На Пониква се одржа скијачки натпревар „Осоговски велеслалом" - Канал 5

Скијање

На Пониква се одржа скијачки натпревар „Осоговски велеслалом"

Вкупно 82 скијачи од десетина градови од државата учествуваа на натпреварот „Осоговски велеслалом" што денеска се одржа на Пониква.

На Пониква се одржа скијачки натпревар „Осоговски велеслалом"

Распределени во пет возрасни категории, цицибани, деца, млади, сениори и ветерани, скоро сите ја завршија трката, што се одржа на ски-патеката 3.

Организатор на настанот беше Општина Кочани во соработка со Скијачката федерација на Македонија и со скијачи рекреативци од Кочани.

– Задоволни сме од одѕивот и бројноста на учесниците кои дојдоа не само од Кочани, туку и од Штип, Скопје, Битола, Виница и други градови. Тоа само ги потврди нашите очекувања дека интересот за скијањето е голем и недостасуваат натпреварувања од ваков карактер. Иницијативата за организирање „Осоговски велеслалом" е наша, со цел да го обновиме натпреварот што се одржуваше пред неколку децении, а во исто време да ја промовираме Пониква како скијачки центар. Исто така, сакаме да ги мотивираме децата и младите да научат да скијаат, а тие што веќе ја поседуваат оваа вештина, повеќе да ја практикуваат, истакна градоначалникот на Кочани, Николчо Илијев.

На натпреварот „Осоговски велесламом" учествуваше и швајцарската амбасадорка Сибил Зутер Техада, која успешно ја заврши трката.

Релативно високите дневни температури и топењето на снегот не ги попречија организаторите добро да ја подготват ски-патеката, за што поддршка дадоа и Територијалната противпожарна единица од Кочани и служби од Министерството за внатрешни работи.

По завршувањето на натпреварот и прогласувањето на победниците, најуспешните натпреварувачи во сите категории добија награди и признанија што ги обезбеди Општина Кочани. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Џенифер Лопез подготвена за тренинг

Светската музичка ѕвезда, 57 годишната Џенифер Лопез е фотографирана во Калифорнија при пристигнување на тренинг.

Фото: Џенифер Лопез подготвена за тренинг

За таа прилика, таа избрал спортска црна комбинација, тесни бициклистички и топ, што дополнително ја истакна нејзината совршена фигура.

Со овој аутфит атрактивната Џеј Ло уште еднаш потврди дека е жена со тело на кое може да и позавидат и двојно помладите девојки.

Сите веднаш забележаа колку е мускулеста латино-дивата, а за нејзината страст кон фитнесот веќе е зборувано толку многу пати.

Познатата пејачка со години го вклучува вежбањето како важен дел од својот животен стил, а нејзиното најново појавување во јавноста уште еднаш ги покажа резултатите од таа посветеност.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски до Филипче: Не би сакал да бидам ист со куклата на тие што ја уништија и ограбија Македонија

Претседателот на Владата Христијан Мицкоски денеска одговарајќи на новинарско прашање како ја коментира изјавата дека не се исти, дадена од претседателот на опозициската СДСМ Венко Филипче, истакна: 

Мицкоски до Филипче: Не би сакал да бидам ист со куклата на тие што ја уништија и ограбија Македонија

„Јас можам за прв пат да се сложам со претседателот на СДСМ дека не сме исти. Јас никогаш не би сакал да бидам ист со куклата на луѓето кои ја уништија и ограбија Македонија. Ниту во најлошиот сон не би сакал тоа да бидам. Така што еве за прв пат можам да се сложам дека не сме исти и точно граѓаните можат да направат разлика меѓу ова раководство на СДСМ кое што го води куклата на оние кои што ја уништија и ограбија Македонија, и Владата која што ја предводи ВМРО-ДПМНЕ“.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Управа за финансиска полиција поднесе кривична пријава за „Даночно затајување“ и „Оштетување или повластување на доверители“

Управата за финансиска полиција до Основното јавно обвинителство Скопје поднесе кривична пријава против В.Р.

Управа за финансиска полиција поднесе кривична пријава за „Даночно затајување“ и „Оштетување или повластување на доверители“

Управата за финансиска полиција до Основното јавно обвинителство Скопје поднесе кривична пријава против В.Р., управител и сопственик на правно лице, како и против правното лице, поради постоење основи на сомнение за сторени кривични дела „Даночно затајување“ од член 279 и „Оштетување или повластување на доверители“ од член 257 од Кривичниот законик.

Пријавениот В.Р., во периодот од 2019 до 2020 година, иако бил свесен дека правното лице е неспособно за плаќање и дека му претстои стечај, со намера да стекне противправна имотна корист и да ги оштети доверителите, го намалил имотот од кој доверителите можеле да ги намируваат своите побарувања. Притоа, присвоил 10 возила во вредност од 69.719.484 денари, скутери во вредност од 545.000 денари и трговска стока во вредност од 4.457.322 денари, кои не биле евидентирани со соодветна документација и не биле пронајдени од стечајниот управник, со што не станале дел од стечајната маса.

Поради наведеното, побарувањата на доверителите во вкупен износ од 12.069.922 денари, од кои 1.179.059 денари се побарувања на УЈП, останале целосно ненамирени.

Исто така првопријавениот В.Р. во периодот од 2011 година до 2019 година, свесно и со намера да се стекне со противправна имотна корист, подигнал парични средства во готово во износ од 53.872.587 денари, на име „материјални и патни трошоци“ без да изготви и достави документација (договори, фактури, испратници, сметкопотврди и сл.) за нивна економска оправданост во сметководствената евиденција, истите ги присвоил за себе и притоа не пресметал и не платил данок на добивка во вредност 5.387.259 денари и данок на личен доход во вредност од 5.985.244 денари.

Со наведените дејствија, преку правниот субјект, В.Р. се стекнал со противправна имотна корист и го оштетил Буџетот на Република Северна Македонија во вкупен износ од 23.442.425 денари, по основ на оштетување на доверителите, Данок на добивка и данок на личен доход.

Управа за финансиска полиција

Тагови: Управа за финансиска полиција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер