Најстариот фосил на комарец ги изненади научниците: Ова е големо откритие - Канал 5

Живот

Најстариот фосил на комарец ги изненади научниците: Ова е големо откритие

Стотици илјади луѓе ширум светот секоја година се заразуваат со маларија и други болести кои се пренесуваат со каснување од комарци, инсекти од ерата на диносаурусите.

Најстариот фосил на комарец ги изненади научниците: Ова е големо откритие

Но додека денес само женките касаат, откривањето на најстариот фосил носи изненадување.

Научниците ги открија најстарите фосили од комарци - два мажјаци во парче килибар старо 130 милиони години од периодот креда, пронајдено во близина на градот Хаман во Либан. На нивно изненадување, мажјаците имале издолжена уста која им дозволувала да цицаат, што денес го имаат само женките комарци.

„Сосема е јасно дека биле хематофаги“, што значи дека се хранеле со крв, вели палеонтологот Дени Азар од Институтот за геологија и палеонтологија на Кинеската академија на науките Нанџинг и Универзитетот во Либан. „Ова е големо откритие во еволутивната историја на комарците“, рече Азар, главен автор на студијата објавена оваа недела во списанието Current Biology.

Двата фосилизирани комарци, кои припаѓаат на ист вид, по големина и изглед наликуваат на современите комарци, иако нивните усти што цицаат крв се пократки од оние на денешните женки.

„Комарците се најпознатите човечки крвопијци и пренесуваат некои паразити и болести“, забележува Азар и објаснува: „Само оплодените женски комарци цицаат крв бидејќи им требаат протеини за да развијат јајца. Мажјаците и неоплодените женки се хранат со нектарот на некои растенија. И некои мажјаци воопшто не се хранат.“

Некои летечки инсекти - на пример цеце муви, имаат мажјак кој е хематофаг. Но не и денешните комарци. „Откривањето на машки комарец кој бил хематофаг во периодот креда е навистина изненадувачки“, вели палеонтологот и коавтор на студијата Андре од Националниот музеј за природна историја во Париз.

Фината анатомија на двајцата мажјаци е брилијантно зачувана во килибарот. И двата примерока имаат исклучително остра триаголна анатомија на вилицата и издолжена структура со испакнатини слични на заби. Научниците веруваат дека комарците еволуирале од инсекти кои не цицаат крв. Нивната претпоставка е дека устата првично била прилагодена за цицање на растителен нектар.

Еволуцијата на растенијата веројатно одиграла улога во денешното правење различни машки и женски комарци. Во времето кога двата комарци останале замрзнати во смолата на дрвото, која на крајот се претвори во килибар, цветните растенија штотуку почнаа да се појавуваат во периодот на креда.

„Веруваме дека сите инсекти кои станале хематофаги се префрлиле на крв бидејќи првично цицале растенија“, вели Азар, додавајќи дека и женките и мажјаците потоа почнале да се хранат со крв. Според неговата хипотеза, промената настанала со појавата на цветни растенија, што одговара на периодот на килибарот пронајден кај фосилите на два комарци.

Многу животни се хранат со крв: диносауруси, летечки влекачи наречени птеросауруси, други влекачи, птици и цицачи.

Иако фосилите пронајдени во Либан се најстарите фосили од комарци, научниците веруваат дека комарците се појавиле пред милиони години. Молекуларните докази сугерираат дека комарците се појавиле во периодот Јура, пред 200 до 145 милиони години.

Во светот има повеќе од 3.500 видови комарци и ги има насекаде освен Антарктикот. Некои од нив пренесуваат болести како маларија, жолта треска, зика треска, денга треска. Според Светската здравствена организација (СЗО), повеќе од 400.000 луѓе годишно умираат од маларија, паразитска инфекција, а најчести жртви се децата помлади од пет години.

„Од друга страна, комарците помагаат за прочистување на водата во бари, езера, реки“, вели Нел и додава: „Генерално, животното може да биде проблем, но и корисно“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола за брзо возење – за шест часа констатиран 541 прекршок

За сите констатирани прекршоци преземени се соодветни мерки согласно законските прописи.

Акциска контрола за брзо возење – за шест часа констатиран 541 прекршок

На 15.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакната акциска контрола насочена кон санкционирање на возачите кои управуваат возила со брзина поголема од пропишаната.

При спроведената контрола констатиран е вкупно 541 прекршок, од кои 250 се однесуваат на возачи кои ја пречекориле дозволената брзина надвор од населено место, додека 291 прекршок е констатиран во населено место.

Во текот на контролата констатирани се и 58 прекршоци од друг вид.

За сите констатирани прекршоци преземени се соодветни мерки согласно законските прописи.

Министерството за внатрешни работи продолжува со зајакнатите сообраќајни контроли на целата територија на државата и апелира до возачите да ги почитуваат ограничувањата на брзината и да го приспособат управувањето со возилата на условите на патот, со цел поголема безбедност на сите учесници во сообраќајот.

Тагови: брзо возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поплави ја пустошат Турција: Бројот на жртви расте (ВИДЕО)

Четири лица загинаа, а тројца се водат како исчезнати во поплавите што ја погодија Турција, додека Генералниот директорат за метеорологија издаде жолто и портокалово предупредување за 45 провинции поради нови обилни врнежи од дожд и бурски ветрови.

Поплави ја пустошат Турција: Бројот на жртви расте (ВИДЕО)

Портокалово предупредување е издадено за Истанбул, Бурса, Коџаели, Јалова и Сакарја, додека жолто предупредување важи за уште 40 провинции, објави денес Хуриет.

Локално се очекуваат многу обилни врнежи од дожд во Истанбул, особено од пладне, а северните и анадолските делови на градот би можеле да бидат најизложени на ризик.

Многу обилни, локализирани и интензивни врнежи од дожд се прогнозираат и во Бурса, Билеџик, Коџаели, Сакарја, Зонгулдак, Бартин и крајбрежните области на Дизенгоф.

Обилни врнежи од дожд и грмотевици се очекуваат и во делови од Егејското, Медитеранското, Централно и Источно Анадолија, како и во западните и централните региони на Црното Море.

Метеоролозите предупредуваат и на силни ветрови и бури, со налети од 50 до 70 километри на час, повремено и до 80 километри на час.

Во некои области се очекуваат налети на бура од запад и северозапад, додека во други региони ветерот ќе дува од југ.

Поради ризикот од ненадејни поплави, лизгање на земјиштето, удари од гром, град, оштетување на покривите и прекини во сообраќајот, на граѓаните им се препорачува да бидат внимателни и да ги следат предупредувањата на надлежните служби.

На поголеми надморски височини во провинциите Бурса и Кутахја се очекуваат лапавица и снег во текот на ноќните и утринските часови.

Извор: Б92

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ: Запленети и уништени се 1000 килограми пилешки желудник

Инспекциските служби на Агенцијата за храна и ветеринарство (АХВ) спроведоа вонредни инспекциски контроли во месарници во Струга и Охрид, при што запленети и уништени се 1000 килограми пилешки желудник кој е забранет за увоз и користење. 

АХВ: Запленети и уништени се 1000 килограми пилешки желудник

Дополнително, запленети и уништени се и 55 килограми подготовки од месо каде бил употребен пилешки желудник. Против две месарници кои не го почитувале донесеното Решение за забрана за увоз и употреба на пилешки желудник наменети за човечка исхрана, во производство на подготовки и производи поднесени се соодветни прекршочни санкции.

Спроведените контроли на Агенцијата во месарниците во Охрид и Струга се дел од засилените контроли кои се спроведуваат во насока на спречување на нелегалните активности во прометот со овој вид храна, сузбивање на овој вид криминал и заштита на здравјето на потрошувачите.

Со цел обезбедување на висок степен на заштита на јавното здравје и интересите на потрошувачите, Агенцијата во јули 2024 година донесе решение за забрана за увоз и употреба на пилешки желудник наменети за човечка исхрана, во производство на подготовки и производи од поради утврдени потенцијали ризици од употребата на мускулниот дел од желудникот на живината по здравјето на луѓето - можна контаминација со патогени- бактерии и вируси, присуство на токсини и сл. Решението за забрана АХВ ја донесе врз основа на резултатите од спроведената анализа на ризик од можни опасности по здравјето на граѓаните од консумација на овој тип внатрешни органи од живина по здравјето на граѓаните и од резултатите од спроведените инспекциски контроли со кои тогаш беше утврдена злоупотреба и измама на потрошувачите од страна на неколку месни индустрии.

Тагови: АХВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер