Технологија

Направена е кожа за роботи од човечки клетки, самата расте од машина (ВИДЕО)

По многу научно-фантастични романи и филмови кои прикажуваат механички суштества кои целосно наликуваат на луѓе, идејата за вакви типови роботи нè фасцинира и плаши со децении.

Сега, благодарение на напредокот во науката, ние сме поблиску од кога било до тоа роботите да изгледаат како луѓе. Имено, експертите развиле кожа за механички тела од човечки клетки. Иако изгледа малку лигаво, таквата кожа е водоотпорна, може да заздрави и има текстура како нашата.

„Мислам дека живата кожа е совршено решение за да им се даде на роботите изглед и чувство на живи суштества, бидејќи тоа е токму истиот материјал што ги покрива нашите тела“, рече инженерот Шоџи Такеучи од Универзитетот во Токио.

Експертите успешно обложиле функционален роботски прст со три зглобови со прототип на кожа израснат во лабораторија.

„Прстот изгледа влажно бидејќи доаѓа директно од медиумот за култура. Бидејќи се напојува со електричен мотор, интересно е да се слушнат механички звуци во прстот.

Научниците претходно се обиделе да стават вистинска кожа на роботи, но наишле на проблеми. Затоа, јапонските експерти пробале друг пристап - создавање на кожа која сама се формира на уредот.

„Тешко е да се исече, залепи или шие еквивалентна кожа без да се оштети мекото, кревко ткиво. Наместо тоа, ја натопивме роботската структура во раствор од колаген и дермални фибробластни клетки, најчестите клетки на сврзното ткиво на кожата.“ објаснуваат научниците од студијата.

Тие потоа го обложиле овој основен слој со епидермални клетки, главна компонента на нашиот надворешен слој на кожата. Без овој дополнителен слој, ткивото не би било водоотпорно.

Иако овој малку лигав материјал можел да издржи постојано истегнување и контракција на роботските движења на прстите, сепак е многу послаб од човечката кожа. Научниците веруваат дека можат да го поправат ова со зголемување на концентрацијата на колаген во почетниот раствор и продолжување на созревањето на клетките.

Интересно е што оваа вештачка кожа може да се излечи и со колагенски завој, кој клетките го земаат и го интегрираат во нивниот систем за да ја поправат штетата.

Иако ова се неверојатни резултати, ткивото растено во лабораторија е сè уште многу ограничено. Не може долго да преживее надвор од хранливиот раствор бидејќи, исто како и нашата кожа, бара постојано снабдување со вода за да не се исуши.

„Во идните истражувања, треба да поставиме канали внатре и под дермисот кои имитираат крвни садови за снабдување на ткивото со вода, како и интегрирање на потните жлезди во еквивалентот на кожата“, напишале истражувачите, предлагајќи додавање на „нерви“ и сензори за оваа вештачка кожа да има повеќе функции, исто како нашата.

„Изненадени сме од тоа колку добро ткивото се прилагодило на површината на роботот. Но, ова истражување е само првиот чекор кон создавање роботи кои се целосно покриени со жива кожа“, рече Такеучи.

Студијата наречена Living skin on a robot е објавена во магазинот Matter.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

🔥 Kim Kardashian Models Skims’ New Microscopic Leopard Print Collection — (Video: AI)

Kim K is heating things up with her latest Skims drop — the “Micro Fits Everybody” collection of barely-there leopard print bras, thongs, and ultra-revealing silhouettes.

In the created clip:… pic.twitter.com/e3oK4Flsnt
— Paul A. Szypula 🇺🇸 (@Bubblebathgirl) July 1, 2026

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.