Најголемата холивудска мистерија – Кој ја уби Натали Вуд? - Канал 5

Шоу биз

Најголемата холивудска мистерија – Кој ја уби Натали Вуд?

 На бродот била со двајца славни холивудски актери, а никој не видел како се удавила?

Најголемата холивудска мистерија – Кој ја уби Натали Вуд?

И по 43 години, мистеријата околу нејзината смрт привлекува внимание.

Актерката Натали Вуд имаше 43 години кога се удави под непознати околности во ноември 1981 година. Таа била на јахтата „Сплендoр“ со сопругот Роберт Вагнер, Кристофер Вокен и капетанот Денис Даверн.

Она што го прави овој случај толку мистериозен е фактот што има многу шпекулации и теории околу нејзината смрт, а како главен виновник се наведува нејзиниот сопруг Роберт Вагнер, со кого Натали имала жестока расправија пред нејзиното исчезнување.

Нивниот брак беше турбулентен и полн со љубомора од негова страна. Исто така, однесувањето на Вагнер таа ноќ може, најблаго кажано, да се нарече сомнително. Кога капетанот на јахтата, Денис Даверн, му кажал дека Натали ја нема и прашал дали треба да повика помош, Вагнер, пиејќи виски, наводно одговорил: Нема потреба, таа ќе се појави!

Не се реагирало на време

Помошта била повикана дури после час и половина.

И тогаш, веќе било премногу доцна. Телото на Натали Вуд е пронајдено во близина на брегот Каталина, а она што и ден-денес ги збунува сите е фактот дека актерката имала многу модринки и подливи по телото.

Клучното прашање е како Натали, која според Денис Даверн, таа вечер била прилично пијана, паднала во водата, односно дали некој ѝ „помогнал“.

За работите да бидат уште покомплицирани, Вагнер наводно бил убеден дека Натали го изневерува со Вокен, кој никогаш не изјавил ни збор за смртта на Натали Вуд.

Најсомнителната приказна досега

Колку приказната им била сомнителна на сите говори и фактот дека случајот бил повторно отворен во 2011 година, и тогаш повторно полицијата сакала да го сослуша Вагнер, бидејќи детективите кои го воделе случајот сметале дека фактите не се поклопуваат.

Меѓутоа, актерот одбил да разговара со полицијата и во 2018 г. бил прогласен за „лице од интерес“, но никогаш официјално не бил осомничен.

Во тој период, и патологот ја променил дефиницијата за причината за смртта во „давење и други околности“, наведува „Variety“.

Од друга страна, семејството на Натали Вуд не се сомнева и е убедено дека Вагнер е одговорен за нејзината смрт.

Слично смета и Денис Даверн, кој во 2014 година во книгата „Збогум Натали, збогум Сплендор“, индиректно го обвини Вагнер дека ја турнал Натали од бродот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Официјално претставен „Tesla Cybercab“, возење само за избраните

Илон Маск официјално претстави спортски двосед без волан во Тексас – „Tesla Cybercab“.

Официјално претставен „Tesla Cybercab“, возење само за избраните

„Cybercab“, кој беше претставен на голем број фанови и влијателни лица на роботски такси, беше додаден на постојните роботски такси на „Tesla“, кои досега се состоеја од теренски возила и „Model Y“, објавува Ројтерс.

Златниот „Cybercab“, со врати што се отвораат нагоре, ја симболизира стратегијата на Илон Маск, кој ја фокусираше иднината на целата компанија на софтвер за автономно возење и роботика.

Неговиот пристап ја зголеми вредноста на акциите на компанијата на 1,4 трилиони долари (1,20 трилиони евра), што е повеќе од вкупната вредност на неколку од водечките светски производители на автомобили.

Само неколку часа по презентацијата во Остин, Националната администрација за безбедност на сообраќајот на автопатиштата на САД (NHTSA) објави дека ќе започне ревизија на околу 1.000 вакви возила, така што не секој ќе може да се вози на почетокот.

Целта е да се утврди како „Tesla“ заклучила дека возилата се во согласност со федералните безбедносни прописи.

Извор: Б92

Тагови: Tesla

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседатeлката Гордана Сиљановска-Давкова во Вила Водно прими талентирани ученици добитници на медали и награди

Сиљановска-Давкова  во Вила Водно прими талентирани ученици со нивните ментори од основните и средните училишта.

Претседатeлката Гордана Сиљановска-Давкова во Вила Водно прими талентирани ученици добитници на медали и награди

По повод 8 Септември, Денот на независноста и одбележувањето на 35 годишнината од независноста, претседатeлката Гордана Сиљановска-Давкова во Вила Водно прими талентирани ученици со нивните ментори од основните и средните училишта кои во учебната 2025/2026 година учествуваа на меѓународни научни олимпијади и натпревари, а дел од нив се и добитници на медали, високи награди и признанија. На средбата присуствуваше и министерката за образование и наука, Весна Јаневска.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 8 жртва од западнонилска треска, 8 недели нема извештај за водата во Гостивар

Уште еден човечки живот е загубен од западнонилска треска. Бројот на починати се искачи на осум.

СДСМ: 8 жртва од западнонилска треска, 8 недели нема извештај за водата во Гостивар

Осум жртви од западнонилска треска и осум недели без извештај за водата во Гостивар.

Две здравствени кризи, ист модел на однесување на власта на Мицкоски и Клековски: задоцнета реакција, институционален хаос, молк и никаква одговорност.

СДСМ со недели предупредуваше дека власта задоцни со превенцијата од западнонилската треска. Задоцни со прскањето против комарци, задоцни со системските мерки и со навремената заштита на граѓаните.

Бројот на заболени и починати расте, а одговорност нема.

Истото се случи и со здравствената криза во Гостивар.

Околу 5.000 граѓани побараа медицинска помош, а осум недели подоцна јавноста сè уште го нема целосниот извештај за водата.

Што кријат Мицкоски и Клековски осум недели?

Цената на нефункционалниот систем ја плаќаат граѓаните – со своето здравје, а за жал и со своите животи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер