НАСА планира да ја сруши Меѓународната всленска станица во Тихиот Океан - Канал 5

Технологија

НАСА планира да ја сруши Меѓународната всленска станица во Тихиот Океан

НАСА има намера да ја одржи во функција Меѓународната вселенска станица (ISS) до крајот на 2030 година, по што планира да ја урне во оддалечен дел од Тихиот Океан познат како Точка Немо.

НАСА планира да ја сруши Меѓународната всленска станица во Тихиот Океан

Работата на склопување на станицата во вселената започна во 1998 година, а од 2000 година таму престојуваат астронаути и спроведуваат научни истражувања. Досега, повеќе од 200 астронаути од 19 различни земји биле на ISS. НАСА најави дека ISS ќе ги замени комерцијалните вселенски станици во кои со меѓународна соработка ќе продолжат научните студии.

„Приватниот сектор, со помош на НАСА, е технички и финансиски способен да развива и управува со комерцијални дестинации во ниската орбита. Со нетрпение очекуваме да го споделиме нашето оперативно искуство со приватниот сектор за да му помогнеме да развие безбедни и сигурни капацитети во вселената. “, изјави Фил Мекалистер од НАСА.

Во извештајот за транзиција на Меѓународната вселенска станица, НАСА наведува дека планира да ја урне ISS во оддалечена област на Тихиот Океан, позната како Точка Немо, и дека тоа најверојатно ќе се случи во јануари 2031 година, пишува CNN.

Точка Немо, област именувана по капетанот на подморницата од романот на Жил Верн „Дваесет илјади милји под морето“, е место во океанот најоддалечено од копното и долго време служело како еден вид гробишта за вселенски летала. Се проценува дека државите со активна вселенска програма, како што се САД, Русија, Јапонија и европските земји, таму уништиле повеќе од 263 парчиња вселенски отпад од 1971 година.

Во извештајот се наведува дека ISS ќе ги изврши сите неопходни маневри за да обезбеди „безбеден влез во атмосферата“.

Вселенската станица е дом на многу научни откритија. На пример, астронаутот на НАСА, Кејт Рубинс, секвенционираше ДНК за прв пат во вселената во 2016 година, а во 2018 година станицата ја произведе петтата состојба на материјата - кондензат Бозе-Ајнштајн. Астронаутите научија да одгледуваат зелена салата, ротквици и чили на ISS.

Кина минатата година го лансира првиот модул на својата вселенска станица. Иако не е толку голема како ISS, кинеската вселенска станица се очекува да биде целосно оперативна до крајот на оваа година. Русија изјави дека ќе се откаже од проектот ISS во 2025 година и дека планира да изгради сопствена вселенска станица, која би можела да биде лансирана во 2030 година, објави Си-Ен-Ен..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерката за европски прашања на средба со претставници на француската амбасада: Реформите мора да донесат конкретни резултати

Заменик министерката за европски прашања, Викторија Трајков, оствари средба со Филип Маршето, заменик-амбасадор на Република Франција и францускиот експерт Жером Кел.

Заменик-министерката за европски прашања на средба со претставници на француската амбасада: Реформите мора да донесат конкретни резултати

Во фокусот на разговорот беа реализираните реформи и активностите на институциите за спроведување на Реформската агенда и приоритетите за наредниот период.

„Нашата цел е реформите да не останат само обврски на хартија, туку да донесат мерливи резултати, поефикасни институции и подобри услуги за граѓаните. Посветени сме на спроведување на Реформската агенда 2024–2027 и исполнување на европските стандарди преку конкретни активности, јасна одговорност и континуирано следење на постигнатото“, истакна Трајков.

На средбата беше нагласена важноста на соработката со Франција, размената на експертски искуства и континуираниот дијалог во поддршка на реформскиот процес и европската интеграција на нашата земја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху води на изборите, но нема мнозинство за влада

Досегашните преброени гласови од изборите за Кнесетот во Израел покажуваат дека Бенјамин Нетанјаху е во водство.

Нетанјаху води на изборите, но нема мнозинство за влада

Со преброени 85 проценти од гласовите, неговиот блок предводен од партијата Ликуд, се очекува да освои 53 пратенички места.

Главниот ривал на Нетанјаху – поранешниот началник на генералштабот на армијата – Гади Ајзенкот и неговиот опозициски блок, е на пат да освои 48 места. Арапските партии, според резултатите, би можеле да освојат рекордни 19 места. За мнозинство во Кнесетот, кој има 120 пратеници, потребни е 61 освоено место.

Нетанјаху и Ајзенкот најавија дека ќе се обидат да формираат владина коалиција, а не се исклучува и влада на национално единство, бидејќи повеќето еврејски партии ја отфрлаат можноста за соработка со арапските партии. Сè уште не се преброени меѓу 430.000 и 480.000 гласачки ливчиња. По конечните резултати се очекува претседателот Исак Херцог да се консултира со политичките партии, а доколку не биде формирана влада, израел би можел да оди на нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Модар патлиџан со мелено месо

Во четврток (22.10.2026) во емисијата гостин ни бeше Васко Форти.

„Гответе со Дракче“ - Модар патлиџан со мелено месо

Состојки за денешниот рецепт:

2 модри патлиџани

250 - 300 гр. мелено месо

1 главица кромид

150 мл. доматен сос

3 чешниња лук

маслиново масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер