Надал елиминиран по маратонски меч со Милер - Канал 5

Тенис

Надал елиминиран по маратонски меч со Милер

Шпанскиот тенисер и четврти носител на Грен слемот Вимблдон, Рафаел Надал не успеа да се пласира меѓу осумте најдобри, откако синоќа загуби од Жил Милер од Луксембург со 3-2 во меч кој траеше 4 часа и 50 минути.

Надал елиминиран по маратонски меч со Милер
Милер поведе со 2-0 (6:3 и 6:4), Надал возврати во третиот и четвртиот сет (6:3 и 6:4), а вистинска драма да се случуваше во решавачкиот петти сет кој траеше повеќе о два часа и му припадна на тенисерот од Луксембург со 15:13 во гемови.

Имаше Милер можност и порано да го заврши дуелот, но не искористи во два наврата по две меч топки, за тоа да му успее во 28.гем од петтиот сет кога ја искористи петтата меч-топка.

Жил Милер во четвртфиналето ќе ги одмери силите со Хрватот Марин Чилиќ.

Денеска на програмата е последниот осминафинален меч во кој се среќаваат Новак Ѓоковиќ (Србија) и Адријан Манарино (Франција). Почетокот е закажан за 13 часот./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Огромно невреме во Романија: Едно лице загина, полиција и пожарникари на улиците

Најмалку едно лице загина во силно невреме што го погоди главниот град на Романија, Букурешт, и 20 окрузи, соопштија службите за вонредни ситуации.

Огромно невреме во Романија: Едно лице загина, полиција и пожарникари на улиците

Тие рекоа дека едно лице загинало кога дрво паднало врз автомобил.

Официјалните лица изјавија дека десетици домови и возила во 60 градови и села биле оштетени во бурата, а речиси 2.000 повици за помош биле примени само во Букурешт, објави „Digi24“.

Официјалните лица изјавија дека полицијата и пожарникарите се распоредени во неколку окрузи и работат на евакуација на луѓето од поплавените домови и расчистување.

Тие рекоа дека неколку метро станици во Букурешт биле поплавени.

На бурата ѝ претходел топлотен бран со температури над 40 степени Целзиусови во делови од Романија во понеделник и вторник.

Извор: Б92

Тагови: невреме Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германците се подготвуваат за можна руска агресија: Одобрен е нацрт законот за воени резервисти

Германската влада одобри нацрт-закон за задолжително повикување на воени резервисти на обука, дел од плановите за зголемување на бројот на војници и воените капацитети на Германија за одбрана од можна руска агресија.

Германците се подготвуваат за можна руска агресија: Одобрен е нацрт законот за воени резервисти

Германија планира да ги удвои своите резервни сили до средината на следната деценија на најмалку 200.000 војници, објави Ројтерс, наведувајќи дека целта е германската армија да има 260.000 активни војници.

Германскиот министер за одбрана Борис Писториус постојано предупредува дека Германија мора да биде подготвена за војна и мора да ја подобри својата способност за брзо мобилизирање на силите во случај на голем конфликт на европско тло.

Тој потврди дека германското Министерство за одбрана верува дека потпирањето на доброволно учество во армијата повеќе не е доволно со оглед на безбедносната ситуација во Европа.

Се очекува Бундестагот да го разгледа нацрт-законот по летниот одмор, а министерството очекува законот да стапи на сила на почетокот на следната година.

Извор: Б92

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Булеварите се проодни, состојбата се стабилизира

Обилните врнежи кои попладнево го зафатија главниот град предизвикаа низа штети, а најкритично беше во општините Кисела Вода, Аеродорм и Гази Баба.

Ѓорѓиевски: Булеварите се проодни, состојбата се стабилизира

Сосотојбата е веќе стабилизирана, има поплавени подруми, но сообраќајниците и подвозниците се веќе проодни, информираше градоначалникот на Град Скопје во изјава за Канал 5.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер