Надал: Штета што Ѓоковиќ нема да настапи на УС Опен, но никој не е поважен од овој спорт - Канал 5

Тенис

Надал: Штета што Ѓоковиќ нема да настапи на УС Опен, но никој не е поважен од овој спорт

Новак Ѓоковиќ нема да игра на последниот Грен слем сезонава кој започнува во понеделник во Њујорк.

Надал: Штета што Ѓоковиќ нема да настапи на УС Опен, но никој не е поважен од овој спорт

Откако го пропушти Австралија опен поради одлуката да не се вакцинира, српскиот тенисер од истата причина не може да игра во Њујорк. Рафаел Надал пред почетокот на турнирот ја коментираше ситуацијата околу Ѓоковиќ.

„Лично ми е жал што не е на УС Опен. Секогаш е голема загуба за кој било турнир кога го нема еден од најдобрите играчи во историјата. Тоа е загуба за турнирот и за навивачите и за нас играчите, затоа што секогаш сакаш да играш против најдобрите“, рече Надал и продолжи:

„Од друга страна, секој спорт е поголем од спортистот. Исто така, поради повреди пропуштив многу турнири во кариерата. Лани не бев во Њујорк, не бев ниту пред три години, но турнирот се одржа без мене.

Рафаел Надал доаѓа во Њујорк со 22 Грен слем титули, а со евентуална победа би му побегнал на Ѓоковиќ за два Грен слема. Србинот има 21 титула, а Роџер Федерер, кој исто така нема да игра во Њујорк, има една помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија гласаше против укинувањето на ембаргото врз Куба

Македонија гласаше против укинување на американското ембарго врз Куба во Генералното собрание на Обединетите нации, кое беше воведено во 1960 година по револуцијата предводена од Фидел Кастро.

Македонија гласаше против укинувањето на ембаргото врз Куба

Резолуцијата беше усвоена, бидејќи за неа гласаа 130 земји, 17 беа против, а 25 држави беа воздржани. Поддршката за резолуцијата е намалена во споредба со минатата година кога за неа гласаа 165 земји. Вашингтон ги повика земјите-членки да не ја поддржат резолуцијата, додка кубанскиот министер Бруно Родригез ги обвини САД дека водат економска војна против Куба.

Американскиот амбасадор во ОН - Мајк Валц оцени дека гласањето се користи за политичка пропаганда. Резолуцијата во ОН не е правно обврзувачка, но таа ја одразува позицијата на меѓународната заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шефот на словачката дипломатија Јурај Бланар во посета на Скопје

Министерот за надворешни работи и надворешна трговија, Тимчо Муцунски, ќе биде домаќин на министерот за надворешни и европски работи на Словачката Република, Јурај Бланар, кој  престојува во официјална посета на земјава.

Шефот на словачката дипломатија Јурај Бланар во посета на Скопје

Како што соопшти ресорното министертво, предвидена е тет-а-тет средба на министрите муцунски и бланар, по што ќе следи средба на двете делегации.

Според агендата, потоа е предвидена и заедничка прес-конференција на министрите муцунски и бланар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Канал 5 дознава: Нова акција на одделот за организиран криминал при БЈБ, на удар приватна болница и вработени во Фондот за здравство и Ден Дончев

Според неофицијални информации, утрово припадници од Одделот за организиран криминал при Бирото за јавна безбедност – МВР повторно се во акција. Во тек се претреси на повеќе од 10 локации во Скопје, Тетово и Куманово.

Канал 5 дознава: Нова акција на одделот за организиран криминал при БЈБ, на удар приватна болница и вработени во Фондот за здравство и Ден Дончев

Под истрага, според првичните информации, се одговорни лица од приватна болница и вработени во Фондот за здравствено осигурување, осомничени за повеќе кривични дела, меѓу кои злоупотреба на службената положба и овластување, несовесно работење во службата, измама и перење пари.

Според неофицијалните информации, штетата врз буџетот надминува 1,5 милиони евра, додека противправно стекнатата материјална корист за болницата се проценува на околу 4 милиони евра. Оштетени се и поголем број пациенти кои се лекувале во болницата.

Се очекуваат повеќе детали во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер