НАСА на Исланд се подготвува за живот на Марс (ВИДЕО) - Канал 5

Технологија

НАСА на Исланд се подготвува за живот на Марс (ВИДЕО)

Со цел да се подготви за следната мисија на Марс 2020 , НАСА ,,слета” на Исланд , каде го тестира најновиот ровер.

НАСА на Исланд се подготвува за живот на Марс (ВИДЕО)

Со својот црн базалтен песок , дините на силните ветришта полето од лава Ламбахраун во подножјето на глечерот Ланјокула е избрано како полигон за тестирање на Марс.

Петнаесет научници и инженери од НАСА три недели таму ќе го успвршуваат прототипот на робот , кој ќе треба да ја продолжи мисијата на ,,Кјуриозити” , кој го истражува Марс од 2012.

„Исланд е многу добра аналогија за истражување на Марс и тестирање како функционира роверот “, вели Адам Деслауриер, од канадска компанија платена од НАСА за тестирање на прототипот на новиот ровер.

Прототипот е мало електрично возило на четири тркала со два мотори и 12 батерии за мали автомобили.

„Тој ровер е во основа неуништлив“, вели Деслауриер. „Нашите ровери на Месечината и Марс, всушност, ќе имаат повеќе проблеми на Исланд, бидејќи, на пример, тие се сосема неподготвени за дожд“.

Опремен со сензори, компјутер и фотоапарати, роверот тежи околу 570 фунти и се движи со брзина од 20 инчи во секунда.

Возилото треба да биде толку бавно за да може правилно да собира податоци и да ги испраќа на Земјата, објаснуваат експертите.

Роверот што се тестира на Исланд е само прототип на оној што ќе биде испратен на Марс следната година. Тој ќе може да собира примероци и да ги чува во своите резервоари за да може идните мисии да ги донесат на Земјата.

YouTube video

Пред да стане ледена пустина со просечна температура од минус 63 Целзиусови степени, Марс, веруваат научниците, има сличности со субарктичкиот Исланд.

„Минералогијата на Исланд е многу слична на она што ќе го најдеме на Марс“, рече Рајан Евинг, професор по геологија на Универзитетот А & М во Тексас.

„Тука е исто така студено и нема многу вегетација, но има слична околина , како песочни дини, реки и глечери како на Марс во минатото“.

Исланд претходно беше користен како терен за обука на астронаутите на НАСА. За време на мисиите на Аполо, 32 астронаути биле геолошки обучувани на исландските полиња од лава.

Следната мисија на Марс е предвидена да започне меѓу 17 јули и 5 август 2020 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски балистички ракети го погодија Киев, оштетија мост и повредија шест лица

Неколку бранови руски балистички ракети го погодија Киев ноќеска, само неколку часа откако претседателот Володимир Зеленски предупреди дека Русија подготвува уште еден голем напад врз инфраструктурата.

Руски балистички ракети го погодија Киев, оштетија мост и повредија шест лица

Според властите, најмалку шест лица во градот Киев се повредени, заедно со уште едно лице во околната киевска област. Меѓу повредените во Киев е и 14-годишно девојче, изјави градоначалникот на Киев, Виталиј Кличко. Двајца од повредените се хоспитализирани.

Рускиот напад, исто така, го оштети клучниот Северен мост во Киев, кој во моментов е затворен за сообраќај во двата правци, додаде тој. Од утрото, оштетени се коловозот, тролејбуската контактна линија и далноводот, рече Кличко.

„Сообраќајните работници и комуналните работници веќе работат на Северниот мост“, увери градоначалникот.

Додека воздухопловните сили на Украина предупредија дека балистичките ракети се насочени кон главниот град, серија експлозии го потресоа градот. Првиот бараж од ракети го нападна Киев брзо, а воздухопловните сили објавија дека најмалку шест ракети биле лансирани кон градот во рок од неколку минути непосредно пред 23 часот локално време на 6 ноември.

До утрото на 7 ноември, воздухопловните сили објавија дека Русија лансирала 172 дронови од типот Шахед, од кои 137 со млазен погон, и неодреден број балистички ракети кон Украина преку ноќ. Воздухопловните сили тврдеа дека собориле или потиснале четири балистички ракети и 149 дронови од типот Шахед, вклучувајќи 117 дронови со млазен погон, на 24 локации.

Тагови: балистички ракети Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Терористички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Најмалку пет лица се убиени, а десет се ранети во пукотница во близина на главниот плоштад во полскиот град Краков, јавува ТВН 24, а пренесува Ројтерс.

Терористички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Полскиот премиер Доналд Туск напиша на X дека полицијата го истражува инцидентот и дека добива информации од Министерството за внатрешни работи.

Според Би-Би-Си, меѓу ранетите има и полицајци.

Според полицијата, луѓето биле застрелани на случаен избор од маж кој отворил оган со автоматско оружје од автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Поддржувачите на Албанската демократска партија денес започнаа марш од седиштето на партијата до кабинетот на премиерот, како дел од протестот против владата, објави албанскиот „Евроњуз“.

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Демонстрантите, предводени од пратениците Фламир Нок, Агрон Џекмарк и други, се придружија на студентските протести составени од млади луѓе од различни градови во земјата.

Тие ги повикаа граѓаните, професорите и другите да им се придружат, нагласувајќи дека продолжуваат да ги отфрлаат повеќекратните понуди за дијалог од албанскиот премиер Еди Рама.

YouTube video

Рама, исто така, создаде онлајн платформа чија цел, како што изјави, е да служи како простор за комуникација првенствено со студентите, но и со другите граѓани.

Според него, платформата е „функционален мост“ отворен 24 часа на ден, преку кој можат да се испраќаат прашања, критики и предлози.

Тој рече дека нема забранети прашања и дека сака да разговара со студентите.

Академиците постојано го отфрлаат повикот на Рама за дијалог, кој беше придружен со предлог за одржување состаноци пред зградата на владата.

Платформата предвидува одржување на доверливоста на корисниците, додека пристапот се остварува преку идентификација на порталот е-Албанија.

„Се очекува пораките од пошироко значење да добијат јавни одговори, додека индивидуалните проблеми ќе бидат проследени до надлежните институции“, пишува „ Albanian post “.

Тагови: Албанија Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер