Автомобилизам

Најатрактивната Алфа се простува од американските љубители (ВИДЕО)

ALFA Romeo 4C Spider е дефинитивно еден од најдобрите и најубавите од ваков вид, а сега му се ближи крајот.

Алфа Ромео го обележа збогувањето од Америка со уникатна серија. Нејзиното име е Stradale Tributo Edition, а тиражот е во точно 33 примероци.

Она што е важно, веќе го сугерира самото име. Инспирација е 33-от Stradale од 1967 година, еден од првите супер спортски автомобили во светот, но и еден од најпознатите специјални автомобили на оваа позната марка. Бојата на Rosso Villa d’Este е надворешен знак за разликување, проследен со сиво-златни бандажи, со дијаметар од 18 инчи напред и 19 инчи одзади.

Внатрешноста е исто така посебна, со композитни седишта тапацирани со специјална кожа, исто како и повеќето од површините во кабината. Секој клиент ќе добие и книга посветена од Centro Style на моделот 4C.

Што се однесува до механиката, Алфа одлучи списокот со опции да го претвори во стандардна опрема, што значи дека нема потреба да се плаќа дополнително за ауспухот, би-ксенонските фарови, задното крило, па дури и куќиштата на ретровизорите со италијанското знаме.

Под капакот, сè останува исто. 1.75 турбополначот сепак испорачува 240 КС кои ги испраќа на задните тркала преку шестстепен менувач со двојна спојка. Стигнува до 100 км на час за нешто повеќе од 4 секунди, додека крајната брзина е 257 км на час.

Цената е позната и Американците ќе може да го набави овој автомобил за 79.995 долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски се сретна со бугарската шефица на дипломатијата, Петрова-Чамова, коридорот VIII во фокусот

Министерот за надворешни работи и надворешна трговија, Тимчо Муцунски, оствари билатерална средба со министерката за надворешни работи на Република Бугарија, Велислава Петрова-Чамова.

На маргините на Меѓународната конференција за Коридорот VIII, што денеска се одржа во Софија, министерот за надворешни работи и надворешна трговија, Тимчо Муцунски, оствари билатерална средба со министерката за надворешни работи на Република Бугарија, Велислава Петрова-Чамова.

Министерот Муцунски ја оцени средбата како конструктивна и одржана во позитивен дух, притоа нагласувајќи дека позициите на двете страни и натаму остануваат значително оддалечени.

Во однос на европската интеграција, Муцунски посочи дека меѓу двете страни постои висок степен на недоверба, која, од наша перспектива, е поврзана со предвидливоста на процесот и со досегашното искуство со билатералните барања.

„Нашите позиции се апсолутно јасни. Стратешки интерес и на Бугарија е ние да се движиме напред по европскиот пат. Но, ние сме земја која низ годините постојано се соочувала со билатерални барања. Кога ќе се затворело едно билатерално прашање, потоа се отворало ново“, истакна Муцунски.

На средбата беше разговарано и за продолжување на дијалогот меѓу двете држави во периодот што следи, при што беше потврдена подготвеноста комуникацијата да продолжи и покрај постојните разлики во позициите.

Министерот нагласи дека прашањата поврзани со идентитетот, историјата и културата не смеат да претставуваат пречка на европскиот пат. Тој истакна дека без дијалог не може да се дојде до решение, но и дека самиот дијалог не е гаранција за надминување на разликите, соопштуваат од МНРиНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пукотница пред Градско собрание во Германија- полицијата го неутрализира напаѓачот

Градското собрание во германскиот град Тутлинген е опколено, а пошироката област околу зградата е блокирана.

Полицијата распореди сили околу градското собрание, а денеска околу пладне потврди дека имало „употреба на огнено оружје“. Според весникот „Билд“, полицајците пукале во лице кое претходно наводно го извадило своето оружје.

Криминалната полиција на Германија од Баден-Виртемберг ја презеде истрагата. Портпаролката Александра Вишер изјави за „Билд“ дека засега можат само да потврдат дека полицијата употребила огнено оружје и дека едно лице е погодено. Полицијата сè уште не објавила дали повредениот им подлегнал на повредите. Вишер најави дека повеќе информации ќе бидат познати во текот на денот.

Сè уште не е официјално потврдено што точно се случило пред градското собрание на улицата Хелферајшер. Весникот „Швабише“, повикувајќи се на сведоци, наведува дека лице со оружје претходно било пред зградата или во самата зграда.

Тешко вооружени полицајци во заштитна опрема потоа пристигнале на местото на настанот. Сведоци на пукотницата му кажале на порталот дека слушнале вкупно пет истрели. Полицијата ги предупредила граѓаните преку WhatsApp да ја избегнуваат областа.

Тагови: Германија пукотница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Розов октомври - симболичен појадок за хоспитализираните пациенти

Во рамки на Розовиот октомври здружението „Хема-Онко“ утрово организираше симболичен појадок за хоспитализираните пациенти на Клиниката за радиотерапија и онкологија.

Според нивната статистика во текот на минатата година биле регистрирани околу 1.000 новодијагностицирани пациенти само со рак на дојка, додека на онкологија во моментов се лекуваат околу 7.000 пациенти на активен третман..

Од здружението изразија задоволство што што годинава функционира и тумор-бордот, односно тим кој одлучува за најсоодветното лекување за секоја пациентка поединечно, но, порачаа дека проблемите со кои се соочуваат пациентите со канцер на дојка се комплексни и дека се потребни системски решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.