НАСА објави снимка од облаци јаглерод диоксид што се движат над Земјата (ВИДЕО) - Канал 5

Технологија

НАСА објави снимка од облаци јаглерод диоксид што се движат над Земјата (ВИДЕО)

Човечките емисии на CO2 ја загреваат планетата и предизвикуваат климатски промени.

НАСА објави снимка од облаци јаглерод диоксид што се движат над Земјата (ВИДЕО)

Светот ја достигна највисоката температура досега забележана во недела, на 21 јули, според прелиминарните податоци од Коперник, програма на Европската унија за набљудување на Земјата. Просечната температура на површината тој ден изнесувала 17,09 степени, што е малку повисока од претходниот рекорд, забележан во јули минатата година – 17,08 степени.

НАСА ги мапира гореспоменатите емисии и неодамна објави визуелизација која покажува како ветерот и воздушните струи носат емисии на CO2 во атмосферата на Земјата од јануари до март 2020 година. „Се обидуваме да објасниме од каде доаѓа јаглеродот и како тој влијае на планетата. Овде можете да видите како различните временски обрасци поврзуваат сè заедно“, рече климатскиот научник Лесли От од Центарот за вселенски летови на НАСА, Годард.

Видеото јасно покажува дека навистина не е важно од каде точно доаѓаат најмногу емисии, сите ние на крајот треба да се соочиме со последиците. Сепак, постојат некои интересни глобални разлики, пишува Universe Today.

Над САД, Јужна Азија и Кина, најголемиот дел од јаглеродот доаѓа од индустријата, електраните и транспортот. Но, во Африка и Јужна Америка, најголемиот дел од CO2 доаѓа од согорување (вклучувајќи шумски пожари), согорување на земјоделски производи и расчистување на земјиштето. Емисиите доаѓаат и од фосилните горива како нафта и јаглен.

YouTube video

Пулсирачките емисии укажуваат на шумски пожари кои обично се разгоруваат во текот на денот, а потоа стивнуваат во текот на ноќта. Дополнително, дрвјата и растенијата вршат фотосинтеза во текот на денот, ослободувајќи кислород и апсорбирајќи CO2. Во Јужна Америка и тропските предели има повеќе пулсирање бидејќи податоците се собирале во текот на сезоната на растење.

Оваа визуелизација се базира на GEOS, интегриран систем за моделирање на споена атмосфера, океански и копнени системи. На овој начин НАСА користи суперкомпјутери за да покаже што се случува во атмосферата. GEOS се базира на голем сет на податоци; вклучувајќи податоци од сателитите Terra и Suomi-NPP. Резолуцијата на GEOS е повеќе од 100 пати поголема од типичните временски модели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер