На турска авио компанија ѝ се забранети летови кон ЕУ поради врските со Русија (ВИДЕО)

Европската унија ги забрани летовите на турската авиокомпанија Саутвинд ерлајнс.

Сопственичката структура на оваа компанија е проблематична за властите на ЕУ кои сметаат дека голем удел имаат руски компании или поединци.

Одлуката за забрана на летови и прелети над територијата на ЕУ беше донесена откако на Southwind Airlines не ѝ беше одобрена дозвола да започне со воздушни операции кон Финска, пишува Scramble.nl.

Агенцијата за транспорт и врски на Финска, наводно, утврдила дека мнозинската сопственост и контрола на авиокомпанијата не ја имаат турски компании, туку субјекти од Русија.

Бидејќи руската економија во моментов е под санкции на ЕУ, агенцијата на 25 март објави дека Southwind Airlines нема да може да врши летови до Финска.

Врз основа на проценката на Финска, Брисел одлучи да ѝ забрани на турската авиокомпанија да лета и да врши летови кон ЕУ, пишува Киев Индипендент, повикувајќи се на Џумхуриет.

Саутвинд ерлајнс е основан веднаш по избувнувањето на војната во Украина во 2022 година, со цел да превезува руски туристи кои летаат на турскиот брег.

Во меѓувреме, авиокомпанијата започна со летови не само од Турција до Русија, туку и до Бахреин, Белорусија, Германија, Грција, Италија, Израел, Казахстан, Либан, Молдавија, Македонија и Швајцарија, според Scramble.nl.

Превозникот моментално лета со три авиони Боинг 777-300/300ЕР, три Б737 МАКС 8, два Ербас А321 и еден А321нео, според податоците на службата Планспотерс.

Снимен е моментот пред трагичната смрт на убавата инфлуенсерка Инеса (Вознемирувачко видео)

Девојка од Русија паднала од карпа и починала додека се обидувала да фотографира маж на платформа со поглед на Црното Море.

Сега се појави вознемирувачко видео од смртта.

Инеса Поленко (39) која работела како козметичарка, паднала од висина од 50 метри на плажата подолу.

Претходно беше објавено дека Инеса починала додека правела селфи. Сепак, на видеото се гледа дека Инеса паднала додека фотографирала човек со спектакуларен морски пејзаж зад себе, пренесува Daily Mail.

На видеото се гледа како таа прави чекор назад и ја губи рамнотежата, поради што паѓа преку работ. Немало ограда за да ја спаси.

Шокираниот маж, кој не е именуван, истрчал кон неа, но веќе било доцна.

Таа била пренесена во болница во Абхазија, каде се случила трагедијата.

Медиумите јавуваат дека лекарите се бореле за нејзиниот живот, но за жал таа починала на одделението за интензивна нега истиот ден.

Била погребана во вторникот.

Поленко имала повеќе од 9.000 следбеници на Инстаграм. Таа често објавувала на социјалните мрежи од нејзините неодамнешни патувања низ светот - од Дубаи, Египет и Крим.

Истрагата за точните околности на смртта на 39-годишната козметичарка, која имала неколку клиенти и во Москва и во руското одморалиште Сочи, каде што живеела, е во тек.

Младоженец направи шокантен потег среде свадба: Невесто, барај документи за развод (ВИДЕО)

На многу свадби, невестата и младоженецот се хранат меѓусебно со свадбена торта, а додека некои тоа го прават на традиционален и пристоен начин, некои овој обичај го претвораат во шега - и претеруваат.

На видеото кое невеста го објави на социјалните мрежи може да се види како таа го мачка со парчиња торта лицето на нејзиниот нов сопруг, а тој по неколку секунди го прави истото – но на многу погруб начин што згрози многумина, објави Мирор.

Тој агресивно зел огромно парче торта и ѝ го фрлил во лицето на невестата.

@kelsboyd3 #cakesmash #nobodygotcake #smash #cakesmashchallenge #hedidntgetany #kingston #tennessee #barnofmaplecreek #johndeeergreen #ohno #rusticwedding ♬ Oh No - Kreepa

Во коментарите повеќето пишувале дека ова е првиот аларм дека во него се крие агресивна личност и дека треба да побара документи за развод.

Меѓутоа, по еден куп вакви коментари и предупредувања, невестата се вратила со образложение дека тоа се едноставно „тие двајца“ и дека тоа е нивна шега. „Извинете, но ова е друг вид на хумор, нашиот вид“, порачала таа.

Артета по шокантниот пораз на Арсенал: Сега е моментот

Каков викенд за Манчестер Сити.

Вчера Граѓаните го декласираа Лутон со 5:1 и, се чинеше, барем привремено го зазедоа првото место во Премиер лигата. Но, денеска се случија две мали чуда. Прво Ливерпул загуби дома од Палас со 1:0, а потоа и Арсенал со 2:0 на домашен терен од Астон Вила. Двата гола во Лондон дојдоа во самата завршница. Бејли прв погоди во 84-та, а Воткинс три минути подоцна.

Уште два пати гостинските играчи ја погодија рамката од противничкиот гол. Во 39. минута Воткинс ја погоди стативата, додека во 62. Јури Тилеманс ја погоди гредата. Голем број на шанси имаа и домашните, но не беа прецизни Каи Хаверц, Габриел Жесус, Леандро Тросард и Букајо Сака.

Сити сега е на врвот со 73 бода, додека Арсенал и Ливерпул имаат два бода помалку. Секоја екипа има шест натпревари до крајот.

„Две сосема различни полувремиња. Прво врвот, едно од најдобрите полувремиња што ги одигравме против врвен тим. Требаше да постигнеме три или четири гола. Можеби повеќе. Не успеавме и тоа се одрази во второто полувреме. Ни недостасуваше моментум, немавме проток како во првите 45 минути, а потоа примивме два наивни гола“, изјави тренерот на Арсенал, Микел Артета по натпреварот, а потоа испрати порака до своите играчи да се вратат во играта за титулата и да ја спасат сезоната.

„Не можеме да контролираме што ќе прави Сити. Она што можеме да го направиме е да победуваме. Продолжете да победувате. Сега е моментот. По овој пораз мораме да реагираме. Првата можност да реагираме веќе во среда против Баерн во Лигата на шампионите. Тимот треба да се покаже таму. Ако сакаме да победиме, мора да ги надминеме овие ситуации.“

притисни ентер