Најмалку 18 жртви во тајфунот Фунг-вонг на Филипините - Канал 5

Свет

Најмалку 18 жртви во тајфунот Фунг-вонг на Филипините

Најмалку 18 лица загинаа во тајфунот Фунг-вонг кој го погоди северозападниот дел на Филипините, предизвикувајќи поплави, свлечишта и прекин на струјата, соопштија локалните власти.

Најмалку 18 жртви во тајфунот Фунг-вонг на Филипините

Откако ослабе во тропска бура над Јужното Кинеско Море, Фунг-вонг моментално се движи кон Тајван, каде што би можел да пристигне в четврток.

Бурата ги погоди северните Филипини само една недела по тајфунот Калмаеги, кој ги погоди централните провинции, усмртувајќи најмалку 232 лица, а подоцна и Виетнам, каде што загинале најмалку пет лица.

Фунг-вонг бил супер тајфун со максимални ветрови од 185 километри на час кога во неделата пристигнал до копното во провинцијата Аурора. Бурата ослабела додека ноќе минувала преку северните планински провинции и земјоделските рамнини пред да стигне до Јужното Кинеско Море, наведоа метеоролозите.

Повеќе од 1,4 милиони луѓе биле преселени во засолништа пред тајфунот да стигне до копното, додека околу 240.000 лица останале во евакуациски центри. Најмалку 132 северни села биле поплавени, а повеќе од 4.100 куќи биле оштетени, изјави Бернардо Рафаелито Алехандро од Канцеларијата за цивилна заштита.

- Иако тајфунот помина, неговите дождови сè уште претставуваат опасност во одредени области на северен Лузон, вклучувајќи ја и Манила, рече Алехандро.

Претседателот на Филипините, Фердинанд Маркос Помладиот, прогласи вонредна состојба поради последиците што ги предизвика тајфунот Калмаеги и очекуваната штета од Фунг-вонг, познат на Филипините и како Уван.

Училиштата и повеќето владини канцеларии од вчера се затворени, а бројни локални и меѓународни летови се откажани. Повеќе од 6.600 патници и работници останаа во пристаништата откако крајбрежната стража забрани пловидба поради бранови.

Филипините секоја година ги погодуваат околу 20 тајфуни и бури, а земјата покрај тоа е изложена на земјотреси и има повеќе од десет активни вулкани, што ја прави една од државите најподложни на природни катастрофи во светот, истакнуваат метеоролозите.

Тагови: тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер