На денешен ден - Канал 5

Живот

На денешен ден

9 септември 

На денешен ден

1087.- Умре англискиот крал Вилијам Први, наречен Вилијам Освојувачот, кој пред доаѓањето на престолот во 1066 година беше нормански војвода. Тој е првиот нормански крал на Англија, творец на англискиот феудализам. Како англиски монарх ги конфискувал имотите на англосаксонското благородништво. Ова негово освојување го означи почетокот на новата епоха во историјата на Англија.

1513.- Загина шкотскиот крал Џејмс Четврти во битката против Англичаните кај Флудена, по упадот во покраината Нортамберленд. Во битката неговите сили доживеаја огромен пораз. На престолот дојде во 1488 година, наследувајќи го својот татко Џејмс Трети, кој беше убиен од побунетите. Набрзо тој ги скроти побунетите и на земјата и обезбеди внатрешна стабилност, а ја зацврсти и монархијата. За него кобна беше обновата на непријателството со Англичаните која кулминираше со инвазија на Нортамберленд.

1585.- Роден е францускиот државник, кардиналот Ришел, кој како семоќен министер за надворешни работи и војска, на кралот Луј Тринаесетти му постави цел Франција да ја направи прва сила во Европа. Градејќи апсолутистичка монархија го ограничи влијанието на црквата, папата и на благородништвото. Го задуши востанието на хугенотите и ги лиши од политички права, но им ја остави верската слобода. Земјата ја воведе во Триесетгодишна војна со цел да ја ослабне моќта на Германското царство (Хабзбург). Во текот на верската војна Франција, иако е католичка земја, војуваше на страната на протестантите. Го продолжи колонијалното ширење на Франција и почна со колонизација во Северна Америка (Квебек). Помогна во развојот на земјоделството, трговијата и образованието. Во 1635 година ја основа Француската академија.

1737.- Роден е Луиџи Галвани, италијански физичар. Како прв професор по анатомија на Универзитетот во Болоња го откри галвановиот електрицитет. Според него се наречени еднонасочните електрични струи и голем број електрични процеси и постапки. Умрел во 1798 година.

1776.- Воведен е официјалниот назив Соединети Американски Држави наместо Обединети Колонии кој дотогаш беше во употреба.

1828.- Во Јасна Полјана е роден Лав Николаевич Толстој, руски писател, ненадминат раскажувач, романописец, драматичар и општествен реформатор. Делата ги создаваше спонтано и според уметничка совест, донесувајќи поетска целосна вистина. Како аналитичар и просветител се истакнува со делото "Војна и мир". Неговите дела и идеологија значително влијаеја врз европската мисла и литература. Умре во Астатово, на 20 ноември 1910 година.

1835.- Во Франција се усвоени т.н. „септемвриски закони“ со цел сузбивање на радикалното левичарско движење и воведување цензура во печатот.

1898.- Умре францускиот писател Стефан Маларме, кој значително влијаеше врз наредните генерации на француските литерати. Дело: „Песни и проза“.

1901.- Умре Анри де Тулуз-Лотрек, француски сликар, голем мајстор на литографијата чии омилени мотиви беа личности и настани од ноќниот живот на Монпаранс во Париз. Роден е во Париз, на 24 јуни 1864 година.

1914.- Со успешна контраофанзива на француските трупи, потпомогнати од британскиот експедициски корпус, во Првата светска војна по четири дена тешки борби заврши првата голема битка на реката Марна во Франција. Во битката германската загуба е проценета на 800.000 луѓе.

1920.- Во Тетово е роден Тодор Циповски - Мерџан, народен херој на Југославија, од Македонија. Во борбата против балистите загина во селото Белчица, Мавровско, на 19 септември 1944 година.

1944.- Царството Бугарија капитулира по пробивот на единиците на Црвената армија и по избувнувањето на народното востание. - Национален празник на Бугарија.

1948.- По повлекувањето на советската војска, на север на Корејскиот Полуостров прогласена е Демократска Народна Република Кореја. - Национален празник на Демократска Народна Република Кореја.

1976.- Во Пекинг умре Мао Це Тунг, кинески револуционер, теоретичар и државник. Тој е основач на првите марксистички групи во земјата и еден од основачите на КП на Кина, која под негово водство ги освои клучните победи во ослободителната војна против јапонската инвазија и во Големата кинеска револуција. Роден е на 26 декември 1893 година.

1984.- Во Париз умре Јилмаз Гинеј, турски синеаст и писател, еден од најталентираните светски филмски творци. Роден е во 1937 година.

1991.- Советската Република Таџикистан прогласи независност.

1993.- Израел и ПЛО се договорија за меѓусебно признавање.

1994.- Започна со работа Постојаната мисија на Република Македонија при Обединетите нации во Виена.

1994.- Кај Питсбуг, Пенсилванија, во САД, се урна американски авион од типот „боинг 737“, при што загинаа сите 131 патник и членови на екипажот.

1996.- Воспоставени се целосни дипломатски односи меѓу СР Југославија и Република Хрватска.

1999.- Во експлозија на бомба која во Москва во станбена зграда ја подметнаа чеченски исламски терористи загинаа најмалку 94 луѓе.

2001.- Смртно е ранет Ахмад Шах Мусад, долгогодишен водечки герилски командант во Авганистан во борбата против владејачките талибанци. Масуд умре пет дена подоцна.

2003.- Умре американскиот нуклеарен физичар Едвард Телер, наречен „татко на хидрогенските бомби“, еден од најистакнатите физичари на 20. век. Докторираше во 1930 година во Лајпциг, каде заедно со Вернер Хајзенберг го поставија темелот на нуклеарна физика.

2004.- Во Флинтриџ, Калифорнија, САД, умре Френк Томас, легендарен аниматор на "Волт Дизни". Работеше на речиси сите познати анимирани филмови на Дизни, од "Снежана и седумте џуџиња" до "Пинокио" и "Бамби". Роден е во 1912 година.

2015.- Британската кралица Елизабета Втора одбележува 63 години и седум месеци на престолот, што претставува најдолг „стаж“ на еден монарх во историјата на Велика Британија. Кралицата, која има 89 години, го надмина досегашниот рекорд што до денеска го држеше нејзината чукунбаба, кралицата Викторија. Според прецизните пресметки што се направени, попладнето во 17,30 часот по британско време, кралицата ќе биде 23.226 денови, 16 часови и 30 минути на престолот на Обединетото Кралство. На престолот таа се наоѓа откако го наследи својот татко, кралот Џорџ Шести, кој почина на 6 февруари 1952 година.

2021.- На 96-годишна возраст во Атина почина познатиот грчкиот композитор, диригент и политичар Микис Теодоракис, препознатлив по неговото дело, музиката за „Гркот Зорбас“. Теодоракис и е познат на македонската јавност по концертот одржан во 1997 година во Скопје, но и по неговата поддршка на протестите против Договорот од Преспа и против употребата на терминот „Македонија“ во името на нашата земја. Според грчките медиуми од 90-те години, за време на неговиот престој во Скопје, Теодоракис го посетил и гробот на Георгиос Алексис Зорбас, а на концертот одржан во МОБ, заедно со македонските уметници, го претставил своето музичко дело „Гркот Зорбас“. На концертот присуствувале и претставници на државниот врв меѓу кои и тогашниот претседател Киро Глигоров. Теодоракис во текот на неговиот живот, освен со музиката, се занимаваше и со политика и во периодот 1990-1992 година беше и министер и пратеник. Теодоракис е роден на 29 јули 1925 година на грчкиот остров Хиос./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Наскоро треба да се борат во кафез- сите очекуваа кавга, тие страсно се бакнуваа на соочувањето (ВИДЕО)

Борбите на познати личности од социјалните мрежи станаа популарна форма на забава, особено во Чешка и Словачка. 

Наскоро треба да се борат во кафез- сите очекуваа кавга, тие страсно се бакнуваа на соочувањето (ВИДЕО)

Еден од најпознатите организатори на вакви настани е чешката промоција Clash, која организира натпревари на инфлуенсери, ријалити ѕвезди и други јавни личности според правилата на ММА или слични боречки вештини, пишува Sportal.rs.

Меѓу основачите на организацијата е и Томаш Лин Ле Си, поранешен борец на организацијата Oktagon, кој е и едно од најпрепознатливите лица на Clash.

Бакнеж наместо борба

Следниот настан, Clash 17, ќе се одржи на 24 октомври во чешкиот град Усти над Лабем. Меѓу најавените натпревари е и оној помеѓу инфлуенсерката Тереза ​​Осладилова и Анџела Мангомба, попозната како Анџи.

Нивната конфронтација на прес-конференцијата предизвика бројни реакции. Наместо вербални провокации или физичка конфронтација, двете натпреварувачки се бакнаа пред камерите и собраните гледачи. Видеото потоа се прошири на социјалните мрежи.

Чешките медиуми објавуваат дека Осладиловска и Мангомбе се зближиле за време на снимањето на реалното шоу „Шлајска куќа“, во кое и двете учествувале. Така, нивната врска привлече дополнително внимание пред нивната пресметка.

Која е Тереза ​​Осладиловска?

Тереза ​​Осладиловска е чешка инфлуенсерка, модел и креаторка на еротска содржина, позната на социјалните мрежи под прекарот Осладинда. Таа доби поширока популарност со учеството во чешката верзија на реалното шоу „Гола привлечност“, во кое натпреварувачите избираат потенцијални партнери врз основа на нивниот гол изглед.

Таа се појави двапати во тоа шоу. Првиот пат беше меѓу кандидатите што другите учесници можеа да ги изберат, додека во вториот настап самата избра потенцијален партнер. Пред телевизиската кариера, работеше како медицинска сестра, а извесно време водеше и салон за убавина. Подоцна, таа почна да објавува еротска содржина на платформата OnlyFans.

Популарноста стекната на телевизија ѝ овозможи да се занимава со боречки вештини. Во февруари оваа година, таа го имаше своето деби на „Клеш 15“ и ја победи Доминика Хоракова со технички нокаут во втората рунда. Во интервју за чешкиот iDNES, таа откри дека немала искуство во боречките вештини пред да се приклучи на Clash.

Во меѓувреме, Осладилова почнала редовно да тренира, а зборувала и за можноста за учество во натпревари за фитнес во бикини. Борбата против Мангомба ќе биде нејзин втор настап во организацијата Clash.

Која е Анџи Мангомбе?

Анџели Мангомбе, попозната како Анџи, е чешка инфлуенсерка, претприемачка и ријалити ѕвезда родена во 1996 година. Таа станала позната на јавноста по учеството во емисиите Like House и Výměna štážek, чешката верзија на ријалити форматот Wife Swap.

Таа е вклучена во социјалните мрежи, претприемништвото и музиката, а во минатото работела и во индустријата за возрасни. Меѓу другото, настапувала како стриптизета и учествувала во еротски емисии преку интернет камери. Исто така, започнала бизнис поврзан со продажба на перики.

За разлика од Осладилова, Мангомбе има поголемо искуство во боречките вештини. Таа за прв пат се појави во организацијата „Клеш“ во 2022 година, а досега одигра пет натпревари. Имаше две победи, два порази и едно реми. Во последното појавување, во февруари оваа година, загуби од Доминика Елишерова со нокаут во првата рунда.

Анџи призна дека ѝ се допаѓа нејзината идна противничка

Интересно е што нивната врска не застана само на бакнеж за време на прес-конференцијата. Во септември, Мангомбе призна за „Чех Експрес“ дека ѝ се допаѓа Осладилова и дека може да замисли романтична врска со неа.

Таа објасни дека се запознале за време на снимањето на реалното шоу „Шлајска куќа“, каде што се предомислила за својата идна противничка. Мангомбе потоа неодамна ја раскина свршувачката со својот партнер Алберт Блажек и изјави дека не ја исклучува можноста за врска со жена.

Сепак, не е потврдено дека двајцата инфлуенсери се во врска. Нивниот дуел останува закажан за 24 октомври, кога треба да се сретнат во кафезот на „Клеш 17“.

Тагови: кафез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Неизвесни преговори за состав на владата на Шведска- сега во прв план се центристите

Претседателот на шведскиот парламент Андреас Норлен вели дека побарал од лидерката на Централната партија Елизабет Танд Рингквист да го разгледа формирањето на новата влада, давајќи ѝ рок од една недела да разговара со другите партии.

Неизвесни преговори за состав на владата на Шведска- сега во прв план се центристите

Минатомесечните избори и дадоа на левиот центар тесно мнозинство во парламентот, но иако сите четири опозициски партии ја поддржуваат лидерката на социјалдемократите Магдалена Андерсон за премиер, тие не се согласуваат околу тоа кој треба да учествува во новата влада.

Тан Рингквист сега ќе ја испита можноста за формирање центристичка алтернатива, рече Норлен на прес-конференцијата, додавајќи дека се уште не е јасно кој би станал премиер доколку успеат преговорите.

Неизвесност во преговорите

„Различни опции за формирање влада исто така се разгледуваат, иако колку што можам да кажам, ниту една од нив сè уште не покажува јасен напредок“, рече Норлен.

Танд Рингквист, чија партија го освои петтото место на изборите, рече дека ќе ги покани сите лидери на политичките партии на разговорите. Мојата намера е да придонесам за решавање на прашањето за формирање влада, а не да станам премиер“, напиша таа во објавата на социјалната мрежа Икс.

Во четвртокот, како што се очекуваше, пратениците го отфрлија предлогот на Андерсон за формирање малцинска влада. Тоа беше првото од четирите парламентарни гласа пред да мора да се распишат нови избори. Последен пат во Шведска имаше предвремени избори во 1958 година.

Танд Рингквист претходно ја покрена можноста за формирање „центристичка“ влада која ќе ги исклучи и Левичарската партија и екстремно десничарските шведски демократи.

Норлен рече дека Танд Рингквист мора да му поднесе извештај најдоцна до 26 октомври.

Тагови: влада Шведска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Несреќни туристи се најдоа среде улична војна во Париз- едвај се спасија натоварени со куфери (ВИДЕО)

Вознемирувачки снимки од насилство на улиците на градовите низ целата земја доаѓаат деновиве од Франција, каде што се судираат демонстрантите и полицијата.

Несреќни туристи се најдоа среде улична војна во Париз- едвај се спасија натоварени со куфери (ВИДЕО)

Во морето снимки од насилство и грабежи на продавници за луксузна стока, оваа од Париз, каде што две туристки се најдоа среде улична војна, привлече големо внимание на социјалните мрежи.

Имено, двете патувале во „градот на светлината“ во потрага по романса и веројатно желба да ги видат симболите на француската престолнина, како што се Ајфеловата кула и Триумфалната капија, а наместо тоа морале да си го спасат животот.

Водени топови, солзавец, маскирани бандити ги опкружиле додека се движеле низ улиците на Париз туркајќи ги своите куфери. Според сите извештаи, овие две туристки избрале погрешно време да го посетат „градот на светлината“.

Патем, Париз се смета за една од најпосетуваните туристички дестинации во светот. Помеѓу 47 и 49 милиони туристи, домашни и од целиот свет, го посетуваат овој град секоја година.

Бројот на жртви од немирите во неделата навечер кон понеделник беше голем. Според најновите бројки од француското Министерство за внатрешни работи, 2.397 лица биле уапсени, а 997 полицајци и жандармериски службеници биле повредени, од кои седум потешко, за време на националните протести поради високите трошоци за живот и влошувањето на јавните услуги.

Тагови: Париз туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер