Автомобилизам

Најскапа патарина?! Оваа цена ги разбеснела патниците низ цела Европа – поскапа е и од Швајцарија!

Патувањето со камп-приколка требало да биде ралаксирачко, но за еден патник од Германија заврши со скапо изненадување – патарина.

И тоа не било каква: поминувањето низ тунел долг само 15 километри меѓу Франција и Италија го чинело дури 72,60 евра, што предизвика лавина коментари на социјалните мрежи.

Патарини и вињети се стандард во многу европски земји, но некои примери знаат да остават горчлив вкус. Во Фејсбук групата „Camping Switzerland“, еден корисник сподели сметка за поминување низ тунелот Фрежис, кој ги поврзува двете земји. Основната цена на патарината изнесувала 60,50 евра, додека дополнителни 12,10 евра биле за ДДВ.

Можеби ќе ве интересира: Од патарини инкасирани над 30 милиони евра за половина година, поголема достапност на М-ТАГ уредот

– И после некој ќе каже дека Швајцарија е скапа – напиша тој, предизвикувајќи лавина реакции.

Луѓето коментираа дека ваквата цена е претерување и се прашуваа како е можно ЕУ да го дозволува тоа. Една корисничка предложи и други познати тунели, како Готард или Сен Бернар, да воведат слични цени – но само за странци. Други, пак, го свртеа разговорот против Германците: „Ги затрупуваат Алпите, нека си платат“, беше еден од коментарите.

Но, имаше и такви што се обидоа да ги смират тензиите.

– Секогаш истата приказна – против Германците. А штом почне шопингот, сите доаѓате кај нас – напиша еден член на групата, огорчен од стереотипите.

Можеби ќе ве интересира: Од 4 јули нови цени на патарините низ Србија

Некои сепак ја истакнаа клучната поента: можеби е време сериозно да се размисли за цените на возењето. „Превише евтино возење со автомобил доведува до гужви. Ако патарините беа двојно поскапи, ќе имаше помалку автомобили на патиштата“, наведе еден член, пренесува „Блиц“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шокантен инцидент во Италија: Ученик избоде наставничка

Се обидел да го пренесува нападот во живо на социјалните мрежи.

Според неименувани извори, ученик во средно училиште во римската населба Ченточеле денес испрскал наставничка во лицето со спреј-бибер, а потоа ја избодел.

Наставничката добила итна медицинска помош. Иако нејзиниот живот не е во опасност, таа претрпела шок, наведуваат изворите, а пренесува агенцијата „ANSA“.

🔵#Roma Un 13enne ha accoltellato una insegnante, dopo averle spruzzato uno spray urticante. Il ragazzino avrebbe tentato di filmare la scena attraverso una videochiamata in diretta. A fermare l’aggressione un compagno di classe. pic.twitter.com/yXVh1Ab4d0
— Rai Radio1 (@Radio1Rai) September 18, 2026

Напаѓачот, 13-годишно момче, се обидел да го пренесува нападот во живо преку својот мобилен телефон, користејќи ја апликацијата „Телеграм“.

Според изворите, друг ученик го спречил нападот.

Извор: Б92

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Во детската градинка „Орце Николов“ во Карпош 4 започна изработката на муралот „Шарен детски свет“, со кој просторот наменет за најмладите ќе добие нов, креативен и весел изглед.

Автор на муралот е уметникот Драган Китановски – Драш, кој преку својата уметност ќе го збогати просторот каде што секојдневно растат, играат и учат најмладите жители на Карпош.

Во реализацијата на иницијативата денеска се приклучи и градоначалникот на

Општина Карпош, Сотир Лукровски, кој на ѕидот ќе остави свој личен белег преку сопствена креација посветена на децата. Муралот има за цел да внесе повеќе боја, креативност и позитивна енергија во просторот на градинката, создавајќи пријатна и инспиративна средина за најмладите.

Општина Карпош продолжува со иницијативи за разубавување на јавните и детските простори, создавајќи средина во која децата растат со повеќе боја, креативност и радост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„Звуците на културата во Ѓорче 2026“ вечерва со богата програма за сите генерации

По досегашната програма исполнета со мјузикл, хип-хоп фестивал, театарска претстава, кино-проекции и содржини за најмладите, „Денови на Општина Ѓорче Петров 2026“ продолжуваат вечерва со нови настани во рамките на „Звуците на културата во Ѓорче 2026.

Програмата ќе се одвива на Корзото, кај амфитеатарот и во Реонскиот парк, со музика, улични изведби, балет, хорско пеење, базар и детски работилници за посетители од различни генерации.

Вечерва, на 18 септември, програмата на Корзото и кај амфитеатарот започнува во 18:00 часот со „Баскерфест“. Во 18:30 часот ќе настапи „Ребис“ – балетско студио, а во 19:00 часот хорот „Фрида“.

Во рамките на „На Базар“, посетителите ќе можат да разгледаат што нудат поставените штандови, додека за најмладите ќе бидат организирани детски работилници.

Музичката програма на „Октоберфест“ ќе се одржи во Реонскиот парк. Во 20:00 часот ќе настапат „Суперхикс“, во 21:30 часот „Пауза за ракија“, а вечерта ќе ја заокружи DJ Галоски, со настап од 23:00 часот.

Програмата продолжува и во сабота, на 19 септември, во Реонскиот парк. The Crew ќе настапат во 19:00 часот, по што во 21:00 часот следува концертот на „Ареа“. Во 22:30 часот ќе настапат „Куку Леле“, а програмата ќе ја затворат трубачите „Левис“, со почеток во 23:30 часот.

Преку различните културни и музички содржини, „Звуците на културата во Ѓорче 2026“ ја збогатуваат програмата на „Денови на Општина Ѓорче Петров 2026“ и создаваат простор за дружење и забава за сите генерации.

Настаните се во организација на Општина Ѓорче Петров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.