Најмалку еден загинат во страшното невреме што пустоши низ Италија (ВИДЕО) - Канал 5

Свет

Најмалку еден загинат во страшното невреме што пустоши низ Италија (ВИДЕО)

Едно лице загина во бурите што ја погодија северна Италија по продолжениот топлотен бран, објавија денес италијанските медиуми.

Најмалку еден загинат во страшното невреме што пустоши низ Италија (ВИДЕО)

Четириесетгодишен маж загинал откако неговиот автомобил вчера бил однесен од надојдената река Криза во градот Леонфорте, а неговото тело било пронајдено денеска, објави новинската агенција Анса. Спасувачките служби спасиле две лица од надојдената река.

Во меѓувреме, невремето се влошило во северна Италија, при што јавните паркови во Милано се затворени поради обилните дождови.

Во Милано, голема гранка што се скршила од дрво во паркот Семпионе во Милано удри во комбе со словенечки регистарски таблички, но возачот и двајца патници не се повредени. Во Бергамо, парковите и јавните градини се исто така затворени поради бурата.

Нивото на реката Ламбро се следи континуирано, а портокалово временско предупредување е издадено за регионите Емилија Ромања, Лигурија и Ломбардија, додека жолто предупредување е на сила за Пиемонт, Венето, Тоскана, како и делови од регионите Фриули Венеција Џулија и Марке, соопшти агенцијата.

Крајбрежните области околу Пиза денес претрпеа штети од поплавите, додека делови од Арецо исто така се поплавени, што предизвика прекини во сообраќајот.

Во јужна Италија, бура е регистрирана и во Сардинија, која предизвика две сообраќајни несреќи во кои неколку лица беа повредени и хоспитализирани. Град падна во некои области на Сардинија, а штетите предизвикани од бурата се проценуваат и во областа на Каљари, особено на фармите, лозјата и маслиновите насади.

Во меѓувреме, високи температури сè уште се регистрираат во централна и делови од јужна Италија. Како што изјави метеорологот Лоренцо Тедичи, во наредните денови температурите ќе паднат за околу 10 степени Целзиусови во поголемиот дел од земјата, особено на север, така што живата во термометарот ќе падне од 40 на 25 степени.

Тагови: италија невреме

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер