Надал: Ѓоковиќ е меѓу кандидатите за титулата на „Ролан Гарос“ - Канал 5

Тенис

Надал: Ѓоковиќ е меѓу кандидатите за титулата на „Ролан Гарос“

Првиот светски рекет и најголем фаворит за титулата на „Ролан Гарос“, Рафаел Надал, изјави дека никогаш не треба да биде отпишан Новак Ѓоковиќ, без разлика во каква форма е.

Надал: Ѓоковиќ е меѓу кандидатите за титулата на „Ролан Гарос“

Рафа има 10 трофеи од Отвореното првенсто на франција, со што е апсолутен рекордер и судејќи по играта што ја прикажа во изминатиов период на земја, се чини нема тенисер кој би можел оваа година да го спречи во освојувањето на 11-тиот.

На „Ролан Гарос“ оваа сезона не се присутни Роџер Федерер и Енди Мареј, но тука се Стен Вавринка и Новак Ѓоковиќ, кој се враќа по долгата пауза од повреда.

Шпанецот веќе освои три титули на земја во 2018 година, знае дека е во добра форма, но исто така и дека секој ривал треба да се сфати многу сериозно.

Особено, не го отпишува поранешниот шампион Ѓоковиќ, кој во 2016 година освои само еден трофеј на „Ролан Гарос“ и ја комплетираше својата „гренд слем“ колекција.

Надал ја почуствува моќта на Ѓоковиќ на неодамнашниот „Мастерс“ во Рим, кога добро се испоти за да ја освои титулата.

- Новак е еден од најдобрите играчи во историјата на тенисот и мојот одговор е дека тој не се враќа, туку дека секогаш е тука. Понекогаш, кога ќе се вратите од повреда, тешко е да играш добро веднаш, но Новак во Рим одигра одличен турнир. Тој е, несомнено, еден од кандидатите за победа во Париз, изјави Надал пред почетокот на вториот „гренд слем“ во сезоната.

На „Ролан Гарос“ оваа сезона нема да се натпреварува Роџер Федерер, со кого Надал во минатото водеше голема битка за титулата, но и за првото место во АТП ранг-листата.

Шпанецот вели дека неговото отсуство нема да го намали значењето на титулата на „Ролан Гарос“.

- Искрено, сеедно е дали е тука или не. Ова е лоша вест за организаторите на турнирот, но не за мене, ако победам. За мене, победата секогаш е победа. Не можам да кажам дека триумфот на Федерер во 2009 година или на Ѓоковиќ во 2016 година, кога јас бев повреден, е помалку убава и важна. Тоа не би било фер од моја страна. Така е и кога јас победувам, а некои играчи се отсутни поради различни причини, додава Надал. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни пожари во мариовско, Студеничани, Македонски Брод, Кичево и Могила

Изутринава во земјава има пет активни пожари во Мариово кај село Чаниште, крак кон Црна Река и крак кон село Орле, во општините Студеничани, Македонски Брод, Кичево и Могила.

Активни пожари во мариовско, Студеничани, Македонски Брод, Кичево и Могила

Пожарот во депонијата во општина делчево е ставен под контрола. А изгаснати се 31 пожар.

Центарот за управување со кризи информира дека регистрирани се вкупно 37 пожари на отворен простор, од кои пет се активни, еден е под контрола, а 31 пожар се изгаснати.

Од УХМР најауваат топло време и температури до 39 степени.

Апел од дирекцијата за заштита и спасување граѓаните да се посебно внимателни со фрлање отпуошци од цигари и работа со апарти кои предизвикуваат пожар и строго забрана за горење на стрништа..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска одлука за „училишна кошничка“

Пред стартот на учебната година, Владата денеска повторно ќе ја донесе т.н. училишна кошничка.

Денеска одлука за „училишна кошничка“

Од МОН брифираат дека планиран е состанок со трговците на големо и мало за училишен прибор, со цел да ги координираат активностите и да разговараат за цените пред почетокот на учебната година.

Лани, мерката за училишна кошничка наречена „Помалку трошоци, повеќе за вас“ важеше од 15 август до 15 септември и со неа беше договорено намалување на цените на основниот прибор и тетратките на учениците за 10-15 проценти, со што, според пресметките на владта, семејствата заштедија по околу 1.500 денари по ученик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зголемни пријави на граѓани со лажни СМС пораки за сообраќајни казни

Трендот на лажни СМС- пораки со известување за наводни сообраќајни прекршоци и казни поврзани со системот„Безбеден град“ продолжува.

Зголемни пријави на граѓани со лажни СМС пораки за сообраќајни казни

Од МВР предупредуваат граѓаните да бидат внимателни со пораките кои содржат линк каде се бара да се внесат лични или банкраски податоци и да извршат плаќања на наводна казна.. Станува збор за обид за измама и прибирање на лични податоци, објаснуваат од МВР..

Од министерството посочуваат дека официјалните смс-пораки за прекршок се испраќаат од испраќачот „MVR-SC“. Во пораката треба да биде наведена регистарската ознака на возилото, а официјалниот линк треба да води кон доменот safecountry.mvr.gov.mk...

..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер