Разорен земјотрес ја погодиТурција во кој досега има најмалку 22 жртва и над 1.300 повредени. Земјотресот бил со интензитет од 6,8 степени по Рихтеровата скала и го погодил источниот дел на Турција близу граодвите Елазиг и Малатија во 20часот и 55 минути по локално време, по што имало и уште два помали потреси со магнитуди од 5,4 и 5,1.

Голем број на екипи за спасување се борат да ги извлечат преживеаните под урнатине во овие два града каде температурите ноќеска се симнаа до 8 степени под нулата. Во една од урнатите згради имало и силна експлозија за која се претпоставува дека е од плинот каде имало 8 жртви.

Но видеото која ја потресе цела Турција е спасувањето на едно четиричлено семејство заробено под урната зграда кое успеало да стапи во контакт преку мобилен со спасувачите, кои ги смируваат дека ќе ги извлечат само да не молчат туку да викаат за да ги лоцираат точно каде се.

Азизе со сопругот и двете деца по неколку часовната битка на екипите успешно се извлечени од под урнатините а по уште триесетина лица се трага. Претседателот на Турција, Реџеп Таип Ердоган, порача дека сите надлежни институции и служби ги преземаат сите потребни мерки по земјотресот кој синоќа го погоди источниот дел на Турција.

Ердоган во пораката на Твитер во која им оддаде почит на настраданите наведе дека сите турски ресорни институции работат да се заштитат животите на луѓето и да се намалат губитоците на минимум.

Во Турција не се новина силните земјотреси. Над 17.000 настрадаа и половина милион луѓе останаа без своите домови во силниот земјотрес кој беше со јачина од 7,6 степени по Рихтеровата скала во 1999 година со епицентар на 90 километри југоисточно од Истанбул.