Откако ја положи заклетвата, во краткиот говор пред руската елита ги упати традиционалните пораки за раст и развој на државата. Во екот на војната во Украина, истакна дека е отворен за дијалог со западните земји, но како што рече, под еднакви услови, повикувајќи ги да изберат меѓу политика на агресија или на соработка.

-Ние не се откажуваме од дијалог со западните земји. Изборот е нивен, дали имаат намера да продолжат да се обидуваат да го ограничат развојот на Русија, да ја продолжат политиката на агресија, притисокот врз нашата земја што не престанува со години или да бараат пат кон соработка и мир,- - Владимир Путин – Претседател на Русија.

Ден пред церемонијата, портпаролот на ЕУ Петер Стано соопшти дека Унијата нема да има свои претставници на инаугурацијата. Ставот како што кажа тој бил донесен во согласност со одлуката на мнозинството земји –членки. Сепак, присуство на амбасадорски ниво најавија Словачка, Унгарија и Франција. Одлуката, францускиот претседател Макрон ја оправда со тоа што двете земји како што кажа, не биле во војна.

-Ние не сме во воена состојба ниту против Русија ниту против рускиот народ. И ние немаме начин преку кој да бараме промена на режимот во Москва,- - Емануел Макрон – Претседател на Франција.

Од американскиот Стејт Департмент пак, избегнаа отсуството директно да го наречат бојкот, но порачаа дека изборите на кои Путин извојува убедлива победа, не ги сметаат за фер и демократски.

-Не, нема да имаме претставник на неговата инаугурација. Дали САД бојкотираат? Нема да имаме претставник таму. Можете сами да извлечете заклучоци. Ние секако не ги сметавме тие избори за слободни и фер, но тој е претседател на Русија и ќе продолжи во тоа својство,- - Метју Милер- Портпарол на Стејт Департментот.

Путин кој речиси четврт век е на претседателската фунција, петтиот мандат го освои во март годинава кога на изборите кои светските организации и западните земји ги оценија како недемократски, освои 87% од гласовите. Шест годишниот мандат на 71 годишниот Путин завршува во 2030 година, кога повторно ќе може да бара реизбор, станувајќи најдолготраен лидер на Русија по Јосиф Сталин.

Вториот круг претседателски избори и парламентарните избори утре ќе ги следат 1303 домашни набљудувачи, 860 странски набљудувачи и 83 странски новинари, информира на денешната седница на Државната изборна комисија, нејзиниот член Бобан Стојаноски.

Претходно тој информира дека до ДИК пристигнале барања за акредитации за набљудувачи за изборите за претседател и за изборите за пратеници, а се однесуваат на дополнување на веќе прифатени акредитации, се работи за организација Вејк ап – 9 набљудувачи, ТВ Н1 од Белград со двајца новинари, Телевизија Клан Косова – 8 новинари, Амбасадата на САД дополнување со еден набљудувач, и ТВ Имеди – двајца новинари.

Стојаноски истакна дека до ДИК пристигнале уште 14 приговори за заштита на личното избирачко право, од кои на седницата поголем дел се прифатени, а неколку одбиени.

Гласањето во текот на утрешниот ден, потсети Стојаноски, се врши лично на гласачките места во државава.

-Избирачкиот одбор задолжително го прашува гласачот дали сака да гласа за двата вида на избори или сака да гласа само за еден вид на избори, односно дали сака да гласа дали за претседателски или за парламентарни или како што напоменав претходно и за двата избори одеднаш. Притоа, им го објаснува начинот на гласање и им овозможува на гласачите да гласаат. Гласачот може само еднаш да се појави на гласачкото место за остварување на своето избирачко право. Притоа, гласачот го приложува документот за лична идентификација, важечка лична карта или патна исправа, односно за претседателски избори 2024 година лична карта или патна исправа чија важност истекла од 24 јули 2023 година до 24 април 2024 година, а за парламентарните избори гласачот ќе може да гласа со лична карта или со патна исправа чија важност истекла во периодот од 8 август 2023 година до 8 мај 2024 година, кажа Стојаноски.

Појасни дека гласачот добива два гласачки ливчиња доколку се одлучи да гласа за двата вида на избори или едно гласачко ливче за изборите за кој се одлучил да гласа и се потпишува во соодветниот извод од избирачкиот список.

-Гласачот гласа сам тајно зад гласачкиот параван. Гласачот гласањето го врши на тој начин што го заокружува редниот број пред називот, името на листата или редниот број на кандидатот со хемиско пенкало во сина боја. Превитканото гласачко ливче го става во соодветната гласачка кутија, бидејќи утре имаме двојни избори на секое избирачко место ќе има две гласачки кутии соодветно обележани. Притоа, секој гласач се задржува во избирачкото место онолку време колку што му е потребно за да го оствари своето право на глас без притоа да направи каков било застој во истото. На крај гласачот го подигнува документот за лична идентификација и го напушта гласачкото место, истакна тој.

ДИК апелира до избирачките одбори и ОИК да продолжат да ги почитуваат законите и Изборниот законик, упатствата и правилниците донесени од страна на ДИК со цел успешно спроведување на двојните избори кои ќе се одржат во текот на утрешниот ден.

За една година најголем раст е забележан кај овошјето и зеленчукот. Млечните прозиводи, рибата и морските плодови, шеќерот, џемот, чоколадите. Според статистика од март до април годинава зголемувањето на инфлацијата е минимално од 0.7 проценти. Граѓаните најмногу пари месечно трошат за храна и пијалаци.

Во следните месец, два цената лебот и останатите прехрамбени производи ќе остане стабилна – тврдат од агробизнис комората, но каква ќе биде состојбата по овој период останува неизвесно.

Првиот човек на комората, Горан Ѓорѓиевски вели забележан е раст на цените на житото на светските берзи, кој засега не ја менуваат сликата кај нас, но неизвесна е ситуацијата и поради војната на Блискиот Исток, која влијае на цената на нафтата.

„Догледно е можеби период од месец, два, потоа пак ќе се прави анализа, знаете турбуленциите што се случуваат на Блискиот Исток, покачување на цената на нафатата, еве утрово чиват инфомрација дека можеби Израел ќе го нападне оној дел Рафа се викаше исто палестински дел, повторно започнување на војна, директно таму имплицира зголемување на цена на нафта, раст на нафта повторно имате потенцијални можни нови повисоки цени на суровини од прехрамбената индустрија. Од општо целата индустрија, “изјави Горан Ѓорѓиевски – Агро-бизинс комора при ССК.

Во април минималната синидкална кошничка надмина 60 илјади денари, или е за 1 200 денари повисока од март. Според пресметките на ССМ, едно четири члено семејство месечно само за храна и пијалаци троши нешто над 22 илјади денари, вредност што е речиси идентична со една минимална плата во земјава.