Бронсон кој е во затвор под бројни обвиненија за кражби со оружје и насилство, се спушти на колена и ја запроси 36 годишната Пола Вилијамсон која го посети во затворот. Актерката која досега настапила во неколку сапунски опери за „The Sun“ изјави дека е многу вљубена во Бронсон.

- Сум имала врски и со мажи и со жени но никој не дошол ни близу до мојата љубов што ја имам за Чарли. Тој е многу ексцентричен, но таква сум и јас. Ние сме идеален пар! Знам дека во јавноста е познат како насилен затвореник но во реалноста е сосема поинаков. Тој не може да ги промени работите што ги направил во минатото, но силно работи на тоа да го остави сето тоа зад себе - изјави Пола.

Чарлс Бронсон за прв пат бил затворен во 1974 година. Вкупно во затвор поминал 41 година. Неговата казна се зголемува поради бројните напади над другите затвореници и земањето на луѓе во заложништво.



Британските таблоиди пренесуваат дека Бронсон замислил поромантичен начин за да ја запроси својата девојка - сакал да и испртаи прстен дома, и да и се јави по телефон да и испее серенада.

Но, прашањето сепак го поставил за време на нејзината посета во затворот.

За озлогласениот затвореник кој поради проблемите што ги прави во затвор поголемиот дел од времето го поминува во самица, во 2009 беше снимен и филм, со Том Харди во главната улога.





Чарлс Бронсон е роден како Мајкл Питерсон. За прв пат отишол во затвор во 1974 година, на 21 година, за кражба до оружје. Бил осуден на 7 години. од тогаш тој животот го поминува во 120 затвори, а на слобода е вкупно само 141 ден! По едно од повеќето киднапирања кои ги извршил, осуден е на доживотен затвор.

Во 2014 тој своето презиме го сменил во Салвадор, во чест на уметникот Салвадор Дали...






Во целата бркотница, Чарлс успеал два пати да се ожени и да се разведе. Првиот брак со Ирене Бронсон траел 5 години, до 1977 година, а вториот од 2001 до 2005, со Фатема Саира Реман од Бангладеш, со која се запознал преку писмо и поради која на кратко ја сменил верата!

/извор: Дејли меил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.