Научниците се збунети од подземните езера на Марс, ги има каде што не би требало - Канал 5

Технологија

Научниците се збунети од подземните езера на Марс, ги има каде што не би требало

Во 2018 година, научниците објавиле откритие кое засекогаш ја смени нашата перцепција за правливиот и црвен Марс -радарите откриле дека веднаш под неговата површина се крие светла „дамка“, што укажува на постоење на подземен резервоар со проточна вода

Научниците се збунети од подземните езера на Марс, ги има каде што не би требало

По спроведените последователни анализи, експертите откриле повеќе такви сјајни точки и откриле дека цела мрежа на подземни езера се крие под сувата површина на црвената планета.

Иако на Марс може да се најде замрзната вода, научниците досега не нашле капка течност на планетата, па затоа можноста за постоење на подземни резервоари е главна пресвртна точка во разбирањето на геологијата на црвената планета.

Има само еден проблем. Според новото истражување, кое исто така открило десетици повеќе вакви сјајни дамки, некои од нив се наоѓаат во региони кои се премногу ладни за проточна вода, дури и за соленица (саламура) која има пониска точка на замрзнување од свежата вода.

"Засега, не сме сигурни дали овие сигнали покажуваат области на проточна вода или не, но сигурно овие светли точки се позастапени отколку што првично се сметаше. Или проточната вода е честа појава под јужниот пол на Марс или овие сигнали укажуваат на нешто сосема друго ", рече планетарниот научник Џефри Плаут од Институтот за лабораториски погони на НАСА.

Првото вакво место било забележано на Јужниот пол на Марс од страна на Марс Експрес, користејќи го својот радар „Mars Advanced Radar for Subsurface“ и „Ionosphere Sounding“ (MARSIS). По понатамошна анализа на архивираните податоци, откриени се уште три такви карактеристики слични на езерото.

„Некои видови материјали подобро ги рефлектираат радарските сигнали од другите, вклучително и проточна вода“, изјавил за Science Alert минатата година планетарниот научник Грациела Капарели од Универзитетот во Јужен Квинсленд во Австралија.

„Затоа, ако сигналите што доаѓаат од под земја се посилни од оние што отскокнуваат од површината, тогаш можеме да претпоставиме дека тоа е проточна вода“, додава таа.

Плаунот и планетарниот научник Адитија Хулер од Универзитетот во Аризона ја прошириле претходната потрага по светли точки. Тие мапирале 44.000 мерења од 15-годишните податоци на МАРСИС за да го опфатат целиот јужен пол на Марс.

Тие пронашле десетици многу рефлектирачки области. Но, некои од нив се наоѓале на една милја под површината, каде што се на околу -63 степени Целзиусови.

Претходните истражувања покажале дека водата полна со калциум и магнезиум може да остане во течна состојба долго време и на -123 Целзиусови степени. Познато е дека Марс е богат со такви соли, како и натриум. Но, студија од 2019 година покажал дека нема толкава количина сол за топење на мразот на основата на наслагите на јужниот пол на Марс.

Затоа експертите заклучиле дека треба да има некаква форма на геолошко затоплување за растворање, можеби во форма на геотермална активност или вулкани. Сепак, иако има докази за вулканска активност на Марс, таа е откриена надвор од областа на полот.

"Една можност за добивање на оваа количина на топлина се вулкани. Но, не видовме силни докази за неодамнешна вулканска активност на Јужниот пол. И се чини малку веројатно дека вулканската активност во една област ќе овозможи постоење на подземни води на целата планета", рече Кулер.

Па, што се тогаш овие сјајни дамки? Научниците сè уште не се сигурни. Ако понатамошните истражувања покажат дека тоа е дефинитивно проточна вода, тогаш ќе биде потребно да се разбере принципот според кој овој мраз се стопил и се претворил во подземно езеро.

Истражувањето е објавено во списанието Geophysical Research Letters.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците објавија нови досиеја за вонземјани, има и снимки (ВИДЕО)

Министерството за одбрана на САД денес го објави четвртиот пакет декласифицирани записи за неидентификувани аномални феномени, или UAP, попознати во јавноста како НЛО или вонземјани. 

Американците објавија нови досиеја за вонземјани, има и снимки (ВИДЕО)

Новиот пакет беше објавен како дел од системот PURSUE, иницијативата на САД за објавување на владини записи за средби со неидентификувани феномени.

На официјалната веб-страница се наведува дека четвртиот пакет е објавен на 10 јули 2026 година, додека првиот пакет е објавен на 8 мај. Во новото издание се достапни пакет документи од 227 мегабајти и пакет видео од 1,4 гигабајти.

Што е објавено?

Меѓу материјалите истакнати во најновото соопштение се декласифицирани документи, фотографии, скици и инфрацрвени видео снимки. Страницата, меѓу другото, прикажува декласифицирано тајно мотивационо писмо од Комисијата за атомска енергија на САД од 22 март 1949 година, кое се однесува на конференција за воздушни феномени.

Исто така, објавена е страница од декласифициран документ со рачно нацртана скица на цилиндричен објект, означена како „Сл. 8“, како и црно-бела фотографија од голем прототип на авион со делта крила, означена како класифицирана.

Слики од инфрацрвени снимки

Публикацијата, исто така, вклучува слики од инфрацрвени видео снимки. Едната покажува контрастна област што личи на шесткрака ѕвезда, друга контрастна област над облаците, трета две контрастни области до елементите за прикажување на сензорската платформа и четврта контрастна област над површината на водата.

Меѓу објавените материјали се три фотографии од неидентификуван објект во ниска Земјина орбита, направени од вселенскиот шатл Колумбија во 1996 година.

На страницата се појавува и запис означен како PR-011, кој се однесува на случај од Европа од 2021 година. Според претходно објавениот опис на AARO, станува збор за инфрацрвено снимање од две минути и осум секунди од американска воена платформа. Сликата покажува контрастна област што сугерира присуство на физички објект, а анализата на неговите карактеристики сè уште е во тек.

Пентагон: Ова се нерешени случаи

Пентагон вели дека нерешените случаи се објавуваат во архивата, што значи дека американската влада не може да донесе конечен заклучок за природата на набљудуваните феномени. Меѓу другото, недостатокот на податоци се наведува како можна причина.

Во соопштението за медиумите се наведува дека новите материјали ќе бидат објавени постепено, како што ќе бидат пронајдени, прегледани, декласифицирани и подготвени за јавно објавување.

Министерот за одбрана на САД, Пит Хегсет, рече дека објавувањето на документите ја покажува посветеноста на администрацијата на Трамп кон транспарентност во врска со разбирањето на владата за неидентификувани аномални феномени.

„Овие досиеја, скриени зад класифицирани информации, долго време поттикнуваат легитимни шпекулации и време е американскиот народ самиот да ги види“, рече Хегсет.

Тагови: вонземјани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Насилство низ Европа по натпреварот меѓу Мароко и Франција- полицајци спасуваат жива глава (ВИДЕО)

Фудбалската репрезентација на Франција го победи Мароко со 2:0 во четвртфиналето на Светското првенство. 

Насилство низ Европа по натпреварот меѓу Мароко и Франција- полицајци спасуваат жива глава (ВИДЕО)

Французите славеа со головите на Килијан Мбапе и Усман Дембеле. Во полуфиналето, Франција го чека подобриот од Шпанија и Белгија, кои ќе играат вечерва во 21:00 часот.

По победата на Франција, низ цела Европа избувнаа немири, главно предизвикани од Мароканци. Беше многу интензивно во Лондон, каде што полицајци беа снимени како бегаат од група демонстранти во претежно муслиманска населба. Еден полицаец беше повреден. Некој го удрил со шише во главата.

Демонстрантите, исто така, се побунија во Париз, каде што беа измешани навивачи на Франција и Мароко. Ова видео покажува како тие нападнаа полициско возило. Француската влада мобилизираше 20 илјади полицајци низ целата земја, од кои осум илјади само во Париз.

Напади врз полицајци низ Европа

Странските медиуми известуваат за немирите во холандските градови Амстердам, Ротердам, Хаг и германскиот Дизелдорф. Во Хаг, навивачите на Мароко фрлаа стаклени шишиња кон полицијата, а Амстердам објави дека се уапсени најмалку осум лица. Во Диселдорф, тројца полицајци беа повредени од пиротехнички средства фрлени кон нив од страна на мароканските навивачи.

Тагови: полицајци Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

ОЈО: Се проширува истрагата за ботоксите- приведени се три лица, од кои двајца доктори

Приведени се три лица, од кои двајца доктори.

ОЈО: Се проширува истрагата за ботоксите- приведени се три лица, од кои двајца доктори

Во рамките на истражната постапка што ја води предметен јавен обвинител од Основното јавно обвинителство за гонење на организиран криминал и корупција, а која се однесува на организирана криминална група инволвирана во нелегален увоз, дистрибуција и апликација на медицински лекови и медицински помагала, во текот на вчерашниот ден беа реализирани претреси на пет локации во Скопје, меѓу нив и на две здравствени установи. При тоа, се приведени три лица, од кои двајца доктори.

Врз основа на прибраниот доказен материјал, јавниот обвинител донесе Наредба за спроведување истражна постапка против четири лица. Тројца осомничени се товарат за кривичните дела „злосторничко здружување“ и „повреда на права од индустриска сопственост и неовластена употреба на туѓа фирма“, додека едно лице е осомничено за кривичното дело „повреда на права од индустриска сопственост и неовластена употреба на туѓа фирма“.

По предлог на надлежниот јавен обвинител, на сите четворица осомничени судијата на претходна постапка при Основниот кривичен суд Скопје им определи мерки на претпазливост.

Предметот е оформен во април годинава кога беше донесена Наредба за спроведување на истражна постапка против 17 физички и шест правни лица за кои постои основано сомневање дека се инволвирани во извршување на кривичните дела „злосторничко здружување“, „повреда на права од индустриска сопственост и неовластена употреба на туѓа фирма“ и „примање поткуп“.

Истрагата продолжува во насока на целосно расчистување на сите околности на случајот и утврдување на евентуална инволвираност и на други лица, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер