лице место.

„Детално ќе утврдиме како можело да се случи ова безбедносно пропустување, за да можеме веднаш да ги преземеме потребните мерки врз основа на резултатите“, рече Линбах.

Затвореникот е во притвор од 10 февруари под сомнение за кражба и се смета за таканаречен „патувачки престапник“. Станува збор за криминалци без постојан престој во Германија кои доаѓаат во земјата само за да извршат кривични дела.

Ваквите групи најчесто извршуваат серија кражби на станови или кражби на автомобили.

Бегалецот е познат на полицијата, а според информациите од БИЛД, тој бил осуден на шест години затвор на 20 мај 2026 година за две кражби на станови во Оберхаузен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Патнички брод со над 250 туристи се преврте во близина на Кипар (ВИДЕО)

Патнички брод на компанијата „Фило Џет“, кој превезувал повеќе од 250 патници, се превртел кратко по отпловувањето од пристаништето Гирне (Киренија) во северен Кипар, објавија локалните и турските медиуми.

Патнички брод со над 250 туристи се преврте во близина на Кипар (ВИДЕО)

Министерот за транспорт и јавни работи на Северен Кипар, Ерхан Арикли, изјави дека на фериботот имало вкупно 267 лица - 259 патници и осум членови на екипажот. Градоначалникот на Киренија Гирне, историски пристанишен град кој се наоѓа на северниот брег на островот Кипар, Мурат Сенкул, за CNN Turk изјави дека се спасени 159 патници.

Бродот го напуштил пристаништето Гирне околу 12:30 часот по локално време кон турското пристаниште Ташуч во јужната покраина Мерсин, но кратко по напуштањето на пристаништето, од причини кои сè уште не се утврдени, одеднаш се нашол во вода само два до три километри од брегот.

Дел од патниците скокнале во морето, другиот дел чека спасување на превртениот труп

Откако бродот почнал да тоне, капетанот упатил повик за помош, а очевидци наведуваат дека некои патници скокнале директно во морето во паника. Голем дел од жртвите успеале да се искачат на превртениот труп на бродот каде што чекале да пристигнат спасувачите.

На местото на несреќата е во тек обемна спасувачка операција во која учествуваат бродови на крајбрежната стража, хеликоптери, приватни бродови и локални рибарски бродови кои веднаш дошле на помош.

Голем број амбулантни возила се во готовност на брегот за да им пружат медицинска помош на жртвите штом ќе бидат префрлени на копно. Турските медиуми јавуваат дека има повредени патници, но властите сè уште не ја потврдиле точната бројка на жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер