Технологија

На Месечината е пронајдена вода што потекнува од Сонцето

Новата анализа на прашина од Месечината покажала дека дел од водата на нејзината површина можеби доаѓа од Сонцето.

Поточно, дека е создадена откако водородните јони од сончевиот ветер ја опсипувале површината на Месечината, реагирале со минералните оксиди и се поврзале со кислородот.

Последица на овој процес е значително количество вода што може да се сокрие во лунарниот реголит на одредени географски широчини. Ова откритие може да помогне во разбирањето на потеклото и дистрибуцијата на водата на Месечината, па дури може да биде релевантно за нашето разбирање за потеклото на водата на Земјата, пишува Science Alert.

Иако Месечината изгледа како сува топка полна со прашина, неодамнешните студии покажаа дека таму има многу повеќе вода отколку што се мислеше. Се разбира, не можеме да го видиме како овде на Земјата; како се бранува во езерата или морињата, затоа што се крие во лунарниот реголит, во кратери кои се секогаш под сенка и во топчиња од вулканско стакло.

Ова природно води до многу прашања. Колку вода има точно таму? Како се дистрибуира? Некој дел би можел да пристигне по удар на астероид, дел од Земјата, а дел од космички „дождовни облаци“.

Сепак, Сонцето не е баш полно со влага, но неговиот ветер е добар извор на водородни јони. Геохемичарите Јучен Ксу и Хенг-Ци Тиан од Кинеската академија на науките пронашле докази во примероците вратени од мисијата Chang'e-5 што ја поддржуваат тезата дека сончевиот ветер може да биде еден од изворите на вода на Месечината.

Проучиле 17 примероци: 7 оливин, 1 пироксен, 4 плагиоклаза и 5 стакло. Тоа биле примероци кои, за разлика од оние земени од мисиите Аполо и Луна, беа собрани од областа на Месечината со средна географска ширина.

Со помош на спектроскопија, тие го проучувале хемискиот состав на рабовите на тие зрна и откриле во повеќето од нив многу висока концентрација на водород (од 1.116 до 2.516 делови на милион) и многу ниски соодноси на изотопи на деутериум и водород.

Овие соодноси се конзистентни со односот на овие елементи во сончевиот ветер, што сугерира дека сончевиот ветер депонирал водород на површината на Месечината. Моделот заснован на овие наоди сугерира дека поларните региони на Месечината би можеле да бидат многу побогати со вода произведена од сончевиот ветер - информации кои би можеле да бидат многу корисни во планирањето на идните мисии за истражување на Месечината.

„Ова откритие е од големо значење за идната употреба на водните ресурси на Месечината. Исто така, преку сортирање и загревање на честичките, релативно е лесно да се користи водата што се наоѓа во лунарната почва“, вели хемичарот Јангтинг Лин од кинеската Академија на науките.

Истражувањето со наслов High abundance of solar wind-derived water in lunar soils from the middle latitude е објавено во списанието PNAS.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 3. јули 2026 година

Дневен хороскоп за петок, 3. јули 2026 година.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Близнаци 21.5.-21.6.

Љубов

Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Митко Ѓоргиев и Умејер Мухамеди вечерва во „Само вистина“

Вечерва во „Само вистина“ гости ќе бидат Митко Ѓоргиев и Умејер Мухамеди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Продолжение на кул видеото за Хрватска со Малкович, се придружува Модриќ

Новото видео се одвива во Задар.

Пред вечервашниот натпревар помеѓу Хрватска и Португалија во осминафиналето на Светското првенство, објавено е продолжението на промотивниот филм за хрватскиот туризам „ХРВАТСКА - Слушнав дека е прекрасно“ (CROATIA - I hear it's beautiful), во кој главните улоги ги играат капитенот на Хрватска, Лука Модриќ, и холивудскиот актер со хрватски корени, Џон Малкович.

Морските оргули во главната улога

Новото видео се одвива во Задар. Џон Малкович доаѓа до Морските оргули, каде што разговара со Лука Модриќ по телефон. Капитенот на хрватската репрезентација му објаснува зошто е толку посебно и како морето и брановите создаваат уникатна мелодија што не може да се чуе никаде на друго место.

Откако го слуша звукот на Морските оргули, Малкович ентузијастички вели: „Лука, сите беа во право. Хрватска е прекрасна.“

Но, Модриќ нема многу време за разговор бидејќи го очекува тренинг.

„Џон, немам време. Уживај во Хрватска... и избриши го мојот број“, одговара тој, завршувајќи го нивниот разговор.

Нова разгледница од Хрватска за целиот свет

Како и првиот филм од кампањата, и овој е потпишан од Пит Радовиќ, наградуван телевизиски и спортски продуцент со хрватски корени, кој беше креативен директор на проектот.

Хрватскиот туристички одбор им се заблагодари на Хрватската фудбалска федерација, селекторот Златко Далиќ, Лука Модриќ и сите репрезентативци за нивната соработка и им посака среќа на тимот во вечерашниот натпревар против Португалија.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.