Тенис

Надал по 9 години ќе игра во Базел

Шпанскиот тенисер Рафаел Надал од 19 до 27 октомври годинава ќе учествува на турнирот во Базел Швајцарија .

Интересно некогаш најдобриот светски тенисер во изминатите осум години ниту еднаш не играше на турнирот во родното место на неговиот голем ривал и пријател Роџер Федерер Базел.

Последниот настап на турнирот во Базел , Надал го имаше во 2004 година кога уште во 1 коло загуби од германецот Рајнер Шутлер.
Покрај Надал своето учество на турнирот во Швајцарија уште од сега го потврди и миленикот на публиката , легендарниот жител и Базел Федерер, но и бранителот на титулата Хуан Мартин дел Потро.

Над во февруари годинава по седум месечна пауза поради повредата на коленото се врати на тенискиот терен и играше во шест последователни финалиња, на кои освои четири титули. Последниот трофеј го освои на домашен терен во Барселона.

Живот

Бројот на Австријци кои живеат во сиромаштија се зголеми за повеќе од 50 проценти

Бројот на Австријците во апсолутна сиромаштија е зголемен за повеќе од 50 отсто, од 201.000 во 2022 година на 336.000 минатата година, соопшти Заводот за статистика на земјата.

Според бројките презентирани од Статистика Австрија, погодените луѓе не можеле да си дозволат многу секојдневни работи како кирија, греење или храна.

Децата и младите се релативно почесто погодени од сиромаштија отколку возрасните.

Во опасност од сиромаштија се 41 отсто од самохраните родители и 31 отсто од семејствата со најмалку три деца.

Според податоците, процентот на жители во ризик од сиромаштија би изнесувал дури 42 отсто без државна социјална помош.

Свет

Универзитетот Колумбија го одложи рокот што им го даде на демонстрантите против војната во Газа

Американскиот универзитет Колумбија го одложи рокот, кој истекува на полноќ, што им го даде на пропалестинските студенти да го расчистат кампусот, каде што протестираат против војната во Газа.

- Преговорите напредуваа и продолжуваат според планираното, соопшти кабинетот на претседателот на Универзитетот во Њујорк Минуш Шафик, негирајќи дека била побарана полициска интервенција.

- Не нарекуваат терористи, нè нарекуваат насилници. Но единствената алатка што ја имаме е нашиот глас, рече еден од студентите на собирот.

Пропалестинските студентски демонстрации во САД, кои се проширија на неколку универзитети, почнаа на Универзитетот Колумбија во Њујорк.

Некои од најпрестижните универзитети во светот, како Харвард, Јеил и Принстон, се приклучија на студентското движење и демонстрации.

Свет

Блинкен за неколку дена во Израел, седми пат од почетокот на војната

Американскиот државен секретар Ентони Блинкен во вторник ќе го посети Израел, седми пат по терористичкиот напад на Хамас на 7 октомври врз јужен Израел и војната што следеше како одговор на Израел во Појасот Газа.

Јавниот сервис Кан денеска јави дека Блинкен ќе дојде во Израел за да разговара за најавената операција на израелската армија во Рафа, како и за напорите да се обезбеди пауза во борбите и да се ослободат повеќе од 100 заложници кои ги држи Хамас.