Најголем број од Ирците сакаат да работат од дома и по пандемијата

Повеќе од 80 проценти од вработените во Ирска сакаат да продолжат да работат од дома барем дел од неделата откако животот ќе се врати во нормала по пандемија на коронавирус, покажало истражувањето објавено денеска.

Како и многу работници во Европа, Ирците беа принудени да работат од дома во март кога беше прогласена пандемија на коронавирус и земјата се затвори.

Препораката на владата и натаму е да продолжат да работат од дома каде што е можно, бидејќи земјата се подготвува да ги укине и последните ограничувања.

24 проценти од нив сакаат да продолжат да работат од дома два до три дена неделно откако животот ќе се врати во нормала, според истражувањето на AIB/Amarach на 1.000 возрасни испитаници во текот на изминатите четири недели.

Оние што сакаат да работат еден до два дена од дома, а остатокот од неделата во канцеларија е 20 проценти. Исто така, 20 проценти од нив сакаат да продолжат да работат три до четири дена од дома, а 14 проценти од испитаниците рекле дека би отишле во канцеларија во текот на неделата само во случај на потреба.

Останатите 15 проценти претпочитаат да се вратат во канцеларија. Новата ирска влада вети дека ќе преземе мерки за трајно зголемување на бројот на оние мкои работат од дома, вклучително и даночни олеснувања за нив.

Притоа, се обидуваат да промовираат подобар баланс помеѓу работата и животот, поголемо учество на жените, поголем регионален баланс и да одговори на климатските промени со намалување на патувањата до работните места.

ВМРО-ДПМНЕ: Македонија е пред банкрот, граѓаните се на питачки стап, а Заеви трпаат милиони

Зоран Заев и СДСМ преку поскапената струја, која ќе ја плаќаат граѓаните, собираат свежи пари кои подоцна преку тендери треба да ги земат фирми блиски до власта и Заеви.

Додека граѓаните плаќаат поскапи сметки за струја, фирмите на Заеви нижат профити.

Доколку во изминатиов период СДСМ се поставеше домаќински и наместо буџетите на РЕК Битола и ЕЛЕМ да ги гледа како средство за богатење на поединци и се насочеше кон инвестиции и штедење немаше овие компании да имаат намалена добивка.

Наместо да вработуваше партиски војници и да врши директен поткуп пред избори, СДСМ преку ЕЛЕМ можеше да влијае на цената на струјата, која секаде во регионот и Европа во период на пандемија се намалува, само кај нас се покачува.

СДСМ не се грижи за граѓаните, се додека се работи за интересот на поединци блиски до Заеви.

Македонија е колатерална штета на желбата за богатење на Заеви и луѓето околу нив и тоа на сметка на трудот и маката на 2 милиони луѓе.

Со почит,

Центар за комуникации на ВМРО-ДПМНЕ

Кардиоваскуларните болести и ракот најчести причини за смрт во Европа и кај нас

 Болестите на циркулаторниот систем и ракот заедно се причина за повеќе од половина од смртните случаи во ЕУ и се движи од 52 проценти во Франција до 82 отсто во Бугарија. 

По овие две болести, трета најчеста причина за смрт во најголем број земји од ЕУ се болестите на респираторниот систем, покажуваат податоците на Евростат.

Највисока смртност од циркулаторни болести има Бугарија – 66 отсто, а најниска во Данска – 23 проценти. Кај нас болестите на циркулаторниот систем се причина за смрт кај 51,8 проценти од случаите.

Според податоците на Државниот завод за статистика во 2019 година најзастапени причини за смрт во нашата земја се болестите на циркулаторниот систем – 51.8 процент, неоплазмите со 18.6 проценти, симптомите, знаците и ненормалните клинички наоди, некласифицирани на друго место со 10.7 проценти, ендокрините, нутритивните и метаболичките болести со 4.6 проценти итн.

Болестите на циркулаторниот систем биле главна причина за смртност во сите земји од ЕУ, освен во Данска, Ирска, Франција и Холандија, каде бил ракот, покажуваат податоците на Евростат за 2017 година.

За правилна споредба меѓу земјите, Евростат врши анализа на бројот на смртни случаи на 100 000 жители.

Највисока стапка на смртност во ЕУ во 2017 година има Бугарија со 1 631 смртен случај на 100 000 жители. По неа следи Романија со 1 488, па Летонија 1 485, Унгарија 1 470 и Литванија 1 418 смртни случаи на 100 000 жители.

Најмала стапка на смртност во ЕУ има Франција со 838 смртни случаи на 100 000 жители, според податоците од 2016 година, по што следи Шпанија со 844, Италија – 875 и Луксембург – 911 и Шведска – 916.

Континуиран интерес за купување станови, очекувања за намалување на цената нема

Интересот за купување станови кај граѓаните е континуиран. Пад на продажбата на становите не е забележан ниту за време на коронакризата, а цената на становите е диктирана од квалитетот на градбата и таа не се очекува да се намали.

Податоците на Народната банка покажуваат дека во јуни се одобрени станбени кредити на физички лица во износ од 54.382 милиони денари при што е забележан раст од 1,4 отсто во однос на мај годинава и 13,8 отсто во однос на јуни минатата година.

Од март, кога почна корона кризата, издадени се над 50 милијарди денари станбени кредити на граѓаните. Во март 52.949 милиони денари, во април 53.172 милини, мај 53.621 милион денари.

Податоците покажуваат дека и во мај има зголемување на издадените кредити за 13,4 отсто на годишно ниво.

-Континуиран е интересот на граѓаните за станови од сериозните градежни компании кои ги следат најновите трендови во секторот и максимално градат според сите стандарди во создавањето на портфолио на квалитетни градби кои ќе ги користат следните генерации, изјави за МИА претседателот на Градежната комора на Македонија Ивица Јаќимовски.

Тој истакна дека коронакризата секако има влијание и врз секторот градежништво во повеќе аспекти, но согласно нивните анализи во Градежната комора, не е регистриран пад на продажбата на новоизградени станови во првите неколку месеци од годинава.

-Работите во градежништвото се одвиваат плански, а цената на становите ја диктира квалитетот и локацијата. Трошоците во градежништвото за нови објекти за индивидуално домување се зголемуваат и не е возможно да се очекува намалување на цената на становите, потенцира Јаќимовски.

Појаснува дека основата за формирање на цената е делот на вградените материјали кои се користат, како и делот на работната сила. -Поточно, вели, она што може да очекуваме во следен период е дека нема да може да се понуди квалитетна градба по пониски цени, бидејќи растот на трошоците го диктира и растот на цената на квалитетните станови.

Податоцита на Државниот завод за статистика објавени во јуни годинава покажуваат дека деловните субјекти што се занимаваат со градежна дејност, во 2019 година, потрошиле градежни материјали и енергија во вредност од 9.626.157 илјади денари, што е за пет отсто повеќе во однос на претходната година.

Во вкупната вредност на потрошените градежни материјали и енергија најголемо учество има групата Материјали за врзување со 3.628.819 илјади денари 37,7 отсто, потоа следат групите потрошено гориво со 1.225.327 илјади денари или 12,7 отсто, изолациски материјали и премази со 1.167.994 илјади денари или 12,1 отсто…

Просечната плата, според статистичките податоци, бележи раст од 9,1 отсто во првите пет месеци од годинава, а во мај просечната плата во градежниот сектор која изнесувала 25.062 денари забележала раст од 7,1 отсто.

Податоците покажуваат дека просечната цена на метар квадратен во 2019 година изнесува 44.994 денари, што е за 4,3 отсто повеќе во однос на 2018 година.

Во Скопје, просечната цена на 1м2 изнесуваше 48.204 денари што е за 3,1 отсто повеќе во споредба со 2018 година, додека во останатите населени места во државата таа изнесуваше 35.255 денари, што е за 6,3 отсто повеќе во споредба со 2018.Наведените просечни цени на 1м2 станбена површина се без данок на додадена вредност.

Просечната цена во вторто полугодие од 2019 година забележала намалување од 4,3 отсто во однос на првото полугоди, а во Скопје намалувањето изнесува 2,8 отсто.

Од градежниот сектор порачуваат дека во следниот период важно е да се стави фокусот на развојот на градежништвото.

За Јаќимовски без градежништвото не може да се очекува развој на севкупната економија погодена од пандемијата.

-Градежните компании сега ги извршуваат проектите кои веќе ги стартуваа, но треба да се поттикнат да размислуваат да започнат нови. Во таа конотација институциите задолжени за одобренија за градби и за други потребни документи треба да се приспособат на новата реалност и да работат со полн капацитет, без застој, а купувачите да имаат сигурност во системот на државата, во банките, работните места, бидејќи само со креирање таков амбиент можеме да имаме стабилност, предвидливост и работа согласно прецизни планови, изјави Јаќимовски./МИА

притисни ентер