Салата 3 на белградскиот саем е резервирана за модели на премиум брендови, како што се Mercedes, Maybach, BMW, Maserati, Audi, Porsche...
И покрај кризата, се чини дека на автоиндустријата се уште и оди добро, бидејќи најскапиот модел на саемот беше резервиран уште првиот ден.
Ова се најскапите автомобили на 55-от Меѓународен саем за автомобили кои чинат над 200.000 евра.
1. Maserati MC 20 – 295.000 евра е најскапиот модел на 55. Меѓународен саем за автомобили.
Станува збор за суперспортски автомобил кој од 0 до 100 километри на час достигнува за 2,9 секунди, а максималната брзина е 350 km/h. Тоа го означува почетокот на новата ера за овој италијански автомобилски бренд.
Саемскиот примерок е резервиран, но сè уште не е официјално продаден.
2. Mercedes Maybah S580 – 262.366 евра
Овој луксузен модел има 8-цилиндричен бензински мотор од 503 КС (370 kW), а изложениот примерок е во црна металик боја. Доаѓа со дополнителна опрема вредна 75 илјади евра.
3. Porsche 911 GT3 RS – 260.500 евра
Необичната Артик Сива боја во комбинација со црвени детали ја зголемува привлечноста на овој модел. Има 4,0-литарски шестцилиндричен мотор со 525 КС (386 kW), како и седумстепен PDK менувач, пишува Курир. рс.
До 100 km/h достигнува за 3,2 секунди, а максималната брзина е 296 km/h.
4. Maserati GranTurismo Trofeo – 251.000 евра
Иако се уште не е утврдена дефинитивна цена за овој модел на автомобил, тие наведуваат дека основната цена би можела да започне од 251.000 евра, а да достигне околу 280.000 евра. Тој е придвижуван од 3.0-литарски Nettuno V6 мотор кој произведува 550 КС и 650 Nm вртежен момент во верзијата Trofeo.
До 100 km/h достигнува за 3,5 секунди, пред да развие максимална брзина од 320 km/h.