На денешен ден - Канал 5

Живот

На денешен ден

18 јануари.

На денешен ден

- Македонската православна црква денеска го слави Богојавление - Водици, голем христијански празник во спомен на денот кога Јован Крстител на реката Јордан го крстил Исус Христос. Додека Христос излегувал од водата небото се отворило и на него, во облик на гулаб, се спуштил Светиот дух, при што се слушнал гласот Божји: „Мои љубени, ова е Синот на мојата волја“.

1419.- Во Стогодишната војна меѓу Франција и Англија, бранителите на францускиот град Руан и се предале на војската на англискиот крал Хенри Петти, по што тој го заврши освојувањето на Нормандија.

1736.- Во Гринок, Шкотска, е роден Џејмс Ват, англиски научник и пронаоѓач, конструктор на првата ефикасна парна машина (ја патентирал во 1769 година). Заедно со Метју Балтон во 1782 година во Сан, крај Бирмингем, основа прва фабрика за парни машини во светот. Во знак на признание на овој голем научник единицата за моќ во физиката е наречена "ват". Умрел во Витфилд на 25 август 1819 година.

1747.- Роден е германскиот астроном Јохан Елерт Боде, кој со помош на низа броеви (Бодеова низа) приближно ја востановил средната оддалеченот на првите седум планети од Сонцето. Бил директор на Британската опсерваторија.

1798.- Роден е францускиот филозоф и математичар Огист Конт, еден од основачите на филозофијата на позитивност и основач на социологијата. Дела: „Курсот на позитивната филозофија“, „Системот на позитивната политика“ и други.

1809.- Во Бостон е роден Едгар Алан По, северноамерикански поет и раскажувач. Неговата лирика се одликува со меланхоличност и тага. Автор е на бројни куси. Книги: „Гавранот и други песни“, „Авантурите на Артур Гордон Пим“,"Црна мачка". Умрел во Балтимор, на 7 октомври 1849 година.

1813.- Роден е англискиот инженер Хенри Бесемер, кој во 1855 година ја пронашол постапката за преработка на суровото железо во челик, наречена „Бесемерова постапка“. Челичарницата која во 1859 година ја подигнал во Шефилд и денеска произведува челик.

1839.- Роден е Пол Сезан, прочуен француски сликар. Во почетокот го следел импресионистичкиот правец, но подоцна создал оригинален стил со синтеза на облици на тонови во природата. Неговото сфаќање на уметноста било револуционерно и предизвикало преобразба на сликарството во светот. Од делата најпознати му се "Сина ваза", "Коцкари", "Планината Сен-Виктор", "Капачки" и други. Умрел на 22 октомври 1906 година.

1851.- Умрел Естебан Ечевериа, аргентински писател, социолог и борец против диктаторското самовладеење. Главни негови дела се „Елвира или свршеничката од Ла Плата“ и „Социјалистичка догма“. Роден бил во 1805 година.

1879.- Во ресен е роден Симеон Радев, истакнат македонски новинар и виден бугарски публицист, историчар и дипломат. Бил близок до Централниот комитет на Македонската револуционерна организација и Македонскиот комитет на Борис Сарафов. Во Женева го издавал (на француски јазик) весникот “L’ Effort” (1900-1901), а по дипломирањето во Париз го редактирал весникот „Mouvement Macedonien” (Македонско движење) (1902-1903). Автор бил на една од првите истории на Третата бугарска држава - „Градители на современа Бугарија“. Бил бугарски дипломатски претставник во Букурешт, Берн, Хаг, Анкара, Вашингтон, Лондон и Брисел, исто така и прв бугарски претставник во Друштвото на народите во Женева. Истакнат член на Македонскиот научен институт. Симеон Радев бил член и на бугарската делегација при потпишувањето на Букурешкиот договор во 1913 година. Другите дела: "Македонија и бугарската преродба во ХIХ век", "Рани спомени", "Тоа што го видов во Балканската војна". Умрел во Софија во 1967 година.

1920.- Роден е перуанскиот дипломат Хавиер Перес де Куељар, кој во 1982 година бил избран за генеален секретар на Обединетите нации. На оваа функција бил 10 години.

1925.- Во Битола е роден Кирил Македонски, македонски композитор чие име е поврзано со настанувањето на првата македонска национална опера „Гоце“, која својата прва премиера ја доживеала во Скопје, во 1954 година. Пред операта „Гоце“ го привлекол вниманието на себе со синфониската поема „Танчарка“. На 5 ноември 1968 година на сцената на Операта при МНТ во Скопје била изведена неговата втора опера во четири чина со епилог „Цар Самуил“. Покрај камерни творби, тој пишувал музика и за радиодрами и театарски пиеси, за краткометражни филмови, како и за играниот филм „Македонска крвава свадба“. Умрел во Скопје, на 2 јуни 1984 година.

1938.- Умрел српскиот писател Бранислав Нушиќ, голем комедиограф, член на Српската кралска академија. Дела: „Сомнително лице“, „Госпоѓа министерка“, „Народен пратеник“, „Протекции“, „Патот околу светот“, „Д-р“, „Свет“, „Мистер долар“ и многу други.

1938.- Во шпанската граѓанска војна воздухопловството на генералот Франциско Франко, подоцна диктатор на Шпанија, ги бомбардирало Барселона и Валенсија при што загинале најмалку 700 луѓе.

1941.- Во Охрид е роден Климе Савин, македонски пливачки маратонец и спортски работник. Умрел во Скопје, на 12 јануари1995 година.

1947.- Во Скопје било основано Друштвото на музичарите на Македонија.

1966.- Индира Ганди била избрана првпат за шеф на владата на Индија, осум дена по ненадејната смрт на премиерот Лал Бахадур Шастри.

1970.- Во Сараево умрел Хамза Хумо, познат босанско-херцеговски поет, раскажувач и романсиер. Покрај неколку збирки песни ги напиша и романите „Грозден кикот“ и „Зграда во урнатини“, како и драмата „Три света“. Роден бил во 1895 година.

1988.- Во Игало умрел Павле Бидев, првиот македонски шаховски мајстор. Тој ја имал издадено и првата шаховска книга во Македонија, „Шахот, симбол на космосот“. Роден бил во 1912 година.

1989.- Советскиот Сојуз соопштил дека еднострано од Европа ќе повлече дел од нуклеарните ракети со краток домет.

1994.- Во Скопје, во издание на Асоцијацијата на европските студентски структури - АЕЖЕ при Универзитетот "Св. Кирил и Методиј", е промовиран првиот број на студентскиот магазин "Јуроп".

1997.- Во Скопје умрел Тодор Тони Шулевски, македонски балетски играч, првенец на Балетот на МНТ. Зад себе оставил осумдесеттина улоги. Роден бил во 1932 година.

2000.- Во Скопје, во Воената болница, под раководство на кардиохирургот д-р Жан Митрев, ебилотворен првиот Центар за кардиохирургија во Република Македонија.

2006.- Умрел американскиот соло-пејач Вилсон Пикет, кој во 60-ите години на дваесеттиот век се прославил со хитовите како што се „Mustang Sally“ и „In The Midnight Hour“.

2006.- Американската агенција за вселенски истражувања НАСА ја лансирала првата своја сонда на Плутон.

2006.- Во несреќата на словачкиот воен авион, кој се урнал во северисточна Унгарија, загинале 35 словачки војници од составот на меѓународните косовски сили КФОР, и осум членови на екипажот.

2007.- Умрел Дени Доерти, член на популарната фолк-рок група од 60-ите години „Mamas edn Papas“, позната по хитовите како што се „Kalifornija drimin“ и „Mandej, mandej“.

2022.- Почина Нусрет Дишо Улку, писател од турската националност, автор за деца и млади, преведувач. Беше член на Друштвото на писатели на Македонија од 1967 година. Автор е на поетските збирки: „Деца и дрвја“ (1963) „Детски раце” (1967), „Триаголник“ (1968), „Од сѐ по нешто“ (1977), „Море и јас“ (1974), „Епопеја“ (1976), „Внатрешен рев“ (1988), „Големи деца“ (1992), „Затворена љубов отворено писмо“ (2011) и на прозните дела „Црниот Исмет“ (1973) и „Три мечиња“ (1992). Роден бил на 24 март 1937 година во Призрен, Косово.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ИЈЗ: Потврден прв случај на зика вирусот во земјава, пациентот се заразил на Малдивите

Институтот за јавно здравје соопшти дека во земјава е регистриран прв случај на Зика вирусна инфекција во земјава. 

ИЈЗ: Потврден прв случај на зика вирусот во земјава, пациентот се заразил на Малдивите

Ризикот за населението во моментов се оценува како низок

-На ден 17.06.2026 година, од страна на Одделението за вирусологија при ИЈЗ, Одделот за епидемиологија на заразни заболувања при ИЈЗ доби информација за конфирматорен позитивен наод на зика вирусна инфекција - соопшти Институтот за јавно здравје.

Како што наведуваат оттаму, пациентот е контактиран од страна на надлежен епидемиолог при што се предложени соодветни превентивни мерки.

ИЈЗ информира дека според добиените епидемиолошките податоци заболеното лице во периодот од 20-28.05.2026 година престојувало на Малдиви. За време на престојот, пациентот дава податок за каснување од комарец. Веднаш по враќањето се јавил на преглед на КИБФС каде било поставено сомневање за денга.

-Првите знаци на болеста се јавиле на 24.05.2026 година со треска, болки по телото-мускулите и зглобовите, лесно покачена температура, за подоцна по четири дена да се појави и ситен, густ осип. Пациентот бил прегледан во КИБФС, а направени се и лабораториски испитувања за денга, зика и чикунгуња во Одделението за вирусологија при ИЈЗ. Согласно резултатите од микробиолошкото испитување, добиен е позитивен серолошки и молекуларен наод за зика - стои во соопштението на ИЈЗ.

Се посочува дека пациентот не бил хоспитализиран, пратен е на домашно лекување и во моментот е во добра општа состојба.

- Иако станува збор за импортиран случај, поради интензивниот меѓунаредон транспорт и се поголемите трендови за патувања во тропски туристички дестинации како Малдивите, Тајланд, Индонезија, Бразил, Карипскиот регион и други подрачја каде што има документирана циркулација на вирусот Зика, реално постои можност за појава на нови импортирани случаи. Дополнителен фактор на ризик претставува широката распространетост на комарецот Aedes albopictus (азиски тигрест комарец) во повеќе европски земји, кој е потенцијален вектор за пренос на вирусот Зика - нагласуваат од ИЈЗ.

Европскиот центар за превенција и контрола на болести (ECDC) континуирано регистрира патнички асоцирани случаи на Зика кај лица кои се инфицирале за време на престој во ендемски подрачја. ECDC ги следи токму овие „travel-associated“ случаи, а WHO укажува дека присуството на Aedes albopictus во делови од Европа создава потенцијал за локален пренос доколку вирусот биде внесен од инфициран патник.

Постои можност за понатамошно пријавување на нови случаи во периодот на активност на комарците за лицата кои патуваат во зафатените региони и ризикот за овие лица се проценува како низок до среден.

- Ризикот за населението во РСМ во моментов се оценува како низок. Ризикот може значително да се намали со спроведување на препорачаните превентивни мерки за заштита од убоди од комарци и придржувањето кон препорачаните превентивните мерки и совети - додава Институтот.

Зика вирусната болест е акутна вирусна инфекција предизвикана од вирусот Зика, арбовирус од родот Flavivirus и фамилијата Flaviviridae. Болеста најчесто се пренесува преку убод од инфицирани комарци од родот Aedes, кои се активни претежно во текот на денот, најзастапени во тропските и суптропските региони, но можно е пренесување и по сексуален пат, вертикално од мајка на плодот за време на бременоста, како и преку трансфузија на крв.

Инкубацијата на болеста вообичаено трае 3-14 дена. Клиничката слика главно е лесна и се карактеризира со симптоми кои вообичаено траат 2-7 дена, иако најголем процент од инфицираните лица (окулу 80 отсто) не развиваат симптоми. Од симптоми најчесто се јавуваат: осип, покачена телесна температура, конјунктивитис, главоболка, мијалгии и артралгии.

Инфекцијата со вирусот Зика за време на бременоста може да предизвика раѓање на бебиња со микроцефалија и други конгенитални малформации, како и да предизвика предвремено породување и спонтан абортус, може да биде поврзана и со синдромот Guillain-Barré, невропатија и миелитис кај возрасни и деца, од што произлегува и јавно-здравственото значење на оваа болест. Конгенитални малформации се јавуваат и по симптоматска и по асимптоматска инфекција. Овие симптоми се вообичаени за други арбовирусни и неарбовирусни заболувања; затоа, дијагнозата на инфекција со вирусот Зика бара лабораториска потврда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 20. јуни 2026 година

Дневен хороскоп за сабота, 20. јуни 2026 година. 

Дневен хороскоп за 20. јуни 2026 година

Близнаци 21.5.-21.6.

Љубов

Се е во рацете на вашиот партнер, а на вас е оставено што подобро да се прилагодувате.

Кариера

Доколку ви понудиле нов договор , земете го овој видекнд за размислување и не носете одлука пред понеделник.

Здравје и совет

Мирувајте.

Рак 22.6-22.7.

Љубов

Сметате дека некои потреби на саканата личност се претерани и дека не може да ги исполните. Тоа уште повеќе ќе ве оддалечи.

Кариера

Можно е денеска да работите повеќе од вообичаеното , зашто има многу работа. Нема да ви биде тешко. Другите ќе се опуштат.

Здравје и совет

Пресметајте си што имате на сметката.

Лав 23.7-22.8.

Љубов

Денеска ќе покажете луцидност и сентименталност во исто време. Нежната страна на вашиот карактер ќе изклезе на виделина на радост на саканата личност.

Кариера

Веројатно ќе добиете шанса за да го искажете својот талент .Ќе биде кратко , неочекувано и возбудливо , така како што сакате.

Здравје и совет

Радувајте се.

Девица 23.8.-23.9.

Љубов

Ќе биде силна потребата за блискост. Ќе се потрудите да бидете сами со саканата личност на место што го сакате.

Кариера

Своите атрактивни идеи ќе успеете да ги вклопите во сивото секојдневие. Ќе најдете за тоа и финансиски средства.

Здравје и совет

Пазете се од провев .

Вага 24.9.-23.10

Љубов

Не се сомневајте во своите љубовни способности. Личноста која ви се допаѓа е исто така заинтересирана за вас.

Кариера

Оние кои сакаат да сменат нешто на работното место, на чекор се до исполнување на тој план. Треба само да одредите на кој начин.

Здравје и совет

Зајакнувате и со духот и со телото.

Шкорпија 24.10-22.11.

Љубов

Ќе ги тргнете од дневенред грижите што ве измачуваа и ќе се посветите на љубовта со доверба. Тоа ќе биде чекор напред.

Кариера

Не заостанувате со свежи идеи, но би сакале промените да се одвиваат побргу. Сепак , се движи во таа насока.

Здравје и совет

Прифатете ја реалноста.

Стрелец 23.11.-21.12.

Љубов

Додека односто со партнерот се одвива мирно и познато, наеднаш ви паѓаат на памет сосема откачени идеи.

Кариера

За да ја збогатите работата или проектот на кој што работите , ќе се послужите со својата интуиција , од каде ќе црпите идеи.

Здравје и совет

Верувајте во себеси.

Јарец 22.12.-20.1.

Љубов

Ќе ја комбинирате реалноста со фантазијата. Така на посебен начин ќе го збогатите својот однос со саканата личност.

Кариера

Кога на некои им оди , им оди. Немате грижи , многу работи се одвиваат и подобро отколку што сте се надевале.

Здравје и совет

Немојте да се препуштате на неодговорниоста.

Водолија 21.1.-19.2.

Љубов

Дококлку сте подготвени да му се препуштите на партнерот и со доверба да му се препуштите на неговите идеи , ќе биде одлично.

Кариера

Веројатно ќе ви предложат нов договор или нови содржини на работното место , а за тоа ќе треба нешто да потпишете. Прво пручете го договорот.

Здравје и совет

Пад на имунитетот .

Риби 20.2.- 20.3.

Љубов

Она што ви недостига во односот со саканата личност ќе се обидете да го надоместите со фино однесување и љубезност.

Кариера

Ќе има се повеќе работа , а можно е да видадат и нови задачи или некого ќе заменуварте на работното место.

Здравје и совет

Одморајте се редовно.

Овен 21.3-20.4.

Љубов

Добар пријател или пријателка денеска ќе ви предложи нешто интересно што ќе го вклопите во вашата љубовна врска.

Кариера

Главно ќе делувате од сенка. Тоа моментално ви одговара. Шансите за истакнување ќе дојадат подоцна.

Здравје и совет

Послушајте го својот внатрешен глас.

Бик 21.4- 20.5.

Љубов

Леснотијата со која ќе се дружите со пријателите ќе биде голема. Некои преку нив ќе најдат нова љубов.

Кариера

И натаму сте во фаза во која не сакате да се истакнувате. Некои од вашите колеги тоа ги изненадува , но вам ви е добро.

Здравје и совет

Опуштајте се редовно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Посетител на зоолошка фрли тригодишно дете во базен полн со крокодили- неколку го нападнаа (ВИДЕО)

Тригодишно момче било нападнато од најмалку еден крокодил откако хендикепиран странец, кој оттогаш е ослободен од полициски притвор, го фрлил во базен за влекачи во британска зоолошка градина.

Посетител на зоолошка фрли тригодишно дете во базен полн со крокодили- неколку го нападнаа (ВИДЕО)

Ужаснатите сведоци опишале како детето се здобило со скршена рака и карлица пред сопругата на сопственикот на зоолошката градина херојски да скокне во оградениот простор и да го извлече детето на безбедно.

Оградениот простор во приватната зоолошка градина во Кембриџшир содржела најмалку 15 крокодили и алигатори, вклучувајќи два големи нилски крокодили по име Ромео и Кадлс. Се вели дека двете животни се долги помеѓу 2,7 и 3,3 метри, а мажјакот Ромео тежел околу 220 килограми.

Момчето наводно било нападнато од најмалку еден крокодил откако паднало на бетонска површина и се стркалало во водата во оградениот простор вчера околу 13:20 часот.

Сопственичката на зоолошката градина Трејси Џонсон брзо влегла и го извлекла детето на безбедно. Тригодишното дете останува во критична, но стабилна состојба по инцидентот.

Осомничениот, 30-годишен маж од Норфолк, кој не ја познавал жртвата, бил уапсен на местото на настанот под сомнение за обид за убиство. Сепак, тој веќе е ослободен со кауција до 18 септември откако бил прогласен за „неспособен за испрашување“, соопшти полицијата денес.

„Напаѓачот бил ментално заостанат маж кој бил во зоолошката градина на организиран излет со неговател“, според локалните жители.

Момчето гледало влекачи кога наводно било фрлено од висина од околу 4,5 метри, од подигната платформа за гледање во тропскиот дел од зоолошката градина „Џонсонс оф Олд Херст“ во близина на Хантингдон.

Еден експерт верува дека момчето веројатно паднало на бетонот, а потоа се стркалало во водата, и потврди дека доколку дете паднало до крокодил, животното веднаш би го каснало.

„Ако дете паднело до крокодил, апсолутно би очекувал животното да реагира и да го касне“, рече Крис Њутн, директор на Националниот центар за благосостојба на влекачи, кој претходно чувал крокодили во зоолошката градина и во рамките на оградениот простор.

Тој рече дека крокодилите се „исклучително добро нахранети“, па затоа не би очекувал да го изедат детето, но дека каснувањето би било неизбежно и катастрофално поради силата на нивните вилици.

„Дури и случајно каснување би било катастрофално“, рече тој.

Додаде дека верува оти повредите се предизвикани од пад од висина на бетонот, по што детето се стркалало во водата. Осврнувајќи се на сопственичката Трејси Џонсон, која скокнала во оградениот простор за да го спаси детето, тој рече дека не е изненаден.

„Ја познавам Трејси, и токму тоа би го направила - таа е многу храбра жена. Беше исклучително храбра“, рече Њутн.

Додаде дека било исклучително тежок и храбар чин да се спушти во оградениот простор, кој е висок околу 15 стапки, и брзо да се спаси детето. Тој рече дека станува збор за приватна зоолошка градина, управувана од семејство - мајка и татко, два сина и снаа.

Тој рече дека оградениот простор бил толку безбеден што детето можело да заврши во него само ако било намерно фрлено внатре.

„Тоа е голем тропски објект со подигната патека. Крокодилите се долу на приземјето, а посетителите одат околу работ со вертикални и хоризонтални безбедносни бариери“, рече Њутн, кој го опиша местото како „фантастична зоолошка градина“ каде што „јавната безбедност е многу важен дел од работата“.

Тој исто така рече дека според него единствениот начин детето да заврши во оградениот простор е ако биде фрлено внатре.

„Не можете само да паднете или случајно да паднете, ќе мора да бидете фрлени“, рече тој.

Полицијата одби да коментира како детето завршило во оградениот простор и рече дека ги истражуваат околностите.

Истрагата е во тек.

Тагови: зоолошката крокодили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер