Здравје

Научниците направиле гел што ќе им помогне на милиони луѓе кои преживеале инфаркт

Британските научници осмислиле биоразградлив гел кој ќе се користи за поправка на оштетувањето на срцевиот мускул по срцев удар и на тој начин ќе го подобри здравјето на милиони луѓе ширум светот кои преживеале срцев удар.

По долги години напори, експертите од Универзитетот во Манчестер, со поддршка на Британската фондација за срце (BHF), успеаја да создадат специјална супстанција која може да се инјектира директно во живо срце и ефикасно да им помогне на инјектираните клетки да создадат ново ткиво.

Научниците со години барале начини да внесат нови клетки во оштетениот срцев мускул во обид да го намалат ризикот од неуспех, но историски, кога клетките се инјектираат директно во срцето, само еден процент преживеале.

Ново дизајнираниот гел успева да ги задржи заедно додека не се нанесат на срцевиот мускул. Геловите се составени од амино киселини наречени пептиди, кои се градбени блокови на протеините. Тие можат да се инјектираат во срцето во форма на течност, а потоа пептидите повторно ќе се зацврстат, правејќи го гелот компактен. Благодарение на овој процес, клетките се чуваат заедно додека не бидат прифатени од срцето.

Научниците успеаја да докажат кај глувци дека гелот успева да го стимулира растот на нормалното ткиво на срцевиот мускул. Во срцата на животните бил вбризгуван флуоресцентен гел, а резултатите откриле дека гелот останал на срцевиот мускул две недели.

Ехокардиограмите (ултразвук на срцето) и електрокардиограмите (ЕКГ, кој ја мери електричната активност на срцето) кај глувците ја потврдиле безбедноста на гелот. Кога човечките клетки репрограмирани да станат клетки на срцевиот мускул биле додадени во гелот, тие биле во можност да растат ин витро три недели, а потоа клетките почнале спонтано да пулсираат.

Клучно за успешен исход е снабдувањето со крв што им овозможува на инјектираните клетки да се развијат во ново ткиво.

За да добијат повеќе информации, истражувачите планираат да го тестираат гелот дури и откако глувците ќе доживеат срцев удар за да утврдат дали ќе се развие ново мускулно ткиво дури и тогаш. Студијата е претставена на конференцијата на Британското кардиоваскуларно друштво во Манчестер.

Професорот Џејмс Лајпер, помошник-директор на Британската фондација за срце, рече дека „новата технологија ги користи природните својства на пептидите за потенцијално да реши еден од проблемите што со години го попречува овој тип на терапија“.

„Доколку придобивките од новата технологија се покажат ефикасни во понатамошните истражувања, а потоа и кај пациентите, таквите гелови би можеле да станат значајна компонента на идните третмани што ќе помогнат да се поправат штетите предизвикани од срцевите удари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: По падот на Вучиќ Алта банка префрла пари во Македонија – Обвинителството веднаш да отвори истрага

Последните информации од медиумите во Србија говорат дека Алта банка, која се смета за сопствеништво на Вучиќ и сестринската партија на ВМРО – СНС, започнала забрзано и интензивно да префрла големи пари во Македонија и во Русија.

Се потврдува сè што го говоревме.

Последните информации од медиумите во Србија говорат дека Алта банка, која се смета за сопствеништво на Вучиќ и сестринската партија на ВМРО – СНС, започнала забрзано и интензивно да префрла големи пари во Македонија и во Русија.

Процесот, според овие информации е започнат од 26.10, по изборите и паѓањето на шефот на Мицкоски - Александар Вучиќ.

Нова.рс пренесува информации од познатиот адвокат Ниниќ дека интензивно се префрлаат големи пари на сметки на правни лица лоцирани во Москва и во Скопје.

Ниниќ, е член на независната граѓанска Анкетна комисија која беше формирана од универзитетски професори и стручни лица од различни области за истражување на одговорност за падот на настрешницата во Нови Сад.

Дали ова значи дека црните пари, криминалните пари, на соборениот режим на Вучиќ и СНС, сестринската партија на ВМРО во Србија, се префрлаат во Македонија?

Јавното обвинителство мора веднаш да постапи, да отвори истрага, да се утврди потеклото на парите и да се спречат сите можни злоупотреби во Македонија.

Предупредувавме, еве почнува.

Сè што кажавме се потврдува.

Затоа Мицкоски и Трајко Славевски дозволија Алта банка да влезе во Македонија.

Банкарот на Вучиќ стана банкар и на Мицкоски во Македонија.

Иако Европската централна банка ѝ забрани преземање акции од австриска банка. Иако е под истрага за сомнително потекло на капитал.

Во Европа е запрена, во Црна Гора има забрана, а кај нас купи банки и осигурителна куќа.

За сопственикот на Алта банка, Давор Мацура, близок до СНС и многу близок до Александар Вучиќ, се предложени и санкции во американскиот Конгрес.

Од менувачница во Земун до милијарди за неколку години и влез во Македонија.

Како што рековме, падот на Вучиќ ќе донесе разврска на сите криминални соработки со Мицкоски.

Го повикуваме гувернерот на НБМ, Трајко Славевски, веднаш да излезе пред македонските граѓани и да одговори што ќе преземе.

А јавниот обвинител да не чека повик по телефон, туку да постапи веднаш.

Истрага. Одговорност.

Доаѓа време на вистина и правда.

Прес конференција на СДСМ, Богданка Кузеска – портпаролка и членка на Извршниот одбор

Скопје, 28.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Шпагети во сос

Во среда (21.10.2026) во емисијата гостин ни бeше д-р Сашко Николов.

Состојки за денешниот рецепт:

500 гр. шпагети

1 кг. домати

2 благи пиперки

2 лути пиперки

3 - 4 чешниња лук

3 моркови

300 гр. сирење

1 пакување пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Пол Сколс го брка Бруно Фернандеш од Манчестер Јунајтед!

Легендарниот фудбалер на Манчестер Јунајтед, Пол Сколс, остро го критикуваше капитенот Бруно Фернандеш.

Сколс му порача дека треба да го напушти европскиот фудбал и кариерата да ја продолжи во Саудиска Арабија.

Причината е критиката што Фернандеш ја упати кон тренерот Мајкл Керик, чиј тактички план тој го оспори по поразот од Комо во Италија.

Португалецот сметаше дека Јунајтед требало да игра одбрана „човек на човек“, бидејќи поинаквиот пристап му дал дополнителна самодоверба на противникот.

„Она што Бруно го кажа минатата недела е непростливо за мене. Како може некој воопшто да му ја довери капитенската лента? Мислам дека треба да ја напушти Европа, да замине во Саудиска Арабија и да се скрие“, изјави Сколс. Ова не е првпат поранешниот играч за врска да го критикува Фернандеш.

Претходно оваа сезона, тој му порача „да си ја затвори устата“, откако Португалецот јавно ја критикуваше играта на сопствениот тим. Поради тие критики, Керик минатиот викенд го остави Фернандеш на клупата, а во дебаклот против Борнмут (0:3) дури ниту го внесе во игра како замена.

Тагови: Манчестер Јунајтед

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.