Најголемата Божикна елка светна во мало италијанско гратче (ВИДЕО)

Речиси три децении Губио, мало средновековно гратче во италијанскиот регион Умбрија, го држи Гинисовиот рекорд за најголема Божикна елка на светот.

Божиќната елка е висока 750 метри на планината Ингино за прв пат беше осветлено во 1981 година и секоја година од тогаш светлата се палат на 7-ми декември и се гасат на 6-ти јануари. Создадена е во чест на локалниот покровител Свети Убалдо, атракција што беше признаена во 1991 година од Гинисовата книга на рекорди како најголема новогодишна елка во светот, рекорд што никој не може да го собори.

📸PHOTO OF THE DAY 📸 Ph: @bellual 📌 Gubbio . 🔎 Gubbio è una cittadina medievale dell'Umbria. La sua funivia Colle Eletto sale sul Monte Ingino, dove è situata la basilica a 5 navate di Sant'Ubaldo e da dove si gode di panorami degli Appennini. In centro, il Duomo vanta dipinti del XVI secolo e una cappella barocca. All'interno del palazzo gotico dei Consoli, con la sua sommità merlata, è allestito il Museo Civico, tra i cui reperti spiccano le Tavole Eugubine, 7 lastre di bronzo con antiche iscrizioni. Gubbio è anche famosa perché ogni anno accende il secondo albero di natale più grande del mondo, superato quest'anno dall'albero di natale sull'acqua del Lago Trasimeno, sempre in Umbria. 🎄 . #umbria #gubbio #art #architecture #sunset #sun #sky #skyline #picoftheday #borghipiubelli #nature #like4like #likeforfollow #likeforlike #instagood #instadaily #cute #borghitalia #borghipiubelliditalia #borghi_italiani #borghisuperscatti #life #amazing #christmastree #christmas

A post shared by I borghi più belli d'Italia 🇮🇹 (@love_borghi_italiani) on

Група локални доброволци наречени Албераоли се задолжени каблите и илјадниците светла да работат правилно. Годинава, тие мораа да проверат повеќе од 8,5 километри кабли и повеќе од 3000 светла – само ѕвездата на врвот на дрвото има 1350 светилки, пренесува Oddity Central.

Од 2010 година, електричната енергија за светилките за елката се произведува од соларни панели.

Пронајдено лице пријавено за изгубено во Парк - шумата Водно

Регионалниот Центар за управување со кризи - Скопје информира дека на бројот 112, вчера во 15:23 часот била добиена пријава за изгубено лице во Парк - шумата Водно.

Веднаш биле известени надлежните за нивна понатамошна постапка, по што лицето било пронајдено за околу еден час.

- Од полициската станица - Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.

Уставниот суд ќе ја одржи 15. седница

Уставниот суд  денеска ќе ја одржи 15. седница, на чиј дневен ред се седум иницијативи за оценување на уставност и законитост и четири предлози за одлучување со нацрт-одлуки.

Меѓу нив и предметот во кој е оспорен член од Законот за Академија за судии и јавни обвинители кој се однесува на бодирањето од усниот дел од испитот при прием на нови слушатели.

Подносители на иницијативата се Александар Огненовски, адвокат од Скопје и Академијата за судии и јавни обвинители „Павел Шатев“- Скопје

Според наводите во двете пооделно поднесени иницијативи со извршената измена во членот 45 став 13, и тоа во делот на измена на бројот „30“ со бројот „35“ се врши измена на бодовите кои се однесуваат на усниот дел од практичниот испит, кој е дел од целокупниот приемен испит за почетна обука на слушатели во Академијата за судии и јавни обвинители, информираат од Уставниот суд.

Подносителите на иницијативите сметаат дека законодавецот во ист член од еден закон овозможува збирот од писмениот и усниот дел од практичниот испит предвиден во ставовите 9 и 13 од член 45 од оспорениот закон, да изнесува вкупно 105 бода, што се во спротивност со вкупниот број на бодови кој го предвидел во практичниот дел од приемниот испит во ставот 14, а кој вкупно изнесува 100 бода и на овој начин практично е оневозможена примената на овој дел од Законот во делот на бодувањето на усниот дел од приемниот испит. Со ваквата измена на оспорениот член, подносителите на иницијативите сметаат дека законодавецот создал правна несигурност кај учесниците/кандидатите за прием на почетна обука во Академијата, при добивањето на крајната оцена од приемниот испит која се добива преку пресметување на аритметичкиот збир од бодовите кои ќе се добијат од двата дела на приемниот испит.

На дневниот ред се иницијативата со која е оспорен член 88 став 8 и 9 од Законот за дивечот и ловството, поднесена од Игорчо Точев. Во иницијативата се наведува дека членувањето на службените лица во Прекршочната комисија не може да се смета за нивен дополнителен ангажман туку претставува нивна работна обврска за чиешто извршување добиваат надомест во вид на плата за извршена работа, а не дополнителен надоместок во вид на награда што е спротивно на начелото на владеење на правото.

На денешната седница се и предметите оформени по иницијатива од Уставниот суд, а се однесуваат за член 15 алинеја 3 од Деловникот на Советот на Општина Делчево („Службен гласник на Општина Делчево“ бр.16 од 23.11.2006 г.), за член 26 алинеја 5 и Глава VIII точка 9 „Автентично толкување на општ акт“ членовите 107, 108, 109 и 110 од Деловникот на Советот на Општина Дебар бр.07-312/3 од 8.08.2005 година („Службен гласник на општина Дебар” бр. 4 од 11.08.2005), за член 15 алинеја 3 од Деловникот на Советот на Oпштина Карпош бр.07-1299/2 од 13.03.2006 година („Службен гласник на Oпштина Карпош“ бр.3/2006), за член 15 алинеја 3 од Деловникот за работата на Советот на Општина Чашка бр. 08-913/5 од 30.06.2022 година и иницијативата за член 15 алинеја 3 од Деловникот на Советот на Општината Центар Жупа бр. 07-315/4 од 28.06.2007 година („Службен гласник на Општина Центар Жупа” бр. 03/2007).

ЦУК: Три пожари на отворено, апел за внимателност поради наглите метеоролошки нестабилности

 Три пожари на отворен простор се евидентирани изминатото деноноќие, информираат утрово од Центарот за управување со кризи (ЦУК).

- Регионалниот ЦУК Битола информира дека пожарникарите од ТППЕ Крушево од 15.45 до 19.30 часот, со едно ПП возило и три пожарникари и еден вработен и едно теренско возило од ЈП „Национални шуми“ подружница „Липа“ од Крушево, интервенирале на запалена ниска вегетација на површина од еден хектар кај месноста „Белушки ливади“. Регионалниот ЦУК Штип ја пренесува информацијата од ТППЕ Берово, дека од 12.40 до 13.15 часот, со еден пожарникар и едно ПП возило интервенирале на запалена ниска вегетација во реонот на селото Будинарци, на месноста „Ленишка Река“. Регионалниот ЦУК Тетово известува дека пожарникарите од ТППЕ Гостивар со едно ПП возило и два пожарникара, интервенирале на запалено ѓубриште кај пунктот за патарината на автопатот Гостивар-Тетово, појаснуваат од ЦУК.

Според Управата за хидрометеоролошки работи следува период на променливо облачно време со повремени локални врнежи од дожд.

- Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за два до четири степени. ЦУК апелира на внимателност, граѓаните да ја имаат предвид временската прогноза при престој во природа и да се засолнат при периодите на наглите метеоролошки нестабилности во наредните неколку денови, а по локалните пообилни врнежи на терен, да внимаваат на пороите, да не се движат блиску до корита на реки, покрај суводолици, во длабоки и стрмни долови, наведуваат од ЦУК.

Оттаму нагласуваат дека треба да бидат исчистени каналите од отпадоци, бидејќи насобраниот отпад при поројна вода, често создава брани и се запушуваат каналите, а тоа доведува до излевање на водата од коритата и поплавување на околината.

Вкупно 1.513 повици се евидентирани на единствениот повикувачки број за итни случаи 112 во ЦУК, изминатото деноноќие.

- „Реални“ повици биле 63,52 отсто, а 36,48 проценти биле за други потреби на граѓаните што не биле итни. Кон полицијата биле упатени 64,66 отсто, кон итната медицинска помош - 29,72 проценти, а кон пожарникарите - 3,21 отсто од реалните повици кон 112 во ЦУК, се наведува во соопштението.

притисни ентер