Нафтениот гигант „ЕксонМобил“ ја тужи ЕУ поради оданочувањето на екстрапрофитот - Канал 5

Живот

Нафтениот гигант „ЕксонМобил“ ја тужи ЕУ поради оданочувањето на екстрапрофитот

 Американската мултинационална компанија за нафта и гас „ЕксонМобил“ поднесе тужба против ЕУ поради воведеното оданочување на екстрапрофитот.

Нафтениот гигант „ЕксонМобил“ ја тужи ЕУ поради оданочувањето на екстрапрофитот

Енергетските компании заработуваат многу повеќе пари од продажбата на нафта и гас, благодарение на порастот на цените поттикнати од закрепнувањето на економијата по епидемијата на коронавирусот и загриженоста за снабдувањето откако Западот воведе санкции кон Русија поради војната во Украина.

Европските влади се обидуваат да ги заштитат компаниите и граѓаните од високите трошоци за енергија, а во исто време бараат нови извори на приходи за финансирање на мерките за помош.

Во таков амбиент, претседателката на Европската комисија, Урсула фон дер Лајен, се септември објави план што предвидува „кризен придонес“ од големите производители и добавувачи на нафта, гас и јаглен во форма на даноци за овогодинешниот екстра профит. Брисел предложи да се плати данок од 33 отсто на овогодинешната добивка, доколку таа е за повеќе од 20 проценти поголема од просекот остварен претходните три години.

Американскиот енергетски гигант тврди дека ЕК ги надминала своите законски овластувања, нарекувајќи ја мерката „контрапродуктивна“.

Данокот ги обесхрабрува инвестициите и ја поткопува довербата на инвеститорите, се вели во тужбата поднесена од „ЕксонМобил“ против ЕУ пред Општиот суд во Луксембург, јави „Би-Би-Си“.

На состанокот со инвеститорите на почетокот на месецов, главниот финансиски директор процени дека данокот на ЕУ ќе ја чини групацијата „повеќе од две милијарди долари“.

Во октомври компанијата објави квартален профит од речиси 20 милијарди долари.

Европската комисија соопшти дека „го зема предвид“ правното барање на „Ексон“ и додаде дека „Општиот суд треба да одлучи за случајот“, објави „Фајненшл тајмс“.

Министрите на ЕУ проценуваат дека данокот на дополнителна добивка може да им донесе 140 милијарди евра приход, наведува „Би-Би-Си“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

По двете страшни железнички несреќи, Шпанија поведе истрага поради сомневања за проневери на милиони

Европскиот јавен обвинител изврши рација во канцелариите на шпанскиот менаџер за железничка инфраструктура „Адиф“, Агенцијата за безбедност на железницата и Судот на ревизори.

По двете страшни железнички несреќи, Шпанија поведе истрага поради сомневања за проневери на милиони

Европскиот јавен обвинител изврши рација во канцелариите на шпанскиот менаџер за железничка инфраструктура „Адиф“, Агенцијата за безбедност на железницата и Судот на ревизори, како дел од истрагата за можна измама со средства од ЕУ наменети за подобрување на безбедноста на железницата Мадрид-Севиља.

Истрагата се однесува на финансирањето на реновирањето и подобрувањето на безбедносните, сигналните и комуникациските системи на линијата, која беше место на две фатални железнички несреќи оваа година.

„Адиф“ потврди дека претставници на обвинителството го посетиле неговото седиште и изјавиле дека ги доставиле сите барани информации, додека Агенцијата за безбедност на железницата и Судот на ревизори на Шпанија не одговориле на барањата за коментар.

Во несреќата на линијата Мадрид-Севиља во јануари загинаа 46 лица, додека во судирот во октомври загинаа 69 лица.

Европскиот јавен обвинител започна посебна истрага во март по првата несреќа.

Тагови: железничка несреќа Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Неверојатна глетка во Кина: Удари на силен ветер создадоа замрзнати бранови на езерото Хулун (ВИДЕО)

Со постепеното опаѓање на температурата, езерото Хулун во Внатрешна Монголија, во северна Кина, полека влегува во фаза на замрзнување.

Неверојатна глетка во Кина: Удари на силен ветер создадоа замрзнати бранови на езерото Хулун (ВИДЕО)

Меѓутоа, наместо мирна, рамна површина, се појавува прекрасна сцена.

Силни налети на ветер се движат и натрупуваат слоеви мраз, кои се преклопуваат еден со друг и формираат необични „ледени бранови“.

Тие се протегаат во неправилни редови на огромна површина, создавајќи впечаток дека замрзнатата вода се претворила во брановидно море, објавува „la Repubblica“.

Спектакуларните снимки го покажуваат овој необичен феномен, карактеристичен за северните езера на почетокот на зимата, додека ледените плочи се судираат, се движат и се натрупуваат под влијание на ветерот.

Ваквите форми се формираат додека мразот е сè уште тенок и кршлив - ветерот ги поместува скршените плочи, туркајќи ги еден врз друг и натрупувајќи ги, а ниските температури потоа повторно ги поврзуваат во нерамна ледена површина.

Хулун е петтото најголемо езеро во Кина и најголемото во Внатрешна Монголија. Долго е околу 93 километри, а во текот на зимата е претежно покриено со мраз - од ноември до март.

Тагови: бранови езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Почна судењето на Гркинката која уби три бебиња- донесена е во судот под силно обезбедување (ВИДЕО)

Судењето на Ирина Мурцук, која се соочува со многу сериозни обвиненија за смртта на три бебиња, како и за обид за убиство, започна пред судот во Патра со силно полициско присуство.

Почна судењето на Гркинката која уби три бебиња- донесена е во судот под силно обезбедување (ВИДЕО)

Од раните утрински часови, силни полициски сили се распоредени и во и околу судот во Патра. Преземени се зголемени безбедносни мерки за да се обезбеди непречено одвивање на судските постапки и да се спречат какви било инциденти.

Присуството на полицијата е особено изразено бидејќи за време на претходните транспорти на 26-годишната до судот во Патра, собраните граѓани гласно протестираа, и при нејзиното пристигнување и при заминување, пишува Прототема.

Пред судот, граѓаните дури и истакнаа транспарент посветен на бебињата кои, како што изјавија, неправедно ги загубија своите животи.

Обвинетата е во притворската единица во Патра од четврток, 5 ноември, откако беше префрлена од затворот Елеонас во Тива, каде што беше притворена.

Обвинение

Според обвинението, 26-годишната жена е обвинета за повеќекратни обвиненија за убиство со умисла извршено додека била во состојба на мир, како и за обид за убиство.

Првиот случај се однесува на инцидент за кој се сомнева дека се случил на Божиќ 2020 година, кога, според обвиненијата, таа се обидела да го одземе животот на својот тогашен партнер.

Потоа, во обвинението се наведува смртта на шестмесечно бебе на 4 февруари 2021 година, кое било дете на нејзина пријателка.

Две обвиненија поврзани со нејзините деца се особено сериозни. Имено, на 19 јуни 2022 година починала нејзината прва ќерка, на возраст од само 19 дена, додека на 17 октомври 2023 година починала и нејзината втора ќерка, на возраст од два месеци.

Се изјасни за виновна

Според судските записи, Ирина Мурцук се изјасни за виновна во врска со овие случаи, додека судот треба да ги разгледа извештаите од вештачења, форензичките наоди и изјавите на сведоците, според Newsbeast.

Во исто време, кривичната истрага за смртта на малиот Панајотис во Амалијада е сè уште во полн ек како посебен судски случај и не е вклучена во денешното судење.

Силни полициски сили беа распоредени за да ја придружуваат обвинетата до и од судницата, како во судницата, така и во околните улици.

Тагови: бебиња судењето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер