Автомобилизам

Направен е првиот автомобил со надворешен екран (ФОТО)

Конечно го добивме, првиот автомобил со екран однадвор.

Истиот е потпишан од General Motors, а неговото целосно име е моделот Baojun Yep. Електричниот автомобил е создаден во партнерство зад SAIC-GM-Wuling, а беше претставен уште во февруари. Меѓутоа, сега доби додаток кој предизвика интерес низ целиот свет.

Новите официјални фотографии од овој пресладок електричен мини кросовер откриваат нов детал. Покрај тоа што е првиот електричен автомобил во класата на минијатурни модели, со опција за возило за испорака, Yep е и првиот што доби интерактивен екран одзади.

Се вели дека е инспириран од паметните часовници, па оттука и името Car-Watch. Станува збор за интерактивен модул сместен помеѓу задните светла, а долу е панел со димензии 1050 mm x 260 mm што симулира лента за часовник. Форматот го следи дизајнот на Apple Watch, а има димензии од 300 x 256 mm.

Car Watch е наменет првенствено за помлади сопственици кои се и активни корисници на социјалните мрежи. Покрај разновидната графика и текст, на екранот може да се проектира и видео материјал, со што ќе се овозможи комуникација со минувачите.

Внатрешноста на возилото се уште не е откриена, а првите примероци треба да пристигнат на патиштата во текот на јуни. Ваквите возила со минијатурни димензии, со не премногу моќен погон и со малку скромен капацитет на батеријата, се исклучително популарни во Кина, пред сѐ поради нивната многу пристапна цена. Минијатурата на Wuling како еден од најевтините модели во Кина е на врвот на листата на најпопуларни модели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски се сели во Русија

Репрезенативецот на Србија, Алексеј Покушевски има нов клуб.

24 годишниот Алексеј Покушевски е нов кошаркар на Локомотив Кубан, соопшти клубот.

Србинот се раздели со Партизан и му се приклучи на тимот на Локомотив Кубан предводен од Томислав Томовиќ, поранешен стратег на Звезда и помошник-тренер во националниот тим на Србија.

На 14-годишна возраст, како еден од најголемите европски таленти на своја возраст Покушевски се пресели во системот на атински Олимпијакос.

На само 17 години, популарниот Поко дебитираше во Евролигата и влезе во историјата на грчкиот гигант како најмлад играч што зачекорил на теренот во оваа елитна европска конкуренција.

Неговиот потенцијал беше забележан и од НБА-скаутите, па во 2020 година беше избран како 17-ти пик на драфтот.

Во најсилната лига во светот, тој мина четири сезони играјќи за Оклахома Сити Тандер и Шарлот Хорнетс. Во европската кошарка се врати во 2024 година, кога го облече дресот на белградски Партизан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова фитнес зона во ООУ „Мирче Ацев“ во Општина Ѓорче Петров

Општина Ѓорче Петров продолжува со континуирани инвестиции во спортската инфраструктура, создавајќи современи услови за спорт, рекреација и здрав развој на децата и младите.

Во ООУ „Мирче Ацев“ е изградена нова современа фитнес зона, како дел од проектот што се реализира со поддршка на Министерството за транспорт и врски.

Новата фитнес зона е една од вкупно трите фитнес зони што се реализираат во рамки на проектот, со што дополнително се унапредува и збогатува спортската инфраструктура на територијата на Општина Ѓорче Петров.

Со поставувањето на современите фитнес реквизити, учениците и младите добиваат функционален простор за физичка активност, вежбање и рекреација, кој ќе биде од корист и за останатите жители на општината.

-Во изминатиот период инвестиравме во нови и реконструирани спортски терени, фитнес и калистеника зони, како и во унапредување на училишната спортска инфраструктура. Нашата цел е спортот да биде достапен за сите, а особено за нашите деца и млади. Оваа инвестиција е уште еден чекор во тој континуитет. Благодарност до Министерството за транспорт и врски за поддршката во реализацијата на проектот - истакна градоначалникот на Општина Ѓорче Петров, Александар Стојкоски.

Од Општина Ѓорче Петров најавуваат дека инвестициите во спортот продолжуваат и во наредниот период, со реализација на нови проекти во училиштата, населбите и постојните спортско-рекреативни комплекси.

Инвестицијата во спортот е инвестиција во здрави генерации, активни млади и силна заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Овој викенд- бесплатно кино на отворено во Драчево

Општина Кисела Вода, во соработка со Кинотека на Македонија, овој викенд организира бесплатни филмски проекции на отворено во Амфитеатарот на Домот на културата во Драчево.

На програмата се две познати македонски остварувања во режија на Дарко Митревски:

На 08.08.2026 (сабота), од 20 часот, ќе се прикажува филмот „Бал-Кан-Кан“. Публиката ќе има можност да ја погледне оваа комедија со актерските остварувања на Раде Шербеџија, Ерол Кадиќ и Салаетин Билал.

На 09.08.2026 (недела), од 20 часот, на репертоарот е „Трето полувреме“, филм инспириран од вистински настани, со улогите на Сашко Коцев, Катарина Ивановска, Ричард Самел и Раде Шербеџија.

Влезот за двете проекции е слободен.

Ги покануваме сите љубители на филмот да ни се придружат со своите семејства и пријатели на оваа викенд-дружба посветена на македонската кинематографија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.