На парламентарните избори во Грција ќе учествуваат 36 партии - Канал 5

Балкан

На парламентарните избори во Грција ќе учествуваат 36 партии

Од пријавени 50 партии, на претстојните парламентарни избори во Грција на 21 мај, ќе учествуваат 36, согласно одлуките од Врховниот суд, надлежен да ги разгледа доставените кандидатури, јави дописничката на МИА од Атина.

На парламентарните избори во Грција ќе учествуваат 36 партии

На изборите ќе учествуваат 27 партии, осум коалиции и еден самостоен кандидат.

Меѓу партиите кои не добија зелено светло од Врховниот суд е и Национална партија –Грци на осудениот поранешен пратеник од Златна зора, Илиас Касидиарис.

Како што вчера објави МИА, Врховниот суд, со мнозинство девет наспроти еден глас, ја отфрли кандидатурата на конкретната партија и било одлучено дека не ги исполнува потребните услови и критериуми за учество на изборите.

Во образложението објавено денеска надлежниот суд детално се осврнува на активностите на Златна зора и на позициите на Касидиарис, пишува дека е осуден за кривично дело криминална организација, со што му се забранува учество во изборниот процес, а во исто време со аргументи се нагласува дека самиот Касидиарис е вистинскиот лидер на неговата партија.

-„Националната партија Грци“, чијшто вистински лидер е Илиас Касидиарис и кандидат за пратеник, поттикнува употреба на насилство, промовира политика која не ја почитува демократијата и цели кон слабеење и уништување на демократската држава и институциите на владеењето на правото, особено со употреба на насилство или поттикнување насилство или негово оправдување, промовирање на тоталитарни идеологии, ширење на расистички и нетолерантни идеи и ксенофобија, одобрување на злосторства против хуманост, омраза кон личности и групи, постапки и декларации кои го загрозуваат мирниот соживот на општествените групи во земјата, пишува во образложението на Врховниот суд за одлуката, партијата да не учествува на изборите.

Одлуката е согласно изгласаниот закон и дополнителен амандман во грчкиот Парламент со кои се предвидува забрана за учеството на изборите на партија чиј претседател, генерален секретар или вистински лидер е осуден за криминално дело.

Касидиарис, кој моментално е во затвор, во периодот од 2012 до 2019 година беше пратеник од Златна зора, а во октомври 2020 година беше осуден на затворска казна од 13 година и шест месеци поради формирање криминална организација

Партијата според истражувањата на јавното мислење во Грција, добива доволен рејтинг за да го помине неопходниот изборен праг од три отсто и да обезбеди место во Парламентот, меѓутоа со одлуката на Врховниот суд партијата не доби зелено светло за учество на изборите на 21 мај.

Првично, за лидер на партијата беше назначен поранешниот заменик- обвинител од Врховниот суд Анастасиос Канелопулос, за да се избегне законот и забраната за учество на изборите, меѓутоа подоцна, Канелопулос, сепак одлучи да достави кандидатура со неговата партија ЕАН, кандидатура која беше одобрена. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Групацијата Фолксваген прво се ослободува од Дукати- неизвесна е судбината на италијанскиот бренд

Фолксваген Груп спроведува обемно реструктуирање кое вклучува намалување на 50.000 работни места и намалување на асортиманот на модели за половина. 

Групацијата Фолксваген прво се ослободува од Дукати- неизвесна е судбината на италијанскиот бренд

Како дел од тие промени, компанијата објави дека ќе продаде или реорганизира една третина од своите „нестратешки активности“ за да се фокусира на бизниси со јасен стратешки и финансиски придонес. Еден од брендовите чија продажба е можна е италијанскиот производител на мотоцикли Дукати.

Продажба на Дукати како опција

Извршниот директор на Ауди, Гернот Долнер, потврди дека продажбата на Дукати е една од можностите. Во изјава за Блумберг, тој рече дека Дукати ќе треба да се дискутира за време на процесот на евалуација, но истакна дека конечната одлука сè уште не е донесена.

Дукати, основан во 1926 година, стана дел од Фолксваген Групацијата во јули 2012 година како единаесетти бренд во портфолиото. Минатата година, компанијата испорача 50.895 мотоцикли, што претставува пад од 7 проценти во продажбата. Најпопуларниот модел беше Multistrada со продадени 13.873 единици, по што следуваа Panigale со 10.606 и Scrambler со продадени 5.814 единици.

Bloomberg ја проценува вредноста на италијанскиот производител на околу 1,25 милијарди евра (1,45 милијарди долари). Компанијата минатата година забележа оперативен профит од 52 милиони евра, што е пад од 42,8 проценти. Ducati го припишува овој резултат на неповолните девизни курсеви и царините наметнати од администрацијата на Трамп.

Audi сè уште планира да произведува во Соединетите Држави

Делнер, исто така, потврди дека Audi сè уште размислува за започнување со производство во Соединетите Држави. Можни локации вклучуваат новата фабрика на брендот Scout во Блајтвуд, Јужна Каролина, или фабриката на Volkswagen во Чатануга, Тенеси.

Делнер нагласи дека Audi мора да размисли за производство на „барем некои“ SUV модели во Америка. Конечна одлука сè уште не е донесена, но Audi во моментов нема производство во Соединетите Држави, па затоа неговите автомобили се оптоварени со царини. Ова ги става во неповолна положба во споредба со конкурентите како БМВ и Мерцедес, кои имаат големи фабрики за теренски возила во Спартанбург и Таскалуса.

Тагови: фолксваген Дукати

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Невреме во Јапонија: Свлечиште затрупа возила во подножјето на планината Фуџи

Свлечиште погоди една од главните почетни точки за искачување на јапонската планина Фуџи и затрупа три возила, но според достапните информации, никој не е повреден. 

Невреме во Јапонија: Свлечиште затрупа возила во подножјето на планината Фуџи

Свлечиштето се случи откако обилните дождови погодија големи области во централна Јапонија, пишува Ројтерс.

Свлечиштето се случи на паркингот на 5-тата станица на патеката Фуџиномија, популарна почетна точка за планинарите. Јапонската метеоролошка агенција објави дека на инцидентот му претходеле обилни дождови што врнеле преку ноќ и наутро во планинските области на префектурата Шизуока. Поради обилните дождови, линијата Фуџи Субару, еден од главните пристапни патишта што водат до планината, исто така била затворена.

Последици од бурата во регионот

Пријавени се уште неколку инциденти во близина на планината Фуџи. Полицијата на префектурата Шизуока пријави посебен инцидент во кој двајца планинари биле пронајдени онесвестени на патеките рано наутро, но не го поврзуваат инцидентот со свлечиштето. Вчера вечерта се случи свлечиште во градот Каванехон, во кое загина еден работник.

Вчерашната бура со дожд во Јапонија во вечерните часови ги погоди и соседните префектури Аичи и Гифу, каде што 41 лице беше повредено во поплавите, јавува агенцијата Кјодо. Во Нагоја, главниот град на префектурата Аичи, наврнаа рекордни 104,5 милиметри дожд за само еден час. Јавниот радиодифузен сервис НХК објави дека обилните дождови предизвикале прекини во сообраќајот и големи толпи на градските станици.

Јапонската метеоролошка агенција најавува дека продолжувањето на обилните дождови во областа од североисток до запад на Јапонија се очекува до денес попладне.

Тагови: јапонија свлечиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп откри кога ќе заврши војната со Иран- го кажа и точниот датум (ВИДЕО)

Американскиот претседател Доналд Трамп изјави дека очекува војната со Иран да заврши „веднаш по“ среднорочните избори во САД закажани за 3 ноември.

Трамп откри кога ќе заврши војната со Иран- го кажа и точниот датум (ВИДЕО)

Американскиот претседател Доналд Трамп денеска изјави дека очекува војната со Иран да заврши „веднаш по“ среднорочните избори во САД закажани за 3 ноември, велејќи дека Техеран се обидува да влијае на изборите, но дека нема да може повеќе да издржи.

„Војната со Иран, мислам, ќе заврши веднаш по среднорочните избори“, рече Трамп, според Политико.

Тој, исто така, објави дека САД ќе извршат дополнителни напади врз Иран.

Трамп рече дека Вашингтон во моментов не бара договор со Техеран, но не ја исклучи можноста за преговори.

„Во моментов не бараме договор со Иран, но преговорите се можни“, рече Трамп.

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер