НАСА: Кометата „3-И / АТЛАС“ забрза и го врти курсот назад во правец на Земјата - Канал 5

Технологија

НАСА: Кометата „3-И / АТЛАС“ забрза и го врти курсот назад во правец на Земјата

Податоците од НАСА покажуваат дека меѓуѕвезденото тело „3-И / АТЛАС“ забрза и малку има отстапено од својата патека откако стигнал до најблиската точка до Сонцето. Во меѓувреме, НАСА има фотографија од вселенското тело, но сè уште не ја објавила.

НАСА: Кометата „3-И / АТЛАС“ забрза и го врти курсот назад во правец на Земјата

Податоците на НАСА за положбата и движењето на кометата покажуваат дека таа неочекувано се приближила до Сонцето. Всушност, таа го врти курсот назад во правец на Земјата. Исто така, забрзала енормно во споредба со својата првична брзина кога беше забележана во Сончевиот Систем. Тоа се движел со брзина од 209.000 километри на час во јули, но откако достигнало перихел на 29 октомври, забрзал и сега се движи со 244.000 км/ч. Наводите потврдуваат дека нешто го поместило телото од својата првична патека. Сепак, агенцијата има едноставен одговор за тоа: Гравитацијата на Сонцето „го оттурнала“ токму кога стигнал до перихелот. Од друга страна, пак, некои научници не се толку сигурни во тоа.

НАСА потврди дека движењето на кометата е променето. Во тоа време, „3-И / АТЛАС“ не беше видлива од Земјата бидејќи „се криела“ во светлоста на Сонцето.

Засега нема стравувања за можен судир со нашата планета.

Научникот од Харвард, Ави Леб очекува објектот да има облак од гас и прашина околу себе со тежина од најмалку 5 милијарди тони. Астрономите сè уште не пронашле докази дека „3-И / АТЛАС“ испуштил толку гас за да биде квалификуван како комета. Меѓутоа, ако тоа не се случи, тогаш нешто друго го движи и тоа може да е надворешен погон. Тоа би го објаснило и ненадејното зголемување на брзината.

Последниве денови тој потисок се намалува и тоа не е поврзано со гравитацијата на Сонцето, според НАСА. Сѐ тоа би можело да биде поврзано со можно губење на маса од најмалку 13 отсто во близина на Сонцето, бидејќи тоа би создало гас со којшто кометата веројатно би постигнала поголема брзина. Но, ова е само претпоставка, бидејќи астрономите сè уште не виделе докази за овој феномен. Натаму, „3-И / АТЛАС“ сега станува видлив од Земјата, но најдобрите слики ќе се појават до крајот на ноември и во декември, кога уште повеќе ќе се приближи до Земјата.

Вселенскиот телескоп „Џејмс Веб“ е во потрага по овој масивен облак од гас и прашина, по што научниците, се очекува, би го одредиле составот и сегашната состојба на ова меѓуѕвездено тело.

Тагови: 3-И / АТЛАС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар донесе одлука, не сака да се врати

Поканата што Карло Анчелоти ја испрати до Нејмар да биде на списокот на играчи за Светското првенство предизвика голема врева, а сега еден од најголемите играчи на 21 век донесе одлука за неговото понатамошно учество во бразилската репрезентација.

Нејмар донесе одлука, не сака да се врати

Со години, Нејмар не беше на нивото што го красеше пред седум или осум години. Повредите го уништија, но не е дека блескаше кога станува збор за посветеност на фудбалот и тренинзите. Карло Анчелоти, селекторот на бразилската репрезентација, во интервју за „CNN Brazil“ нагласи дека Нејмар донел одлука за продолжување на играњето за „Селесао“:

- Неј заслужуваше да биде на последното Светско првенство поради своите квалитети, но веќе потврди дека не сака да се врати во репрезентацијата. Тој е незаменлив, беше исклучителен и уникатен талент - рече Анчелоти.

Нејмар одигра 130 натпревари за бразилската репрезентација и постигна 80 гола.

Тагови: Нејмар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДУИ: Дали возилото на заменик-директорот Мустафа Даути се наоѓало веднаш зад возилото на уапсениот за примање поткуп од 17.500 евра?

По апсењето на дело на помошник-директорот на Царинската управа, под сомнение дека примил 17.500 евра поткуп, во јавноста се појави нова информација која бара итен одговор од полицијата.

ДУИ: Дали возилото на заменик-директорот Мустафа Даути се наоѓало веднаш зад возилото на уапсениот за примање поткуп од 17.500 евра?

Дали е точно дека во моментот на апсењето, веднаш зад возилото на уапсениот се наоѓало возилото на заменик-директорот на Царинската управа, Мустафа Даути?

Доколку е така, бараме МВР јавно да појасни:

* Кој се наоѓал во тоа возило?

* Зошто возилото на заменик-директорот на Царинската управа се наоѓало на местото и во моментот на апсењето?

* Дали Мустафа Даути или лицата кои се наоѓале во неговото возило биле испрашувани?

* Дали се истражува дали случајот со 17.500 евра е поврзан и со други лица во хиерархијата на Царинската управа?

Кога службено лице е фатено на дело при примање поткуп поврзан со тендер, истрагата не смее да заврши само кај лицето кое ги примило парите. Мора да се расчисти целиот синџир: кој го организирал, кој знаел и кој стоел зад него.

МВР и Обвинителството имаат обврска да ѝ дадат на јавноста јасни и целосни одговори, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со попладневни врнежи од дожд и засилен ветер

Утре времето ќе биде сончево со мала до умерена облачност, информираат од УХМР. 

Утре сончево време со попладневни врнежи од дожд и засилен ветер

МАКСИМАЛНА ТЕМПЕРАТУРА

14 Попова Шапка, 18 Крушево, 22 Маврови Анови, 24 Берово, Претор, Охрид, Прилеп, 25 Крива Паланка, 26 Битола, Виница, Тетово, 27 Штип, 28 Скопје Петровец, Зајчев Рид, Струмица, Демир Капија, Кавадарци, Велес, 29 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Дуваше слаб до умерен ветер од северен правец. До крајот на денот ќе биде стабилно и топло со мала до умерена локална облачност.

ВРЕМЕТО УТРЕ

Сончево со мала до умерена облачност. Во попладневните часови локално ќе има врнежи од дожд и засилен ветер. Наместа ќе има услови за нестабилност во форма на невреме со пороен дожд, грмежи и појава на град. Ќе дува слаб до умерен ветер од северен правец. Минималната температура ќе биде во интервал од 8 до 16, а максималната ќе достигне од 21 до 29 степени.

Во Скопје, сончево со мала до умерена облачност. Во делови од котлината ќе има услови за нестабилност проследена со пороен дожд и грмежи. Ќе дува слаб до умерен ветер од северен правец. Минималната температура ќе се спушти до 14, а максималната ќе достигне до 24 степени.

ВРЕМЕТО ВО НАРЕДНИТЕ ДЕНОВИ

До крајот на новата работна седмица ќе се задржи претежно сончево време со мала до умерена облачност. Утре во попладневните часови локално ќе има врнежи од дожд и засилен ветер. Наместа ќе има услови за нестабилност во форма на невреме со пороен дожд, грмежи и појава на град. Утре ќе дува слаб до умерен ветер од северозападен правец, а од среда ветерот ќе го смени правецот во југоисточен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер